Gimong ti Serbisio iti Abril
Lawas ti Abril 5
10 min: Lokal a pakaammo. Dagiti napili a Pakaammo iti Ministeriotayo iti Pagarian. Repasuen ti “Mabalintay Kadi nga Itukon ti Libro a Creator?” Awisen amin nga interesado a tabunuanda ti espesial a palawag publiko inton Abril 18. Ti palawag ket napauluan iti “Pudno a Pannakigayyem iti Dios ken Kaarruba.”
15 min: “Sigagagar nga Ikasaba ti Naimbag a Damag.” Iyam-ammo ti artikulo iti kurang a maysa a minuto, ken sarunuen ti saludsod ken sungbat. Ingudo babaen ti pammaregta a naibatay iti Giya ti Eskuelaan, panid 191-2, parapo 12-13.
20 min: “No Kasano nga Agtitinnulong Dagiti Miembro ti Pamilia Tapno Makiramanda a Naan-anay—Iti Ministerio.” Pagsasaritaan ti sangapamiliaan. Usigen dagiti rason no apay matmatan koma ti pamilia ti panagserbi iti tay-ak kas regular a linawas a rutina a pakiramanan ti isuamin. Repasuen ti pammaregta a nailanad iti Setiembre 1, 1993, a Pagwanawanan, panid 17-19, parapo 9-12. Mangawis kadagiti nagannak iti tallaong a mangisalaysay no kasanoda nga inorganisar a sibaballigi ti linawas a panagserbi ti pamiliada.
Kanta 67 ken pangserra a kararag.
Lawas ti Abril 12
10 min: Lokal a pakaammo. Report ti kuenta.
15 min: Lokal a kasapulan.
20 min: “Ganetgetan ti Panangasaba Bayat nga Umas-asideg ti Panungpalan.” Saludsod ken sungbat. Katungtong ti maysa wenno dua nga agibumbunannag nga idi damo dida pulos nautob a makiramandanto iti trabaho a panangasaba ngem ita regulardan nga ar-aramiden gapu ta natarusanda ti kinaganat ti pannakaisaknap ti mensahe ti Pagarian. No ipalubos ti tiempo, iraman dagiti ababa a kapadasan manipud iti 1997 Yearbook, panid 42-8, a mangipakita no kasano a ginanetgetan dagiti agibumbunannag ti panangaskasabada babaen ti ipapanda iti sadinoman a yan dagiti tattao.
Kanta 93 ken pangserra a kararag.
Lawas ti Abril 19
5 min: Lokal a pakaammo.
10 min: “Adda Kadi Masnup a Pedidoyo?” Palawag, no mabalbalin ti panglakayen wenno ministerial nga adipen a mangtamtaming iti magasin. Ipakaammo iti kongregasion no mano a magasin ti maaw-awat kada bulan ken ti mairepreport a promedio ti maipapaima. Ditay koma itulok a masayang laeng dagiti magasin. Mangted kadagiti singasing no kasano nga iwaras dagiti daan a kopia.—Kitaenyo ti Agosto 1993 a Ministeriotayo iti Pagarian, panid 1.
30 min: “Panagpayunir—Nainsiriban a Panangusar iti Tiempotayo!” Saludsod ken sungbat. Mangdutok iti tallo nga indibidual a mangisalaysay kadagiti kapadasan a naidatag iti parapo 5-7. Ingudo babaen ti panangawis kadagiti amin a makabael tapno usigenda ti agaplikar kas auxiliary wenno regular pioneer. Maala dagiti aplikasion iti asinoman a miembro ti Komite ti Serbisio ti Kongregasion. Dakamaten a mabalin pay ti agaplikar kas auxiliary pioneer iti Mayo.
Kanta 165 ken pangserra a kararag.
Lawas ti Abril 26
10 min: Lokal a pakaammo. Ipalagip iti isuamin nga itedda dagiti reportda iti tay-ak ti serbisio iti Abril. Iyanunsio ti nagnagan dagidiay ag-auxiliary pioneer iti Mayo, ken paregtaen dagiti sabsabali pay tapno agaplikarda. Mangted kadagiti makatulong a singasing iti panangipresenta kadagiti kabaruan a magasin.—Kitaenyo ti Oktubre 1996 a Ministeriotayo iti Pagarian, panid 8.
17 min: “Ania ti Rumbeng nga Aramidek?” Kalpasan ti ababa a panangrepaso iti artikulo kadagiti dumdumngeg, buyaen ti maysa a tin-edyer a makisarsarita iti nagannak kenkuana maipapan kadagiti plano iti masanguanan kalpasan nga agturpos iti high school. Repasuenda a dua ti Hulio 1998 a Ministeriotayo iti Pagarian, panid 4. Mangted ti nagannak iti balakad a maitunos iti pammaregta a masarakan iti Pagwanawanan a Pebrero 1, 1996, panid 14, ken Disiembre 1, 1996, panid 17-19. Itan ta bimmaban ti makalikaguman nga oras ti payunir, usigen ti tin-edyer ti posibilidad nga agpayunir bayat a turposenna ti sekular nga edukasionna.
18 min: Interbiu Kadagiti Auxiliary Pioneer. Katungtong ti manangaywan iti serbisio ti sumagmamano nga agibumbunannag nga agdama nga auxiliary pioneer ita a bulan agraman dadduma a nagpayunir iti naglabas. Awisen ida a mangisalaysay iti sumagmamano a bendision a sinagrapda, no ania ti naaramidanda, ken no apay a segseggaanda ti ag-auxiliary pioneer manen iti uray maysa wenno dua a bulan kada tawen.
Kanta 69 ken pangserra a kararag.