Eskediul ti Gimong ti Serbisio
PALAGIP: Mangyeskediul Ti Ministeriotayo iti Pagarian iti Gimong ti Serbisio iti kada lawas kabayatan ti Disiembre ken Enero. Mabalin a mangaramid dagiti kongregasion iti panagbalbaliw no kasapulan tapno makatabuno iti “Dagiti Managtungpal iti Sao ti Dios” a Kombension Distrito. Dua aginggat’ uppat a lawas kalpasan ti kombension, mayeskediul iti Gimong ti Serbisio ti 30-minuto a panangrepaso kadagiti tampok a paset ti programa. Iti dayta a gundaway, nakasagana koma ti tunggal maysa nga agkomento iti ababa no awisen ida ti tallo a kualipikado a kakabsat a natudingan a mangiparang iti daytoy a paset. Mabalinda nga ikomento no kasano a mayaplikar ti maysa iti biag wenno ministeriona iti tay-ak dagiti banag a naadalna iti kombension. Mabalin nga isalaysay ti maysa wenno dua nga ababa a kapadasan. Makapainteres ken makaisuro daytoy a paset ti Gimong ti Serbisio no agsagana a naimbag ti amin.
Lawas ti Nobiembre 13
7 min: Lokal a pakaammo. Dagiti napili a Pakaammo iti Ministeriotayo iti Pagarian.
13 min: “Saludsod.” Palawag ti maysa a panglakayen.
10 min: “Addakayto Kadi Sadiay?” Saludsod ken sungbat. Ilawlawag no kasano a ti nasakbay a panagsagana ken positibo a kababalin tulongannatayo a mangsigurado nga addatayto iti kombension manipud iti rugina.
15 min: “Ipatpategyo Kadi Dagiti Sagrado a Banag?” Ipalawag ti maysa a panglakayen, nga adda pannakipaset dagiti agdengdengngeg ti suplemento iti panid 3.
Kanta 63 ken pangserra a kararag.
Lawas ti Nobiembre 20
8 min: Lokal a pakaammo. Report ti kuenta.
22 min: “Panangparayray iti Interes a Natukay Babaen ti Kingdom News No. 36.” Saludsod ken sungbat a panangusig iti parapo 1-5. Dakamaten dagiti lokal nga urnos iti panangwanas iti aniaman a teritoria a saan pay a nawanas. Repasuen dagiti presentasion iti parapo 7 ken 8 maipapan iti panagsarungkar, ken paidemostra ti tunggal maysa kadagiti presentasion. Ipaganetget ti kinapateg ti panangsurnad iti amin a nangipakita iti interes ket ikagumaan ti mangirugi iti panagadal iti Biblia. Ingudo babaen ti panangilawlawag iti parapo 9 ken dagiti nadakamat a teksto.
15 min: “Imdenganyo Dagiti Sagrado a Sasao.” Saludsod ken sungbat a panangusig iti suplemento iti panid 4. Ipaganetget dagiti rason no apay a nakatugawtay koma aminen no mangrugi ti kada sesion.
Kanta 141 ken pangserra a kararag.
Lawas ti Nobiembre 27
10 min: Lokal a pakaammo. Palagipan dagiti agibumbunannag nga itedda ti reportda iti tay-ak ti serbisio para iti Nobiembre. Maitukon iti Disiembre ti broshur a Libro Para iti Amin a Tao agraman ti New World Translation. Ilawlawag no kasano a naaddaan dagiti Saksi ni Jehova iti dakkel a paset iti pannakaipablaak ti Biblia iti adu a pagsasao.—Kitaenyo ti Oktubre 15, 1997, Pagwanawanan, panid 11-12.
20 min: “Taginayonenyo ti Nasayaat a Kondukta a Pakaidayawan ti Dios.” Pagsasaritaan ti maysa a panglakayen ken maysa a pamilia ti artikulo iti panid 5 ti suplemento. Repasuenda no ania ti nasken nga aramidenda tapno mataginayon ti kinaurnos, nasayaat a kababalin, kinadalus, ken mapagwadan a panaglanglanga ken kondukta kadagiti publiko a lugar kabayatan ti kombension.
15 min: Kasanok a Makontrol ti Panagbuybuyak iti TV? Kasarita ti maysa a panglakayen ti maysa nga agtutubo a kabsat a lalaki nga adu nga oras ti mabusbosna nga agbuya iti TV iti inaldaw. Iti damo, ikalintegan ti agtutubo nga awan pagdaksan dayta. Kunaenna a pagpalpaliwaan laeng dayta ken awan dakes nga epektona kenkuana. Repasuen ti panglakayen dagiti kangrunaan a punto iti kapitulo 36 ti libro nga Iyimtuod ti Agtutubo. Ilawlawagna a ti nalabes a panagbuya iti TV perdienna ti napateg a tiempo a mausar koma iti personal a panagadal, panangasaba, wenno itutulong kadagiti trabaho iti kongregasion. Iyebkas ti agtutubo a kabsat ti panagyamanna iti balakad sana kunaen nga agpaay a pagimbaganna iti naespirituan, baliwannan ti panagbuybuyana iti TV.
Kanta 175 ken pangserra a kararag.
Lawas ti Disiembre 4
10 min: Lokal a pakaammo.
20 min: “Itultuloyyo ti Mangasaba!” Palawag ken interbiu. Iti unos ti panagbiagda, pulos a di simmardeng ti dadduma a mangasaba. Buyogen ti positibo a kababalin, pagragsakanda nga aramiden dayta. (Kitaenyo ti libro a Pannakaammo, panid 179, parapo 20, ken ti Mayo 1, 1992, a Pagwanawanan, panid 21-2, parapo 14-15.) Awisen ti maysa nga adu a tawenen nga aktibo nga agibumbunannag a mangibaga kadagiti rason no apay a nagtultuloy a nangaskasaba.
15 min: Usarenyo a Naimbag ti Libro a Panakirinnason. Saludsod ken sungbat a panangusig iti panid 7-8. Ipakita no kasano a nairanta daytoy a libro a tumulong kadatayo nga agsagana para iti mas epektibo a pannakipaset iti ministerio. Ilawlawag no kasano a mausar ti libro iti panangasaba babaen ti telepono. Ipakita no kasano ti mangbirok iti makatulong nga impormasion a mangsungbat iti saludsod. Idagadag iti amin a kabesaduenda ti linaon daytoy a libro, itugotda a kanayon, ken regular nga usarenda.
Kanta 218 ken pangserra a kararag.