Ti Ministeriotayo iti Pagarian iti Baro a Pormana

Iti ruarna nga Oktubre, Ti Ministeriotayo iti Pagarian isut’ agparang babaen iti baro a pormana. Ti napasayaat a diseniona isut’ mangpalaka iti pannakapartuatna iti nagduduma a pagsasao ken nalaklaka a saraken dagiti managbasa ti impormasion.

Babaen iti daytoy a pormana, amin a titulo ken teksto isudat’ mapataud babaen iti computer. Dakkel ti panangpalakana iti trabaho a panangpataud iti Ti Ministeriotayo iti Pagarian.

Iti managbasa, adda nawadwad a simmayaatanna. Adda panagpapada iti kadakkel dagiti tipo, ken iti naimaldit a langa dagiti napili a teksto a naglaka a basaen, uray pay dagiti babassit a letra. Nalaklaka met a mabasa dagiti report iti tay-ak ti serbisio. Maysa pay, dagiti kangrunaan nga artikulo ti masansan nga agminar iti makinruar a pinanid, ken kaaduan nga artikulo ti makompleto iti isu met laeng a panid. Ti programa iti Gimong ti Serbisio, ti iskediol iti Panagadal ti Libro, report iti serbisio, Dagiti Pakaammo, Teokratiko a Damdamag, Taripnong Sakbay ti Panangasaba, Topiko a Pagsasaritaan, ken Kahon ti Saludsod isudat’ masarakan iti makin-uneg a pinanid.

Namnamaenmi a daytoy nga instrumento ket mas epektibo a tulong iti trabaho a panangikasaba iti naimbag a damag ti Pagarian ken panagaramid iti adalan.