Gimong a Mangtulong Kadatayo nga Agaramid Adalan
LAWAS TI AGOSTO 6-12
12 min: Lokal nga anunsio ken Dagiti Pakaammo manipud Ti Ministeriotayo iti Pagarian. Mausig met ti artikulo nga “Agplanokayo a Nasakbay a Maipaay iti Setiembre.”
18 min: “Nalaing a Trabahador a Mangusar iti Sao ti Dios iti Umiso.” Saludsod ken sungbat a panangkobre. Idemostra iti manangaywan ti pagadalan wenno manangaywan iti serbisio ti panangtulong iti baro nga agibumbunannag a mangkabisado kadagiti benneg ti New World Translation.
15 min: Panangtimbang iti Namnamayo a Makapagpayunir. Makaparegta a palawag agraman dagiti interbio. Adda 15,000 a regular payunir ditoy Pilipinas. Ania ti nangtignay kadakuada a nagpayunir? Ti ayatda ken Jehova ken iti kaaruba (Mat. 22:37-39); ti tarigagayda nga ad-adu pay ti maisalakan (1 Tim. 2:4); ti nasakripisio nga espiritu a maipaay iti intereses ti Pagarian. (1 Cor. 9:23) Dagiti maaramid nga addang no kayatyo ti agpayunir: (1) Idatagyo ken Jehova a sikakararag (Mat. 7:7, 8; Fil. 4:6); (2) makisaritakayo kadagiti payunir ken panglakayen (Prov. 15:22); (3) isuratyo dagiti iskediol, a timbangenyo no kasano nga apektaranna iti dadduma a Kristiano a responsabilidadyo (Luc. 14:28); (4) itaningyo ti petsa a panangrugiyo, a saanyo nga urayen daydiay kasayaatan a sirkumstansia. (Ecl. 11:4) Ti Setiembre isut’ naimbag a tiempo a panangrugi; mabalin a kualipikadokayo a maipaay iti Pioneer Service School iti sumaruno a tawen. Interbio iti maysa wenno dua a payunir no kasano a naparukmada dagiti lapped iti panagpayunir.
Kanta 128 ken pangserra a kararag.
LAWAS TI AGOSTO 13-19
10 min: Lokal nga anunsio ken report iti kuenta.
20 min: “Paregtaen Dagiti Estudiante ti Biblia nga Agprogreso.” Saludsod ken sungbat a diskusion. No mausig iti parapo 4, idemostra no kasano a ti eksperiensiado nga agibumbunannag ket maparegtana iti estudiante nga agprogreso bayat ti diskusion iti parapo 3 idiay panid 14 ti Mangar-aramid iti Pagayatan ti Dios a broshur.
15 min: Kaano a Mabalinen iti Estudiante ti Biblia a Makiraman iti Ministerio ti Publiko? Palawag ti maysa a panglakayen a naibatay iti Disiembre 1, 1989 a Pagwanawanan, panid 31.
Kanta 217 ken pangserra a kararag.
LAWAS TI AGOSTO 20-26
10 min: Lokal nga anunsio. Maiparegta iti serbisio ti tay-ak iti lawas.
20 min: “Ti Pasetyo a Mangaramid Kadagiti Gimong a Makagunggona.” Imatonan ti maysa a panglakayen iti saludsod ken sungbat a diskusion. Maigunamgunam no ania dagiti maasikaso a kasapulan iti lokal.
15 min: “Ipakita iti Talek ken Jehova Babaen ti Panagpayunir.” Lawlawagan ti maysa a panglakayen ken ministerial nga adipen iti artikulo ti Abril, 1990 a Ti Ministeriotayo iti Pagarian.
Kanta 20 ken pangserra a kararag.
LAWAS TI AGO. 27–SET. 2
10 min: Lokal nga anunsio. Teokratiko a Damdamag.
15 min: “Panangiparang ti Naimbag a Damag—Babaen Dagiti Panagadal ti Biblia.” Saludsod ken sungbat a panangwanas. Idemostra iti ababa dagiti singasing idiay parapo 4 ken 5.
20 min: Palawag iti “Kinamanagsapsapa ken Dakayo” manipud Pagwanawanan iti Hunio 15, 1990, pinanid 26-29. Maiyaplikar iti lokal kas kasapulan.
Kanta 8 ken pangserra a kararag.
LAWAS TI SETIEMBRE 3-9
10 min: Lokal nga anunsio.
10 min: Tukon iti Setiembre. Malawagan ken maidemostra dagiti mapagsaritaan a puntos ken ilustrasion idiay Creation a libro a mabalin a mausar iti daytoy a bulan.
25 min: “Agtultuloykayo nga Agbunga a Buyogen iti Panagibtor.” Saludsod ken sungbat a diskusion iti insert.
Kanta 169 ken pangserra a kararag.