Daytoy a Libro Binaliwanna ti Panagbiagda

Adu a tawen ti napalabasen maysa a babai ti nangidiborsio ken lakayna. Idi agangay ni anakna nga Steve nagbalin a maysa kadagiti Saksi ni Jehova. Pinadpadas ni Steve nga insarsarita ti pammatina ken nanangna ngem awan balligina. Pinasiarna met ni tatangna, a matmatay iti kanser.

Imbes nga agsao ti adu, basta nangibati lattan ni Steve ti libro a Mabalinyo ti Agbiag nga Agnanayon iti Paraiso a Daga iti sibay ti katre ni tatangna ket kunana a ti panangbasa iti dayta makatulong kenkuana. Binasa ni tatangna ti libro ket nangrugi a tumabuno a bukbukodna iti gimgimong dagiti Saksi ni Jehova idi Enero 1988.

Kabayatanna, naaddaan gundaway ti nanang ni Steve a makapaliiw ti baro a personalidad nga ipakpakita ti dati a lakayna kadagiti panagtataripnong ti pamilia. Daytoy ti namagsiddaaw unay kenkuana ta isut’ immanamong met a tumabuno iti gimong dagiti Saksi ni Jehova. Rinugian ni nanangna ti tumabuno a regular kadagiti panaggigimong, ket di nagbayag isut’ makikatkatugawen kadakuada a kadua ti dati a lakayna. Idi agangay nagasawada manen.

Natay ti tatang ni Steve idi Setiembre 1988 ngem saan a sakbay a nangrugi a makiramramanen iti Nakristianuan a ministerio. Ti nanang ni Steve, a nangaywan ken amana bayat dagiti maudi a bulan ti panagsakitna, nabautisaran idi Hunio 1988 ket itan maysan a naregta a Saksi.

Ti Mabalinyo ti Agbiag nga Agnanayon iti Paraiso a Daga ket maysa a libro a mangted namnama babaen ti panangitudona kadagiti sungbat ti Biblia kadagiti parparikut ti biag. Daytat’ instrumento iti panamagbalbaliw ti adun a biag. Maipaay iti impormasion no kasano ti pannakaala ti maysa a kopia, suratanyo ken ikoreoyo ti naipakuyog a kupon.

Kayatko ti umawat ti natangken-akkubna a 256-panid a libro a Mabalinyo ti Agbiag nga Agnanayon iti Paraiso a Daga. (Agsuratkayo iti direksion nga adda iti baba maipaay ti impormasion. Iti ruar ti Filipinas, agsuratkayo iti lokal a sanga ti Watch Tower maipaay ti impormasion. Kitaenyo ti panid 2.)