Isut’ Nakayawan

Bayat nga agdaldaliasatak iti subway idiay Nueva York iti napalabas a primavera, maysa a balasang ti agbasbasa ti libro nga Apocalipsis​—Ti Grande a Tampokna Asidegen! Daydiay lalaki nga agtugtugaw iti sibayna nadlawna ti publikasion, ket idi nga uk-ukagenna dagiti pinanidna, ti lalaki ket nakayawan kadagiti nagpipintas nga ilustrasion. “Ay, pudno a makapainteres dayta a libro!” kuna ti lalaki.

“Wen, pudno dayta,” insungbat ti balasang. “Ilawlawagna ti libro ti Biblia nga Apocalipsis, kapitulo por kapitulo.”

“Kasanot’ panangalak ti maysa kadagita?” kayat a maammuan ti lalaki.

“Manipud kadagiti Saksi ni Jehova,” insungbat ti balasang. Ngem sana intuloy: “Ammom, daytoy a kopiak ket baro pay, ket $3 laeng, isu a mabalinkon nga ited daytoy kenka.”

Dagus a nangala ti kuarta manipud bulsana ket inawatna ti libro. Ket iti dayta, nagsardengen ti tren, ket isun ti nagganat a rimmuar.

Daytoy makakayaw a natangken ti akkubna a libro, a kas kadakkel ti panid daytoy a magasin, iparangna ti bersikulo-por-bersikulo a panangusig iti intero a libro ti Biblia nga Apocalipsis. Daytat’ mangted ti nalawag, lohikal a panangipabigbig kadagiti an-animal, ti dragon, ti dakkel a balangkantis, ken dagiti dadduma pay a simboliko a paset ti Apocalipsis. Makitayo ti kaipapananda kadagiti kaaldawantayo. Agpaipatulodkayo itan.

Pangngaasiyo ta patulodandak, a nabayadaen ti seliona, ti 320-panid a libro nga Apocalipsis​—Ti Grande a Tampokna Asidegen! Mangilukonak ti ₱42.