Repaso iti Teokratiko nga Eskuelaan ti Panagministro
Siseserra ti libro a repaso iti material a nasaklaw iti paspaset ti Teokratiko nga Eskuelaan ti Panagministro bayat dagiti lawas ti Enero 1 ingganat’ Abril 22, 1996. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
[Tandaanan: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Pudno wenno Ulbod:
1. Ti panggep ti Eskuelaan ti Ministerio ti Pagarian isut’ panangisagana kadagiti lallaki maipaay iti pannakaordin. [10, jv-IL p. 231 par. 3]
2. Yantangay naregta ni Ari Acaz iti pudno a panagdayaw, saan a narigatan ni Ezekias nga anakna a lalaki nga agserbi ken ni Jehova. [14, it-1 p. 61 par. 13]
3. Nupay nagpason ti Linteg Mosaiko, awan ti aniaman nga ipaay ti Biblia a mangipamatmat a nairaman ti Sangapulo a Bilin iti daydiay nagpatingga. [15, rs-IL p. 32 par. 3]
4. Ti takdertayo maipapan iti panangyalison iti dara naibatay iti superior a medikal a laingtayo. [2, jv-IL p. 186 par. 2]
5. Ti tulag a nadakamat idiay Jeremias 31:31, 33 tuktukoyenna ti tulag para iti Pagarian nga inaramid ni Jesus kadagiti napulotan a pasurotna. [13, si-IL p. 129 par. 38]
6. Ti libro ti Un-unnoy buklen iti lima a liriko a daniw, uppat kadagitoy ti acrostic. [14, si-IL p. 130 par. 6]
7. Kalpasan ti panagungarna, nangaramid ni Jesus iti nadumaduma a panagparang—ngem iti laeng imatang dagiti adalanna. [1, rs-IL p. 307 par. 1]
8. Sumrek dagiti pudno a Kristiano iti panaginana ti Dios babaen ti panamatida iti daton ni Kristo ken panagsardeng kadagiti aramid a mangikagumaan a mangpalinteg iti bagbagida. (Heb. 4:10) [17, rs-IL p. 34 par. 3]
9. Ti adda iti uneg ti parenthesis a sasao idiay Apocalipsis 20:5, a “dagiti sabsabali kadagiti natay” a napagbiag, tuktukoyenna ti naindagaan a panagungar dagiti sabsabali a karnero. [6, rs-IL p. 311 par. 1-4]
10. Makita dagiti Saksi ni Jehova ti sigurado nga ebidensia a ti organisasion a nakaikamenganda saan a kukua ti tao no di ti Dios ket ti mismo nga Anak ti Dios, ni Jesu-Kristo, isut’ mangidirdirihir iti dayta. [11, jv-IL p. 235 par. 5]
Sungbatanyo dagiti sumaganad a saludsod:
11. Ania ti kayatna a sawen idi tinukoy Ti Pagwanawanan a Hunio 1, 1938, “Ti Sosiedad”? [8, jv-IL p. 219 par. 1]
12. Apay a nagkedked dagiti Saksi ni Jehova sadi Alemania a mangibaga iti: “Heil Hitler”? [5, jv-IL p. 196 par. 1]
13. Aniat’ masursurotayo maipapan kadagiti kualidad ni Jehova babaen ti panangbasa iti libro ti Un-unnoy? (Un. 3:22, 23, 32) [15, si-IL p. 132 par. 13, 15]
14. Ania a termino ti maulit-ulit a nausar a mangtukoy nga agpadpada ken Ezequiel ken ni Jesu-Kristo? [16, si-IL p. 133 par. 2]
15. Apay a nainkalintegan a patien a dagidiay mapagungar iti biag ditoy daga maukomdanto a maibatay iti masanguanan a tigtignayda? (Roma 6:7) [5, rs-IL p. 310 par. 4]
16. Kasano a pinabileg da Pablo, Timoteo, ken Tito dagiti kongregasion a nagserbianda, a nangipaay iti paguadan kadagiti agdaldaliasat a manangaywan itatta? [9, jv-IL p. 222 par. 1]
17. Apay a siuumiso a maibagatayo a dagiti pasamak a mainaig iti kaadda ni Kristo maangayda bayat ti adu a tawen? (Mat. 24:37-39) [8, rs-IL p. 173 par. 1]
18. Ania a pammati a pinataud ti pannakaipatarus ti Roma 13:1 iti King James Version ti nangiturong kadagiti Estudiante ti Biblia a saan idi a kanayon nga estrikto ti panangtaginayonda iti neutralidadda idi 1918? [3, jv-IL p. 191 par. 2, 3]
19. Sakbay a napirmaan ti Treaty of Versailles idi Hunio 1919, ania ti inwaragawag ti Federal Council of the Churches of Christ in America? [4, jv-IL p. 192 par. 3]
20. Apay a dagiti Kristiano saanda nga obligado a mangsalimetmet iti linawas nga aldaw ti sabbath? (Roma 10:4) [12, rs-IL p. 30 par. 1, 2]
Ipaayyo ti sao wenno dagiti sao a kasapulan a mangan-anay iti tunggal maysa kadagiti sumaganad nga ebkas:
21. Ni Ebedmelec iladawanna ti ․․․․․․․․ a maitalimengto iti ․․․․․․․․ gapu ta nakigayyemda ken tinulonganda ti ․․․․․․․․ kadagiti kakabsat ni Kristo. [9, Linawas a panagbasa iti Biblia; kitaenyo ti w83-IL 4/1 p. 26 par. 11.]
