Gimong ti Serbisio iti Oktubre
Lawas ti Oktubre 6-12
10 min: Dagiti lokal a pakaammo. Dagiti napili a Pakaammo iti Ministeriotayo iti Pagarian.
15 min: “Addanto Ngata Tiempo nga Agiinnayat Amin a Tattao?” Saludsod ken sungbat. Repasuen dagiti tampok ti Kingdom News No. 35. Ipakita dagiti rason no apay a magunggonaan dagiti tattao iti teritoria manipud iti daytoy a material. Igunamgunam a nasken ti panagplano itan tapno mabalinda ti makiraman a naan-anay iti pannakaiwarasna ken tapno naanepda a mangsurnad iti amin a masarakan nga interesado.
20 min: “Tumulong iti Nasaknap a Panagiwaras iti Kingdom News No. 35.” Panglukat a palawag ti manangaywan iti serbisio. Saklawen ti parapo 5-8 iti saludsod ken sungbat. Repasuen dagiti lokal nga urnos para iti napalawa a trabaho. Isalaysay dagiti wagas a mangipanamnama a mawanas amin a teritoria. Mabalin nga usaren dagiti agibumbunannag ti Kingdom News No. 35 no mangaskasabada kadagiti pagsardengan ti bus, kadagiti babassit a pagnegosiuan, kadagiti paradaan, ken iti sadinoman. Mangipaay kadagiti singasing no kasano a matulongan dagiti kabbaro nga agkalikagum a mangrugi iti trabaho a panangasaba. Iraman ti impormasion iti suplemento ti Abril 1995 a Ministeriotayo iti Pagarian, parapo 11. Iti dadduma a teritoria nalabit nasayaat ti agtrabaho nga agmaymaysa ken saan nga agusar iti dakkel a bag no agiwarwaras iti Kingdom News. Mangidemostra iti dua wenno tallo nga ababa a presentasion.
Kanta 126 ken pangserra a kararag.
Lawas ti Oktubre 13-19
12 min: Dagiti lokal a pakaammo. Report ti kuenta. Repasuen dagiti punto a mapagsasaritaan kadagiti agdama a ruar Ti Pagwanawanan ken Agriingkayo! Ipalagip kadagiti amin a kabayatan ti panagtrabaho iti ngudo ti lawas, maitampok dagiti magasin a kagiddan ti Kingdom News No. 35. Surnadantay koma amin nga interesado.
15 min: Dagiti lokal a kasapulan.
18 min: “Ania ti Aramidenyo No Aleng-aleng Dagiti Tattao?” Panagsarita ti dua a panglakayen. Iraman dagiti komento iti material iti sidong ti subtitulo a “No Kasanoyo a Parmeken ti Kinaaleng-aleng” iti Enero 15, 1975 a Pagwanawanan, panid 59-60.
Kanta 130 ken pangserra a kararag.
Lawas ti Oktubre 20-26
15 min: Dagiti lokal a pakaammo. Repasuen ti sumagmamano a kapadasan iti 1996 Yearbook, panid 6-8, iti “Global Distribution of Kingdom News.” Itampok ti indibidual a panagregget dagiti agibumbunannag iti daydi naudi a panagiwaras iti Kingdom News. Paregtaen dagiti amin a makiramanda a naan-anay iti panagiwaras iti Kingdom News No. 35.
15 min: Dagiti tampok ti artikulo a, “No Kasano a Nakagteng ti Biblia Kadatayo, Paset 1” manipud iti Pagwanawanan nga Agosto 15, 1997, panid 8-11. Pagsaritaan ti dua a panglakayen dagiti rason no apay a maiparbeng nga usigentay ti Biblia. Naisagana daytoy nga artikulo a tumulong kadagiti tattao a nalabit edukado ngem bassit ti ammoda maipapan iti Biblia. Imbes a padasenna ida a kombinsiren a ti Biblia ket impaltiing ti Dios, ti artikulo bay-anna a dagiti pasamak a mismo ti agsao. Kayattay nga usaren dagiti punto iti daytoy nga artikulo a pangparegta kadagiti iyad-adalantayo tapno basaenda ti Bibliada iti inaldaw.
15 min: “Maysaka Kadi nga Amin-Tiempo a Saksi?” Palawag ti panglakayen.
Kanta 133 ken pangserra a kararag.
Lawas ti Okt. 27–Nob. 2
12 min: Dagiti lokal a pakaammo. Repasuen ti dimmur-asan ti panagiwaras iti Kingdom News No. 35. Awisenyo dagiti agdengdengngeg a mangisalaysayda kadagiti makaparegta a kapadasan. Ireport no kasanot’ kaadun ti teritoria a natrabaho ken no ania ti kasapulan tapno mairingpas agingga inton Nobiembre 16. Apaman a malpasen ti teritoria, itukontayo ti libro a Pannakaammo iti nabatbati a paset ti bulan. Igunamgunam ti kalat a panangirugi iti panangyadal no sumarsarungkar kadagidiay nasayaat ti panangawatda iti Kingdom News.
15 min: “No Kasano ti Maaddaan iti Namnama iti Laksid ti Pannakapaay.” Palawag ti panglakayen a maibasar iti Mayo 15, 1997 a Pagwanawanan, panid 22-5.
18 min: Agsilnag Koma ti Silawyo. Palawag ken pannakisarita a maibatay iti libro a Ti Ministeriotayo, panid 84-8. Iyurnos a nasaksakbay dagiti agibumbunannag a mangted kadagiti espesipiko a komento kadagiti sumaganad a saludsod: (1) Apay a mangasaba dagiti Saksi ni Jehova iti binalaybalay? (2) Kasanot’ kasaknap ti pannakausar daytoy a metodo idi umuna a siglo? (3) Apay a naganat ti agtultuloy a panangasaba iti binalaybalay itatta? (4) Ania dagiti kasasaad a nalabit mamagbalin a narigat ti pannakiramantayo a regular? (5) Kasanotay a makagun-od iti tulong tapno makapagtultuloytayo? (6) Kasanotayo a mabendisionan babaen ti panangisilnagtay iti silawtayo? (7) Aniat’ maaramidantayo tapno ad-adda a naballigitayo a mangdanon kadagiti tattao? Iyilustrar babaen ti panangawis iti tallo wenno uppat nga agibumbunannag a mangisalaysay kadagiti makaparegta a kapadasan a tinagiragsakda bayat a mangaskasabada kadagiti pagtagilakuan wenno iti lansangan.
Kanta 136 ken pangserra a kararag.