Ti Okasion a Rumbeng a Tabunuam

Iti rabii sakbay ti ipapatayna, binilin ni Jesus dagiti matalek a pasurotna a laglagipenda, wenno rambakanda, ti sakripisiona. Inusarna ti awan lebadurana a tinapay ken ti nalabaga nga arak idi rinugianna ti maaw-awagan ita a Maudi a Pangrabii wenno Pangrabii ti Apo. Imbilin ni Jesus: “Itultuloyyo nga aramiden daytoy kas panglaglagip kaniak.”​—Lucas 22:19.

Kada tawen, agtataripnong dagiti Saksi ni Jehova iti intero a lubong tapno rambakanda ti anibersario ti ipapatay ni Jesus. Iti tawen 2014, maangay ti Memorial inton Abril 14, kalpasan ti ilelennek ti init.

Naimpusuan nga awisendaka a tumabuno. Mailawlawagto iti daytoy a taripnong ti ad-adu nga impormasion maipapan iti kinapateg ti sakripisio ni Jesus. Libre ti tumabuno ken awan maaramid a panagkolekta. Ti nangted kenka iti daytoy a magasin maibagana ti oras ken lugar a pakaangayan ti Memorial iti lugaryo, wenno mabalinmo met a kitaen ti Web site-mi a jw.org. Pangngaasim ta laglagipem daytoy nga okasion, ket namnamaenmi ti itatabunom.