Repaso iti Teokratiko nga Eskuelaan ti Panagministro
Sisiserra ti libro a repaso iti material a nasaklaw dagiti paset iti Teokratiko nga Eskuelaan ti Panagministro bayat dagiti lawas ti Mayo 1 ingganat’ Agosto 21,1995. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
[Tandaanan: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Dagiti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Pudno wenno Ulbod:
1. Ti panagdayaw iti Dios ket personal a banag ken saan nga agpannuray iti aniaman a pamay-an iti relasiontayo kadagiti sabsabali. (1 Juan 4:20) [uw-IL p. 134 par. 7]
2. Ti balakad ti bagi a manarawidwid kadagiti Kristiano a Gentil nga umadayoda iti idolatria, dara, ken pannakiabig ket naibatay iti Linteg ni Moises. (Ara. 15:28, 29) [uw-IL p. 149 par. 8]
3. Idi damo, ti Linteg ni Moises maipatungpal iti isuamin a sangatauan. (Sal. 147:19, 20) [uw-IL p. 147 par. 5]
4. Ti kapitulo 53 ti Isaias, a naisurat agarup 700 a tawen sakbay ti pannakaipasngay ni Kristo, ket kas iti nakapatpatak a salaysay ti nakaimatang a mismo a mangdesdeskribir ken Jesu-Kristo ken ti pamay-an ti pannakatratona. [si-IL p. 119 par. 8]
5. Inyebkas ni Kabsat Russell ti nakaro a pannakaupay nga isut’ saan pay a naipan idiay langit idi 1914. [jv-IL p. 62 par. 3]
6. Awan ti nailubongan a gubuayan a maipadpad iti nagsayaatan a balakad nga ipaay ti Biblia kadagiti bambanag maipapan iti pamilia. [uw-IL p. 144 par. 11]
7. Risuten ti libro ti Proverbio ti ramut dagiti problematayo babaen ti panangbalakadna nga agtalektay a naan-anay iti Dios. [si-IL p. 111 par. 35]
8. Iti kombension a naaramid idiay Washington D.C.., idi 1935, nadakamat a sibabatad a dagiti moderno-aldaw a Jonadab saan a masapul nga ipakitada ti isu met laeng a kinamatalek ken Jehova a kas kadagiti napulotan. [jv-IL p. 83 par. 5, p. 84 par. 1]
9. No rumsua dagiti parikut iti panagasawa, ti pudno a Kristiano saanna a gundawayan dagiti pagkurkurangan ni asawana kas pambar a di panangibaklay kadagiti responsabilidadna. [uw-IL p. 140-1 par. 4, 5]
10. Ti deklarasion ni Solomon iti libro nga Eclesiastes nga isuamin ket barengbareng agaplikar iti isuamin a banag nga awan ti nailaksid. [si-IL p. 114 par. 15]
Sungbatanyo dagiti sumaganad a saludsod:
11. Ania a natured nga edukasional a gakat ti inyussuat ni Kabsat Russell ken dagiti kaduana idi 1912? [jv-IL p. 59 par. 5, p. 60 footnote]
12. Aniat’ ipalgak dagiti pannakasubok a dimteng kadagiti Estudiante ti Biblia nanipud 1914 agingga iti 1918? [jv-IL p. 61 par. 1]
13. Ania a nakapatpateg a pasamak ti nagtengan iti kombension a naaramid idiay Columbus, Ohio, idi 1931? (Isa. 43:12) [jv-IL p. 79 par. 4, p. 82 par. 2]
14. Ania a Nainkasuratan a pannakaawat ti naipalgak idi 1942 iti palawag a “Talna—Agpautto Aya?,” ket apay a mamagpanunot ti paulo daytoy a palawag? [jv-IL p. 93 par. 2]
15. Idi 1943, naidagadag kadagiti kongregasion nga irugida ti ania a baro nga eskuelaan, a nagresulta iti ania? [jv-IL p. 94 par. 2, 3]
16. Mainayon iti panangyalison iti dara, inagananyo ti tallo pay a pamay-an nga agbalin ti maysa a tao a nakabasol iti dara iti imatang ti Dios. [uw-IL p. 155-6 par. 3-6]
17. Maitunos iti Proverbio 1:2-4, ania ti itampok ti libro ti Proverbio? [si-IL p. 109 par. 19]
18. Manginagan iti dua a pamay-an ti panangyallatiw iti timek a nasaknap nga inusar ti Sosiedad idi 1920’s ken 1930’s tapno maikasaba ti naimbag a damag. [13, 14, jv-IL p. 80- 1,87]
19. Kaano ti panangrugi ti umuna a klase ti Kingdom Ministry School, ket ania idi ti panggepna? [jv-IL p. 102 par. 3]
20. Ania dagiti praktikal a leksion a naisuro iti napintas a Kanta ni Solomon? [si-IL p. 117 par.16]