22. Ti ipapatay ni Jesu-Kristo maramrambakan iti tinawen iti ․․․․․․․․, ngem nanipud laeng idi ․․․․․․․․ a dagiti kameng ti dakkel a bunggoy espesipiko a naawisda a tumabuno iti Memorial. [17, jv-IL p. 242 par. 2, p. 243 par. 1]
23. Dagiti pasamak a naisalaysay idiay Jeremias 52:5-11 napasamakda idi ․․․․․․․․ K.K.P. [Linawas a panagbasa iti Biblia; kitaenyo ti w88-IL 4/1 p. 14 par. 18.]
24. No kunaen ti Apocalipsis 1:7 a kalpasan ti isusubli ni Kristo ‘isuamin a mata ti makakitanto kenkuana,’ ti tuktukoyenna saan a ti ․․․․․․․․ a pannakakita, no di ket ti ․․․․․․․․ ti isip. [rs-IL p. 175 par. 1]
25. Kalpasan ti panagungarna, saan a kanayon a nagparang ni Jesus iti isu met laeng a ․․․․․․․․, nalabit tapno maipatalged iti is-isip dagiti adalanna ti kinapudno nga isu maysa idin nga ․․․․․․․․, isu a saan idi a dagdagus a ․․․․․․․․ uray dagiti nasinged a kakaduana. [rs-IL p. 307 par. 4]
Pilienyo ti umiso a sungbat iti tunggal maysa kadagiti sumaganad a sasao:
26. Ti saan a panangkontrol ti anak a lalaki ni David a ni (Absalom; Amnon; Amon) iti seksual a tarigagayna ti nangiturong kenkuana a nangrames iti kabsatna iti ama a ni Tamar. [it-1 p. 96 par. 3]
27. Maysa a napateg nga addang iti panangipasdek iti organisasion ti kongregasion a maitunos iti apostoliko a paguadan naaramid idi (1879; 1886; 1895) idi nagsurat ni Brother Russell maipapan iti pannakasapul kadagiti (colporteurs; panglakayen; adipen kadagiti kakabsat) a mapili iti tunggal kompania (kongregasion) a mangaywan iti arban. [jv-IL p. 206 par. 2]
28. Ti panagteppel iti moral saan a naiwalin a nairaman iti panagpatingga ti Linteg Mosaiko, a nakairamanan ti Sangapulo a Bilin, agsipud ta iti sidong ti Nakristianuan nga urnos, (tunggal komunidad mangpataud iti bukodna a moral a pagalagadan; rumbeng a maidalan laeng dagiti tattao babaen iti konsiensiada; adu kadagiti moral a pagalagadan a nailanad kadagiti Sangapulo a Bilin naulitda met laeng iti Kristiano a Griego a Kasuratan). [rs-IL p. 33 par. 2]
29. “Inuyotan” ni Jehova ni Jeremias gapu ta (inallilawna a mangikasaba iti mensahe ti panangkondenar; inusarna a mangibanag iti mabalin a saanna koma a naaramidan iti bukodna a bileg; saanna nga inyeg ti pannakadadael nga impadto ni Jeremias). (Jer. 20:7) [Linawas a panagbasa iti Biblia; kitaenyo ti w89-IL 5/1 p. 31.]
30. Idi Abril 23, 1900, naipasdek ti umuna a sanga nga opisina ti Watch Tower Society idiay (Australia; Inglaterra; Alemania). [jv-IL p. 210 par. 2]
Itupagyo dagiti sumaganad a kasuratan kadagiti sasao a nailista iti baba:
Jos. 7:24, 25; Jer. 23:33; 32:9, 10; 1 Tim. 3:2, 3, 8; Heb. 10:23-25
31. Uray no ti kasasaad agbalin a nakarigrigat, ikagumaan dagiti Saksi ni Jehova ti kanayon a tumabuno kadagiti gimong. [Heb. 10:23-25] [jv-IL p. 236 par. 1]
32. Ti isusukir ken ni Jehova ken sipapakinakem a panangabbong kadagiti nakaro a basol mangyeg kadagiti nakaro ken makadangran a pagbanagan. [Jos. 7:24, 25] [it-1 p. 41 par. 2]
33. Ti di natimbeng a panagusar iti inumen a de alkohol makadiskualipikar iti kabsat a lalaki iti panangtagiragsak kadagiti pribilehio iti kongregasion. [1 Tim. 3:2, 3, 8] [jv-IL p. 182 par. 3]
34. Ti nadagsen a naimpadtuan a mensahe manipud Sao ti Dios nakapatpateg iti pannakaukom, a mangyanunsio iti umadani a pannakadadael ti Kakristianuan. [Jer. 23:33] [Linawas a panagbasa iti Biblia; kitaenyo ti w94-IL 3/1 p. 12 par. 18, 20.]
35. No makilangen iti negosio kadagiti pada nga agdaydayaw ken Jehova, ti naisurat a katulagan ti makalapped iti aniaman a di pagkinnaawatan a mabalin a tumaud iti kamaudianan a tiempo. [Jer. 32:9, 10] [Linawas a panagbasa iti Biblia; kitaenyo ti w95-IL 5/1 p. 30.]