Timmiponda iti Nagkaykaysa a Panagkakabsat

Agosto 7, 1993 idi, iti Republican Stadium idiay Kiev, Ukraine. Sigagagar ti nasurok nga 64,000 a timmabuno a mangpadpadaan bayat a dimteng ti oras. Kalpasanna, kas sungbat iti dua a nabagas a saludsod, rinibu ti nangipukkaw iti “Da!” (“Wen!”) Iti daytoy a pamay-an, nangaramidda ti publiko a panangipaduyakyak iti pammatida ket kalpasanna nagturongda tapno isimbolo ti dedikasionda ken Jehova a Dios babaen ti pannakabautisar iti maysa kadagiti innem a pool iti estadium.​—Mateo 28:19.

Iti kasta, iti daytoy maikatlo nga aldaw ti internasional a “Nadiosan a Panangisuro” a Kumbension dagiti Saksi ni Jehova, naimatangan dagiti timmabuno ti naisangsangayan a pasamak: 7,402 ti nabautisaran ken nagbalin a paset, saan a ti maysa a nabingaybingay nga iglesia, no di ket ti nagkaykaysa a sangalubongan a kongregasion Kristiano.

No kayatyo ti makasursuro iti ad-adu pay maipapan kadagiti pudno a Kristiano pangngaasiyo ta agsuratkayo iti Watch Tower, P.O. Box 2044, 1099 Manila, wenno iti maitutop a direksion a nailista idiay panid 2.