Ipaayyo ti sao wenno grupo dagiti sao a kasapulan a mangan-anay iti tunggal maysa kadagiti sumaganad nga ebkas:
21. Naturpos ni Kabsat Russell ti naindagaan a kursona idi Oktubre 31, 1916, ket ni ․․․․․․ ti nagbalin a sumaganad a presidente ti Sosiedad. [jv-IL p. 63 par. 3, p. 65 par.2]
22. Idi 1917 ken 1918, sigaganetget nga inwaras dagiti Estudiante ti Biblia ti libro a ․․․․․․, ket gapu iti sinugsogan-klero nga ibubusor, naibalud ni Kabsat Rutherford ken dagiti pito a kakaduana idiay _ sadi Atlanta, Georgia. [jv-IL p. 69 par. 3, p. 70 par. 1]
23. Iti maysa a surat a naibasa kadagiti kakabsat a nagtataripnong maipaay iti tinawen a miting ti Watch Tower Society idi 1919, nagsurat ni Kabsat Rutherford manipud iti pagbaludan a dagiti kangrunaan nga igam ni “Satanas isu ti ․․․․․․, ․․․․․․, ken ․․․․․․.” [jv-IL p. 72 par. 3, p. 73 par. 7]
24. Idi 1922, iti kombension internasional idiay Cedar Point, Ohio, inwaragawag ni Kabsat Rutherford: “Masapul a maammuan ti lubong a ni Jehova ket Dios ken ni Jesu-Kristo ket Ari dagiti ar-ari . . . Ngarud, ․․․․․․․, ti ․․․․․․․ ken ti ․․․․․․․.” [jv-IL p. 72 par. 1]
25. Naturpos ni Kabsat Rutherford ti naindagaan a kursona idi Enero 8, 1942, ket lima nga aldaw kalpasanna, nagbalin a presidente ti Sosiedad ni Kabsat ․․․․․․․. [jv-IL p. 89 par. 3, p. 90 par. 3]
Pilienyo ti umiso a sungbat iti tunggal maysa kadagiti sumaganad a sasao:
26. Naipasdek ti eskuelaan ti Gilead para kadagiti misionero idi (1919; 1935; 1943). [jv-IL p. 95 par. 2]
27. Ti Baro a Lubong a Patarus ti Kristiano a Griego a Kasuratan ket damo a nairuar idi (1946; 1950; 1953), ket iti dayta naisubli ti nadibinuan a nagan a Jehova, iti nagupgop a (154; 193; 237) a daras. [jv-IL p. 99 par. 2]
28. Makita ti pammaneknek a ni Solomon ti nagsurat iti Eclesiastes ta (agparang ti naganna iti intero a libro; dadduma a mannurat ti manginagan kenkuana a kas ti nagsurat; ti libro a mismo paneknekanna nga awan duadua a ni Solomon ti nagsurat nupay di nainaganan). [si-IL p. 112 par. 4]
29. Idi 1932, nailawlawag a ni Jehonadab (Jonadab) , ti kadua ni Ari Jehu, inladawanna ti maysa a klase dagiti tao a (mangbukelto ti segundario a nailangitan a klase; mangtagiragsakto ti biag nga agnanayon ditoy daga; saan a mangala iti natibker a takder iti kinapudno). [jv-IL p. 83 par. 3]
30. Itampok ti Kanta ni Solomon ti (paset ni Solomon kas ari; ti nakaad-adu a kinabaknang ni Solomon; ti kinamatalek ti maysa a balasang a taga away iti maysa nga agtutubo a lalaki a pastor). [si-IL p. 115 par. 2]
Itupagyo dagiti sumaganad a kasuratan kadagiti sasao a nailista iti baba:
Prov. 22:3; Ecl. 7:21, 22; Isa. 13:19, 20; Mat. 5: 23,24; Col. 3:18-20, 23, 24
31. Nupay saan nga automatiko a salakniban ni Jehova ti ilina manipud kadagiti aksidente, sibil a panagdadangadang, wenno krimen, napateg ti panangalagad kadagiti naibatay Biblia a praktikal a kinasirib. [Linawas a panagbasa iti Biblia; kitaenyo ti w92-IL 1/1 p. 17 par. 23.]
32. Adda adu a pammaneknek iti saan a pulos a panagduadua iti kaitungpalan ti naipaltiing a padto. [Linawas a panagbasa iti Biblia; kitaenyo ti w93-IL 5/15 p. 6.]
33. Ti pudno a Kristiano ti umuna a mangikagumaan a makikappia kadagiti kakabsatna. [uw-IL p. 135 par. 10]
34. Dumteng ti irarang-ay iti relasion ti pamilia, saan a babaen ti pananguray iti daydiay maysa a tao a mangaramid iti maysa a banag, no di ket babaen ti panangaramid a naimbag ti tunggal maysa ti pasetna, iti kasta ipakpakitatayo a personal nga al-alagadentayo ti nadiosan a debosion iti pagtaengan. [uw-IL p. 143 par. 10]
35. Dikay mainanama a talaga ti kinaperpekto iti bagiyo met laeng wenno iti relasionyo kadagiti dadduma nga imperpekto a tattao. [Linawas a panagbasa iti Biblia; kitaenyo ti w90-IL 3/1 p. 8.]