Dagiti Pakaammo
◼ Literatura a tukon iti Agosto: Aniaman kadagiti broshur iti ₱6.00. Setiembre: Mausarto ti Agbiag nga Agnanayon a libro, ket ikagumaan ti mangirugi kadagiti panagadal ti Biblia iti pagtaengan. ₱60.00 ti dakkel nga edision ket ₱30.00 ti bassit nga edision. Oktubre: Makatawen a suskripsion ti Agriingkayo! iti ₱80.00. Nobiembre: New World Translation nga Ingles wenno Ti Nasantuan a Kasuratan agraman Ti Biblia—Saot’ Dios wenno iti Tao? iti ₱100.00. PALAGIP: Dagiti kongregasion a saan pay a nagpedido kadagiti nadakamat iti ngato a maikampania a literatura ket masapul nga iramandan iti sumaruno a binulan a Literature Order Form (S-AB-14).
◼ Tunggal kongregasion ket umawat iti dua a Literature Inventory forms (S-18) a kakuyog ti statement ti kuentada a maipaay iti Hunio. Pangngaasiyo ta aktual a bilangenyo ti amin a literatura iti stock ken suratan dagiti porma a naan-anay, sa isubli ti orihinal iti Sosiedad a saan a naladladaw ngem Setiembre 6. Idulinyo ti duplikado iti pagipempenanyo,
◼ Urnongen ti sekretario ti kongregasion dagiti report ti serbisio tapno maiserrek iti Congregation Analysis Report form (S-10). Siaannad met nga iwardasna ti asinoman a panglakayen wenno ministerial nga adipen a tumulong kenkuana a mangurnong iti report. Mangisiguro daytoy iti umiso a tabulasion dagiti impormasion a kasapulan manipud iti Congregation’s Publisher Record cards (S-21). Ti Congregation Analysis Report form (S-10) ket masapul a masuratan a siuumiso ken sidadalus ket siaannad nga usisaen ti komite ti serbisio.
◼ Mabalin itan a maipatulod iti Sosiedad dagiti pedido para iti 1996 a Yearbook ken kalendario. Mangipatulodkami ti maysa nga espesial a Yearbook and Calendar Order Blank iti kada kongregasion a kakuyog ti Hunio nga statement ti kuenta. No maawatyo daytoy, suratan ken isubliyo iti Sosiedad a saan a naladladaw ngem Agosto 15. Ti kontribusion iti Yearbook ket ₱30.00. Makaawat dagiti regular ken espesial payunir nga adda iti listaan manipud Hulio 1, 1995 wenno sakbay dayta a petsa iti maysa a libre a kopia ti Yearbook, ket kiddawen ti kongregasion ti kredito iti daytoy iti Remittance and Credit Request form (S-20) no ipatulodda ti bayad kalpasan a maawatda dagiti Yearbook. Makaala dagiti payunir iti kanayonan a kopia a maipaima kadagiti saan a dedikado a tattao iti ₱20.00 kada maysa. Pangngaasiyo ta pagsinaenyo nga ipakita dagiti libre a kopia ken dagidiay naala iti pioneer rate no agkiddawkayo iti kredito. Aggatad ti kalendario iti ₱20.00 ken awan ti pioneer rate iti daytoy, ken awan met ti maited a libre kadagiti payunir.
◼ Masapul a maipatulod metten ti pedido iti Panangsukimat Kadagiti Kasuratan iti Inaldaw-aldaw—1996. Maipablaak daytoy iti amin a pagsasao. Mangipatulodkami iti special order blank a maipaay iti daytoy a kakuyog ti Hunio nga statement. Pangngaasiyo ta suratanyo daytoy, nga ipakita ti bilang a kasapulanyo iti kada pagsasao, ket isubliyo iti Sosiedad a saan a naladladaw ngem Agosto 15. Ti kontribusion ket ₱10.00 iti agibumbunannag. Maysa a libre a kopia ti maited iti kada espesial ken regular payunir iti listaan manipud Hulio 1, 1995. Dagiti ekstra a kopia kadagiti payunir ket ₱5.00. Makiddaw dagiti kredito iti isu met laeng a wagas a kas iti Yearbook.
◼ Adda pay tiempo kadagidiay agpalplano a mangrugi nga agregular payunir inton Setiembre 1, 1995 a mangited kadagiti aplikasionda. Kalpasan a maanamongan dagitoy iti komite ti serbisio masapul nga ikoreoda a dagus iti Sosiedad tapno dagiti anamong ket maawat sakbay iti Setiembre 1.
◼ No kasapulan ti kongregasionyo ti ekstra a magasin iti Oktubre gapu iti kampania ti suskripsion, pangngaasiyo ta ipatulodyo a dagus ti espesial a pedidoyo. Siguraduenyo nga ammuen ti bilang dagiti auxiliary payunir a mabalin nga agserbi iti dayta a bulan.