Repaso iti Teokratiko nga Eskuelaan ti Panagministro
Siseserra ti libro a repaso iti material a nasaklaw dagiti paset ti Teokratiko nga Eskuelaan ti Panagministro bayat dagiti lawas ti Enero 3 ingganat’ Abril 17, 2000. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
[Tandaanam: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Pudno wenno Ulbod:
1. No dadduma, masapul nga urayentayo dagiti bendision ni Jehova, tangay ammo ni Jehova ti kasasaadtayo ket ipaayna ti tunggal kasapulantayo iti tiempo a kasayaatan kadatayo. (Sal. 145:16; Sant. 1:17) [w98-IL 1/1 p. 23 par. 6]
2. Ti kaadda laeng ti lakasa ti tulag dina ipanamnama ti balligi kadagiti Israelita. Nagpannuray dagiti bendision ni Jehova iti naespirituan a takder ken matalek a kinatulnog dagidiay agik-ikut iti lakasa. (Jos., kap. 7) [Linawas a panagbasa iti Biblia; kitaenyo ti it-1 p. 167 par. 2.]
3. Matartaraonantayo ita iti naespirituan babaen laeng ti panagbasatayo kadagiti sasao ni Jehova. (Deut. 8:3) [Linawas a panagbasa iti Biblia; kitaenyo ti w85-IL 12/15 p. 17 par. 15, 17.]
4. Ti prinsipio a naitampok iti Linteg Mosaiko idiay Deuteronomio 23:20 ipakitana a saan a kinamanagayat para iti maysa a Kristiano no painteresanna ti impautangna a kuarta. [Linawas a panagbasa iti Biblia; kitaenyo ti it-1 p. 1212 par. 5; it-2 p. 259 par. 11; w86-IL 10/15 p. 12 par. 9.]
5. Ti positibo nga impadamag da Josue ken Caleb ket naibasar iti nabileg a panamatida iti kinamaingel ken determinasion dagiti Israelita a mangparmek iti aniaman a lapped iti panangtagikuada iti Naikari a Daga. (Num. 13:30) [w98-IL 2/1 p. 5 par. 4]
6. Idi dinakamat ni Pablo “ti sagut” iti 1 Timoteo, palpalagipanna ni Timoteo iti pannakapulotna babaen ti nasantuan nga espiritu ken ti nailangitan a gunggona nga agur-uray kenkuana. (1 Tim. 4:14) [w98-IL 2/15 p. 25 par. 1]
7. Ti libro a Josue saan a mangipaay iti aniaman a napateg a pannakainaig iti rekord agingga a tumaud ti Bin-i ti Pagarian. [si-IL p. 46 par. 24]
8. Ti libro nga Oc-ocom ket maysa a rekord dagiti lallaki a pinili ken dinutokan ti Israel a mangituray iti nasion sakbay ti panawen dagiti ar-ari. [si-IL p. 46 par. 2]
9. Ti kiddaw ni Gideon, kas nadeskribir iti Oc-ocom 6:37-39, ipakitana nga isut’ nakaan-annad ken managsuspetsa unay. [Linawas a panagbasa iti Biblia; kitaenyo ti w88-IL 4/1 p. 30 par. 6.]
10. Babaen ti panangbilinna kadagiti adalanna a ‘dida arakupen ti asinoman iti dalan kas panangkablaaw,’ ipagpaganetget idi ni Jesus ti kinaganat ti trabaho a panangasaba ken masapul nga asikasuenda a naan-anay daytoy nakapatpateg nga annongenda. (Luc. 10:4) [w98-IL 3/1 p. 30 par. 5]
Sungbatanyo dagiti sumaganad a saludsod:
11. Apay a napateg nga ipapuso dagiti nagannak ti sasao ni Jehova? (Deut. 6:5, 6) [Linawas a panagbasa iti Biblia; kitaenyo ti w98-IL 6/1 p. 20 par. 4.]
