OMER

Sukat a namaga a ti katupagna ket apagkapullo ti maysa nga efa. (Ex 16:16, 18, 22, 32, 33, 36) Ti maysa nga efa ket napattapatta a 22 L (20 namaga a qt) sigun iti pammaneknek ti arkeolohia a mangipakpakita no kasano kaadu ti katupagna a bat no iti sukat a likido. (Idiligyo ti Eze 45:10, 11.) Ti maysa nga omer katupagna ngarud ti 2.2 L (2 namaga a qt).

No pagdiligen ti Hebreo a teksto ti Exodo 29:40 ken Numeros 28:5, agparang a ti ‘apagkasangapulo’ kaipapananna ti apagkapullo ti maysa nga efa, wenno maysa nga omer. Daytoy ti nakaibatayan ti pannakaipatarus ti Hebreo nga ‘apagkasangapulo’ kas “apagkapullo ti maysa nga efa.”​—Nu 15:4, AT, NW, Ro, JP.