Patalgedan daytoy nga artikulo a ni Jehova ket kanayon nga Ari ken isalaysayna no kasano nga imparangarangna ti kinaarina kadagiti parsuana idiay langit ken ditoy daga. Iparegtana met a surotentayo ti ulidan dagidiay nangpili nga agdayaw ken Jehova, ti Ari ti kinaagnanayon.

▪ 100 a Tawenen a Panagturay ti Pagarian—Ania ti Naaramidanna Kenka?

Paunegen daytoy nga artikulo ti apresasiontayo iti nagapuanan ti Mesianiko a Pagarian iti napalabas a 100 a tawen. Paregtaenna met ti tunggal maysa kadatayo a sisusungdo nga agpasakup iti dayta ken mangmennamenna iti kaipapanan ti teksto para iti tawen 2014.

▪ Panagaramid iti Nainsiriban a Desision Bayat ti Kinaagtutubo

▪ Agserbika ken Jehova Sakbay a Dumteng ti Narigat nga Al-aldaw

Ania ti rumbeng nga aramidek iti biagko? Napateg daytoy a saludsod para iti asinoman a nangidedikar iti biagna ken Jehova. Kadagitoy nga artikulo, usigentayo dagiti prinsipio a makatulong kadagiti agtutubo a Kristiano tapno naan-anay a makapagserbida iti Dios. Usigentay met dagiti oportunidad a silulukat kadagiti natataengan a Kristiano tapno mapalawada ti ministerioda.

▪ “Umay Koma ti Pagariam”—Ngem Kaano?

Adu a tattao ti saan a mamati a dandanin agpatingga daytoy dakes a sistema gapu ta saanda a matarusan ti kaipapanan dagiti paspasamak ditoy lubong wenno gapu ta okupadoda kadagiti personal a paginteresanda. Repasuen daytoy nga artikulo ti tallo a rason no apay a makapagtalektayo nga asidegen a pagpatinggaen ti Pagarian ti Dios daytoy dakes a sistema.

ITI DAYTOY MET A RUAR

3 Situtulok nga Agsaksakripisioda—Iti Laud nga Africa

32 Ti Desisionko Idi Ubingak

AKKUB: Panangasaba kadagiti ganggannaet nga estudiante iti maysa nga unibersidad iti siudad ti Lviv

UKRAINE

POPULASION

45,561,000

AGIBUMBUNANNAG

150,887

1,737 a kongregasion ken 373 a grupo iti 15 a lengguahe, pakairamanan ti Hungarian, Romanian, Russian, Russian Sign Language, ken Ukrainian