Ania ti Kuna ti Biblia?

Matulongannaka ngata ti Biblia a mangsango kadagiti pakadanagam?

Panagkunam?

• Wen

• Saan

• Siguro

Ti kuna ti Biblia

“Iyallatiwyo [iti Dios] ti isuamin a pakaringgoranyo, agsipud ta isu maseknan kadakayo.” (1 Pedro 5:7) Ipasigurado ti Biblia a matulongannaka ti Dios tapno mabang-aranka kadagiti pakadanagam.

Ania pay ti maammuantayo iti Biblia?

• Babaen iti kararag, maaddaanka iti “talna ti Dios” a mangkissay iti panagdandanagmo.—Filipos 4:6, 7.

• Maysa pay, makatulong ti panagbasa iti Sao ti Dios tapno saanka unay a ma-stress.—Mateo 11:28-30.

Maawanto pay ngata ti panagdandanag?

Adda dagiti mamati . . . a ti panagdandanag ken stress ket normal iti tao. Patien met ti dadduma a mapukawto laeng ti panagdandanag iti sabali a biag. Ania ti makunam?

Ti kuna ti Biblia

Ikkatento ti Dios ti amin a makagapu iti panagdandanag. “Awanton ni patay, awanto metten ti panagleddaang wenno panagsangit wenno ut-ot.”—Apocalipsis 21:4.

Ania pay ti maammuantayo iti Biblia?

• Nakataltalnanton ti biag inton agturay ti Pagarian ti Dios.—Isaias 32:18.

• Awanton ti nalabes a panagdandanag ken stress.—Isaias 65:17.