12. Kasano a mayaplikar ti ulo ti pamilia ti prinsipio a sagudayen ti Deuteronomio 11:18, 19? [Linawas a panagbasa iti Biblia; kitaenyo ti fy-IL p. 70 par. 14.]
13. Ania ti Nainkasuratan a pammaneknek a nabatad nga iti sumagmamano a tiempo ket nakikadua ken ni apostol Pablo ni Onesimo, maysa nga adipen a nagpuga, sakbay a nagsurat ni Pablo ken ni Filemon? [w98-IL 1/15 p. 30 par. 2]
14. No makitatayo ti kinaawan hustisia wenno mapasarantayo a mismo, ania ti maaramidantayo tapno ditay makapatanor iti negatibo a kababalin? [w98-IL 2/1 p. 6 par. 2-3]
15. Kasano nga impakita da Josue ken Gideon ti nangato a panangipategda iti linteg ti Dios? (Deut. 20:8, 15-18) [si-IL p. 41 par. 32]
16. Kasano a dagiti pasamak a nadeskribir iti Josue 10:10-14 kaaspingda ti manamnamatayo inton Armagedon? [Linawas a panagbasa iti Biblia; kitaenyo ti w86-IL 12/15 p. 23 par. 12–p. 24 par. 14.]
17. Mangdakamatkayo iti tallo a pagimbagan ti napudno a pammadayaw gapu iti nasayaat a kondukta. (Idiligyo ti Proverbio 15:23.) [w98-IL 2/1 p. 31 par. 5-6]
18. Maitunos iti Josue 20:4, kasano ti panagkamang ti maysa iti antitipiko a siudad a pagkamangan? [Linawas a panagbasa iti Biblia; kitaenyo ti w86-IL 12/15 p. 24 par. 16.]
19. Kasano nga ipamatmat ti Oc-ocom 5:31 a ti panagballigi ni Ukom Barak kadagiti nabilbileg a buyot ni Sisera idiay naapres a ginget ti Cison adda naisangsangayan a kaipapananna iti kaaldawantayo? [Linawas a panagbasa iti Biblia; kitaenyo ti w86-IL 2/15 p. 21 par. 4.]
20. Kasanotayo a maipakita ti panangipategtayo iti prinsipio iti sasao a “sitatakderda tunggal lalaki iti lugarna,” kas nailanad iti Oc-ocom 7:21? [Linawas a panagbasa iti Biblia; kitaenyo ti w82-IL 12/1 p. 29 par. 17.]
Ipaayyo ti sao wenno sasao a kasapulan a mangkompleto iti tunggal maysa kadagiti sumaganad a sasao:
21. Tapno ad-adda a masagraptayo a naan-anay ti bendision ni Jehova, masapul nga itultuloytayo ti ․․․․․․․․ ket iyararawtayo ken Jehova a tulongannatayo a ․․․․․․․․ kadagiti pannursuro ti naipaltiing a Saona. (1 Tim. 4:8, 9) [w98-IL 1/1 p. 24 par. 6]
22. Ti pammasablog ket makarimon unay ken Jehova agsipud ta tigtignayen dayta ti ․․․․․․․․, saan a ․․․․․․․․ wenno ․․․․․․․․, ket kangrunaanna, saan a ․․․․․․․․. [w98-IL 2/1 p. 30 par. 2-3]
23. Ti nagan a Josue kaipapananna ․․․․․․․․, ket isu idi ti propetiko a ladawan ni ․․․․․․․․. [si-IL p. 42 par. 5]
24. Maitunos iti ilustrasion ni Jesus iti Mateo 7:24-27, matulongan dagiti masirib a nagannak ti annakda nga agtalinaed a natibker kadagiti arig bagyo a panangpilit babaen ti panangtedda kadakuada iti ․․․․․․․․ a tumulong kadakuada nga agtalinaed a ․․․․․․․․. [w98-IL 2/15 p. 9 par. 1]
25. Ti historikal a rekord iti libro nga Oc-ocom saklawenna ti panawen manipud ipapatay ni ․․․․․․․․ agingga iti tiempo ni ․․․․․․․․, a mangsaklaw iti agarup ․․․․․․․․ a tawen. [si-IL p. 47 par. 5]
