Gimong ti Serbisio iti Nobiembre
Lawas ti Nobiembre 9-15
10 min: Lokal nga anunsio, napili a Dagiti Pakaammo manipud Ti Ministeriotayo iti Pagarian, ken dagiti lawag manipud Teokratiko a Damdamag. Repasuen dagiti kangrunaan nga artikulo kadagiti agdama a magasina; a maadda ti maysa wenno dua nga abbaba a demostrasion a mangipakita no kasano a maitukon dagitoy kalpasan ti maysa a Nainkasuratan a diskusion. Paregtaen dagiti amin a pawadwadenda ti pannakiraman iti serbisio ti tay-ak bayat iti Nobiembre, nalabit a makiramanda kadagiti ag-auxiliary payunir iti daytoy a bulan.
20 min: “Kasapulan ti Sangatauan a Biruken iti Dios.” Saludsod ken sungbat. Parayrayen ti panagtrabaho iti tay-ak bayat daytoy a bulan. Ipakita no kasano a ti publikasion ket makatulong kadagiti tattao iti nagduduma a relihion idiay teritoriayo. Repasuen dagiti naisingasing a panangiparang idiay Oktubre a Ti Ministeriotayo iti Pagarian ken maiyurnos ti ababa a demostrasion iti maysa kadakuada babaen ti maysa a nasanay nga agibumbunannag wenno payunir.
15 min: Palawag ti makabael a panglakayen iti artikulo a “Kuenentayon Aya ti Gatadna?” iti Agosto 15, 1992 a ruar ti Pagwanawanan, pinanid 26-9. Usaren dagiti ehemplo idiay artikulo a mangiladawan iti naannad a panangusig no kasano nga apektado ti espiritualidad no awaten iti maysa a panggedan wenno agbiahekayo a mapan ti sabali a pagilian. Palagipan ti panglakayen dagiti kakabsat maipapan iti surat ti Sosiedad kadagiti amin a kongregasion a napetsaan iti Agosto 1, 1992 maipapan ti peggad iti panangawat ti trabaho iti sabali a pagilian nga awan ti natanang a panangusig iti pagbanaganna.
Kanta 63 ken pangserra a kararag.
Lawas ti Nobiembre 16-22
10 min: Lokal nga anunsio. Basaen iti report ti kuenta; maited ti komendasion a naibasar iti 2 Corinto 9:6, 7. Maawis dagiti nagsagana nga agibumbunannag a mangistoria iti nagpaiduma a kapadasanda a nangitukon iti Panangbiruk iti Dios a libro bayat ti bulan.
20 min: “Panagsarungkar nga Addaan Kalat a Mairugi iti Panagadal ti Biblia.” Saludsod ken sungbat ken dagiti demostrasion. Idemostra ti naisingasing a dikusion iti Biblia idiay parapo 3. Usaren dagiti parapo 17-20 idiay pinanid 372-5 iti libro a Ti Panangbiruk ti Sangatauan iti Dios kas basaran a pangirugi ti panagadal iti Biblia. Itudo a ti panagadal ket mabalin a mairugi iti uray ania a kapitulo ti libro, saan a kanayon nga idiay rugi, agpannuray no ania ti paginteresan iti bumalay.
15 min: “Sursuruenyo ti Agtulnog Babaen ti Panangawat iti Disiplina.” Palawag ti maysa a nataengan a naganak iti artikulo ti Oktubre 1, 1992 a ruar Ti Pagwanawanan. Maipakita iti pateg ti disiplina a pangsukog iti personalidad ti maysa nga ubing tapno maipasdek iti nasayaat a pundasion ti biag iti adulto wenno nataengan. Maipakita no ania ti mapagteng no agkurang iti disiplina ti sangakabalayan.
Kanta 88 ken pangserra a kararag.
Lawas ti Nobiembre 23-29
5 min: Lokal nga anunsio. Maparegta dagiti amin a mangusig ti panag-auxiliary payunir iti Disiembre, a dagus a suratan dagiti aplikasionda. Babaen iti naannad a plano, adu ti makaragpat iti 60-oras a kasapulan sakbay a mangrugi ti kombension iti distrito.
20 min: “Tulongan Dagiti Annak iti Napusuan a Panagserbi ken Jehova.” Saludsod ken sungbat. Maigunamgunam ti kasapulan dagiti nagannak a panangtungpal iti responsabilidadda a mangipakita ti ehemplo ken panangsanay a mismo kadagiti annakda iti ministerio. Maawis ti maysa wenno dua a nagannak a mangistoria no ania iti inaramiddan nga addaan ti naimbag a resultana. Paidemostra iti maysa a naganak no kasano a natulonganna ti anakna nga agsagana iti diskusion ti Biblia a mausar iti panagbalaybalay a ministerio. Maingudo babaen ti panangidemostra iti maysa nga agtutubo ti maysa kadagiti naisingasing a diskusion.
10 min: “Saludsod.” Mailawlawag kadagiti timmabuno. Maipaganetget no apay a nasken kadagiti annak nga addaanda ti naimbag a pakasasawan iti nasayaat a kondukta ken ti napudno a tarigagay a makiraman iti tay-ak ti ministerio tapno maikaridan a kas saan pay a bautisado nga agibumbunannag.
10 min: Ebkas Manipud Kadagiti Agtutubo nga Agibumbunannag. Maawis dagiti nagsagana nga agtutubo nga agibumbunannag a mangilawlawag no kasanoda a nagbalin a maikari kas saan pay a bautisado nga agibumbunannag ken no apay a pagragsakanda ti serbisio iti tay-ak ken kayatda a nawadwad pay ti pannakipasetda. Masapul a dagiti masaludsodan ket mangtedda ti bukodda a positibo nga ebkas a saan ket nga ulitenda laeng dagiti sasao a nakiddaw kadakuada a sawen.
Kanta 221 ken pangserra a kararag.
Lawas ti Nob. 30–Dis. 6
10 min: Lokal nga anunsio. Paregtaen dagiti amin a maaddaanda ti nasayaat a rubbuat iti serbisio ti tay-ak bayat iti Disiembre, nangruna kadagidiay ag-auxiliary payunir. Mapalagipan met dagiti amin, nga no umadayoda manipud kongregasion iti ngudo ti bulan gapu iti kombension ti distrito, masapul nga iyawatda pay nga umuna dagiti reportda sakbay a pumanawda tapno mairaman dagitoy iti report ti kongregasion iti daytoy a bulan.
20 min: “Silalaing a Panangaramat iti Sao ti Kinapudno.” Saludsod ken sungbat a panangwanas iti artikulo. Mailawlawag a kasapulan a mausar ti Biblia kadagiti ruangan. Kalpasan a malawagan ti parapo 5, maidemostra iti naisingasing a presentasion. Maidemostra met ti ababa no kasano a maitukon iti Biblia kalpasan a mausar ti kasuratan a Proverbio 2:6, 7. Maibaga a no dadduma dagiti agibumbunannag ket kayatda a ti Saot’ Dios a libro laeng iti itukonda no mariknada a dida a kayat ti maaddaan iti sabali a Biblia.
15 min: “Ti New World Translation—Nalaing ken Napudno.” Diskusion iti artikulo nga agparang iti Marso 1, 1991 a ruar Ti Pagwanawanan. Mailawlawag dagiti puntos a mabalin a mausar a pangiparang ti Biblia iti serbisio bayat ti Disiembre. Iti mainayon a puntos, repasuen dagiti lawag ti material a “New World Translation” idiay Panakirinnason a libro, pinanid 255-9.
Kanta 111 ken pangserra a kararag.