Dagiti Pakaammo
◼ Literatura a tukon iti Enero: Ti Panangbiruk ti Sangatauan iti Dios iti ₱30.00 wenno Pudno a Talna ken Talged iti ₱20.00. Pebrero: Apocalipsis—Ti Grande a Tampokna Asidegen! iti ₱60.00. Marso: Baro a publikasion a nairuar kadagiti kombension distrito. Abril ken Mayo: Makatawen a suskripsion Ti Pagwanawanan iti ₱120.00. PALAGIP: Masapul nga iraman dagiti kongregasion a saan pay a nagpedido kadagiti nadakamat iti ngato a maikampania a literatura iti sumaruno a binulan a Literature Order Form (S-AB-14).
◼ Tiempo a mapabaro inton Enero ti petsa dagiti Medical Directives ken Identity Cards agpaay iti 1996. Kasta met, amin a kababautisar a miembro ti kongregasion masapul a maipaayan iti kard, agraman di bautisado a menor de edad nga annak dagiti Saksi. Pangngaasi ti sekretario ta repasuenna ti surat kadagiti amin a kongregasion a napetsaan iti Nobiembre 1, 1991 no kasano a masuratan dagitoy a kard, ket maipaayan dagiti amin nga agkasapulan kadagitoy a card inton Gimong ti Serbisio iti lawas ti Enero 8-14. No kasapulan, agpedidokayo pay iti kanayonan a kard manipud Sosiedad.
◼ Maaramidto ti pannakarambak ti Memorial inton Martes, Abril 2, 1996, iti kallennek ti init. Nupay mabalin a mairugi a nasapsapa ti palawag, pakilaglagipyo koma a masapul a saan a mairugi agingga a makalneken ti init ti pannakaipasa ti tinapay ken arak ti Memorial. Awan ti sabali a gimong a maaramid iti dayta nga aldaw. Mayeskediul iti sabali nga aldaw iti dayta a lawas ti aniaman a gimong a maar-aramid iti dayta nga aldaw. Maipatulodto dagiti imbitasion ti Memorial kadagiti kongregasion no maimaldit ket masingirto iti gatad a ₱35.00 ti kada 1,000 a kopia.
◼ Maipalawagto iti sangalubongan ti 1996 nga espesial a palawag publiko inton Domingo, Abril 21, 1996. “Panagtalinaed nga Awan Pakapilawanna iti Tengnga ti Nakillo a Kaputotan” ti temana. Maipaayto ti pagsurotan iti umiso a tiempo. Dagiti kongregasion a madama a bisbisitaen ti manangaywan ti sirkito, addaan asamblea ti sirkito, wenno espesial nga aldaw ti asamblea iti dayta a ngudo ti lawas, aramidendanto ti espesial a palawag iti sumaruno a lawas, iti Abril 28. Awan koma ti kongregasion a maaddaan iti espesial a palawag sakbay ti Abril 21.
◼ Nangipatulodkami iti kallabes kadagiti uppat a kopia ti Watch Tower Publications List iti kada kongregasion. Maysa a kopia ti agpaay iti sekretario, maysa iti adipen ti kuenta, ken saggaysa a kopia dagidiay mangay-aywan iti literatura ken magasin. Pangngaasiyo ta usisaenyo a siaannad ken imutektekanyo ti panagngato ti presio dagiti napili nga espesial a makiddaw a pagbasaan a kas kadagiti deluxe a Biblia, dadakkel-letrana a Biblia, kalendario, ken audiocassette.