Pilienyo ti umiso a sungbat iti tunggal maysa kadagiti sumaganad a sasao:
26. Ti panagdesision maipapan iti maaramid iti sanikua ti maysa a tao no kas pagarigan ta matay ket maysa a (banag a tinongen ti kongregasion; personal a banag; kalikagum kadagiti pudno a Kristiano). (Gal. 6:5) [w98-IL 1/15 p. 19 par. 6]
27. Pinaregta ni Pablo ni Filemon nga awatenna a siaasi ni (Onam; Onesiforo; Onesimo) ngem dina inusar ti autoridadna kas apostol tapno ibilinna a kasta ti aramidenna wenno wayawayaanna ti adipenna. (Flm. 21) [w98-IL 1/15 p. 31 par. 1]
28. Ti nakaro a pagkurangan nga ipasimudaag ti salaysay maipapan kadagiti agkukutel a pinaimbag ni Jesus isu ti (kurang a pammati; kinasukir; kinaawan panagyaman). (Luc. 17:11-19) [w98-IL 2/15 p. 5 par. 1]
29. Tangay inanamongan ti Dios ti inaramid ni Rahab, dagiti imbagana kadagiti lallaki ti Jerico a mangkamkamat kadagiti Israelita nga espia ipamatmatna a (ti panagulbod ket personal a desision; saan nga obligado ti maysa a tao a mangipalgak iti kinapudno kadagidiay di pakaikarian dayta; saanna pay a binalbaliwan ti amin a nailubongan nga aramidna). (Jos. 2:3-5; idiligyo ti Roma 14:4.) [Linawas a panagbasa iti Biblia; kitaenyo ti w93-IL 12/15 p. 25 par. 1.]
30. Kas nailanad iti Juan 13:5, ti leksion nga insuro ni Jesus ipaganetgetna ti kalidad a (kinaasi; empatia; kinapakumbaba), a mangtignay iti maysa a tao a mangaramid iti kanunumuan a trabaho para kadagiti dadduma. [w98-IL 3/15 p. 7 par. 6]
Itupagyo dagiti sumaganad a kasuratan kadagiti sasao a nailista iti baba:
Deut. 7:3, 4; 17:7; 25:11, 12; 28:3; Jer. 15:20
31. Ti dakkel a panangipateg ti Namarsua kadagiti mabagbagi ti mangimpluensia koma iti panangikeddeng ti maysa a Kristiano iti maitutop a metodo ti panagplano ti pamilia. [Linawas a panagbasa iti Biblia; kitaenyo ti w99-IL 6/15 p. 28 par. 1-4.]
32. Makapagtalektayo iti tulong ni Jehova bayat nga itungtungpaltayo ti annongentayo a mangikasaba iti naimbag a damag ti Pagarian ti Dios. [w98-IL 3/1 p. 28 par. 1]
33. Maliklikantayo dagiti nakas-ang a pagbanagan a masansan nga ibunga ti pannakiasawa ti maysa a Kristiano iti dina kapammatian no ipangagtayo ti pakdaar ti Biblia. [Linawas a panagbasa iti Biblia; kitaenyo ti w89-IL 11/1 p. 20 par. 11.]
34. Ti panangtagiragsak kadagiti bendision ti Dios ket saan nga agpannuray iti lugar a mabalin a pagnaedan wenno pagserbiantayo wenno iti aniaman a rebbengentayo iti serbisio ti Dios. [Linawas a panagbasa iti Biblia; kitaenyo ti w96-IL 6/15 p. 15 par. 15.]
35. Kas autoridad dagiti instruksionna iti 1 Corinto kapitulo 5 maipapan iti panangilaksid, inadaw ni Pablo ti linteg ni Jehova. [Linawas a panagbasa iti Biblia; kitaenyo ti si-IL p. 213 par. 24.]