ZILPA

Adipen a babai ni Lea ken maysa kadagiti segundario nga assawa ni Jacob. Ni Zilpa ket adipen idin ni Laban nga ama ni Lea agingga a nayasawa ni Lea ken Jacob idi 1774 K.K.P., ket ni Zilpa naited ken Lea. (Ge 29:24) Kalpasan a naaddaan ni Lea iti uppat nga annak ken impagarupna a nagsardengen nga agipasngay, intedna ni Zilpa ken Jacob kas segundario nga asawa. Idi agangay, inyanak ni Zilpa da Gad ken Aser, ket kalpasanna naaddaan met dagitoy iti adu nga annak. (Ge 30:9-13; 35:26; 37:2; 46:16-18) Nagtalinaed ni Zilpa iti sangakabbalayan ni Jacob bayat ti adu a panagdaliasatda.​—Ge 32:22; 33:1, 2.