ZEUS, ANNAK NI

Sigun iti Griego ken Romano a mitolohia, da Castor ken Pollux ket singin nga annak ni Leda ken putputot ti dios a ni Zeus (Jupiter), ngarud naawaganda iti Dioscuri, wenno “Annak ni Zeus.” Malaksid iti dadduma pay a banag, naibilangda kas manangsalaknib kadagiti marino, a kabaelanda nga ispalen dagiti lumalayag a maipaspasango iti peggad iti baybay. Adda dagiti mamati a dagitoy a didiosen agparangda bayat dagiti bagyo babaen iti porma a Sanselmo. Ti barangay ti Alejandria a nagluganan ti balud a ni Pablo manipud Malta a mapan idiay Puteoli idi agturturong idiay Roma ket addaan iti parupa a tanda nga “Annak ni Zeus.” Nalabit ti imahen wenno simbolo ken ti nagan ni Castor ket adda iti maysa a sikigan ti purua, ket ti katupagna a ladawan ken nagan ni Pollux ti adda met iti bangir a sikigan.​—Ara 28:11.