Eskediul ti Gimong ti Serbisio
Lawas ti Enero 8
7 min: Lokal a pakaammo. Dagiti napili a Pakaammo iti Ti Ministeriotayo iti Pagarian.
13 min: Panangparegta Kadagiti Payunir. Positibo ken makapabileg a palawag ti panglakayen.
25 min: Dagiti Naayat a Probision Tapno Masaluadan ti Salun-attayo. Ilawlawag ti kualipikado a panglakayen ti kinapateg ti panangsurat iti Advance Medical Directive/Release card. Ti naipaltiing a sasao iti Salmo 19:7 ipakitana a ti Aramid 15:28, 29 ket ebkas ti awan pagkuranganna a linteg ti Dios mainaig iti dara. Daytoy a dokumento ipakaammona ti determinasionyo a mangitandudo iti dayta a linteg ken daytoy ti agsao para kadakayo no saanyo a kabaelan ti agsao. (Idiligyo ti Proverbio 22:3.) Kalpasan daytoy a gimong, maikkan dagiti bautisado a Saksi iti baro a card, ket dagidiay addaan kadagiti di bautisado nga annak a minor de edad makaawatda iti Identity Card para iti kada ubing. Saan a masuratan itatta dagitoy a card. Masuratan koma a siaannad dagitoy idiay pagtaengan ngem SAAN a mapirmaan. Ti panangpirma, panangsaksi, ken panangpetsa kadagiti amin a card ket maaramid kalpasan ti sumaganad a Panagadal iti Libro ti Kongregasion, iti panangimaton ti konduktor ti panagadal iti libro. Sakbay a pirmaan, siguraduen a nasuratan a naan-anay dagiti card. Dagidiay agpirma kas saksi rumbeng a makitada a mismo ti panangpirma ti makin-card iti dayta a dokumento. Babaen ti panangtuladda kadagiti sasao iti daytoy a card sigun iti mismo a kasasaad ken pammatida, dagiti di bautisado nga agibumbunannag mabalinda ti mangisurat iti bukodda a direktiba nga usarenda a mismo ken dagiti annakda.
Kanta 155 ken pangserra a kararag.
Lawas ti Enero 15
10 min: Lokal a pakaammo. Report ti kuenta.
15 min: “Agsilnag Koma ti Silawyo.”a Iraman dagiti komento iti Hunio 1, 1997, Pagwanawanan, panid 15, parapo 12-13. Paregtaen dagiti agdengdengngeg a gundawayanda ti mangasaba iti amin a maitutop a gundaway.
20 min: Inaldaw Kadi nga Us-usigenyo ti Kasuratan? Palawag ken interbiu. Usigen ti Disiembre 15, 1996, Pagwanawanan, panid 17-18, parapo 12-14, a mangipaganetget no apay a nainsiriban a pagsasaritaan ti tunggal pamilia ti teksto iti kada aldaw. Mainterbiu dagiti kameng ti pamilia, a tunggal maysa dakamatenna ti nabiit pay a panagtekstoda a makagunggona unay ken no apay. Igunamgunam nga agbalin koma daytoy a paset ti regular a panagadal ti pamilia a nairanta a mangpabileg kadagiti sangakabbalayantayo ken mamagtalinaed iti pamilia nga aktibo iti ministerio.
Kanta 67 ken pangserra a kararag.
Lawas ti Enero 22
7 min: Lokal a pakaammo.
18 min: No Kasano ti Mangisagana Kadagiti Introduksion. Palawag ken demostrasion. Repasuen dagiti kangrunaan a punto iti libro a Panakirinnason, panid 9. Ipakita no kasano ti mangpili kadagiti introduksion a maitutop iti estilo, personalidad, ken teritoriatayo. Repasuen ti sumagmamano a naisingasing nga introduksion a mausar iti panangitukon iti broshur a Kalikaguman, sa paidemostra ti maysa wenno dua kadagita. (Kitaenyo ti Abril 1997 a Ti Ministeriotayo iti Pagarian, panid 8.) Paregtaen ti amin nga usarenda a naimbag dagiti singasing a naipaay iti libro a Panakirinnason ken Ti Ministeriotayo iti Pagarian iti panangasabada.
20 min: “Umimdengkayo a Naimbag.” Palawag ken pagsasaritaan ti tallaong. Repasuen dagiti punto iti Giya ti Eskuelaan, panid 28-9, parapo 15-17. Ti kasayaatan a pangsubokan no umim-imdengtayo a naimbag ket no kasano kaadu ti malagiptayo. Saludsodanyo dagiti agdengdengngeg no ania dagiti malagipda a kangrunaan a punto a dinakamat dagiti nagpaset iti Teokratiko nga Eskuelaan ti Panagministro ita a rabii.
Kanta 96 ken pangserra a kararag.
Lawas ti Enero 29
10 min: Lokal a pakaammo. Palagipan dagiti agibumbunannag nga iteddan ti reportda iti tay-ak ti serbisio para iti Enero. Dakamaten ti literatura a tukon iti Pebrero; itampok dagiti libro nga adda iti kongregasion.
15 min: Palawag ti panglakayen iti libro a Ti Sekreto ti Kinaragsak iti Pamilia. Patanoren ti panangsegga inton maadal daytoy a libro iti Panagadal iti Libro ti Kongregasion. (Kitaenyo ti Pagwanawanan, Enero 1, 1999, panid 3-5.) Paregtaen ti amin a makiraman a naan-anay iti linawas a panagadal iti libro. Tarigagayan ti amin ti regular a tumabuno, makiraman, a magagaran a makasursuro iti adu maipapan iti sekreto ti kinaragsak iti pamilia.
20 min: “Nagannak—Isuroyo Kadagiti Annakyo Dagiti Nasayaat nga Ugali.” Palawag ken mainterbiu dagiti nagannak a nasayaat ti espiritualidad dagiti annakda. Saritaen dagiti nagannak dagiti positibo a banag nga inaramidda tapno magutugot dagiti annakda a makiraman iti panangasaba. No ipalubos ti oras, iraman dagiti singasing iti libro a Kinaragsak iti Pamilia, panid 55-9.
Kanta 149 ken pangserra a kararag.
Lawas ti Pebrero 5
10 min: Lokal a pakaammo.
15 min: “Naragsakkayo Koma nga Agtrabaho.”b Ipakita no ania ti mangnayon iti ragsaktayo nga agserserbi iti Dios, kas nadakamat iti libro nga Insight, Tomo 2, panid 120, parapo 6-8.
20 min: Makasarakka iti Nasayaat a Paglinglingayan. Pagsasaritaan ti pamilia ti balakad a naipaay iti Mayo 22, 1997, Agriingkayo! Maseknan ti ama iti pagpalpaliwaan ti pamiliana. Kalpasan ti ababa a panangrepasoda iti “Aniat’ Napasamaken iti Paglinglingayan?” (panid 4-7), nangnangruna a pagsasaritaanda dagiti kita ti paglinglingayan a nasayaat ken makagunggona. Usigen ti material iti libro a Ministeriotayo, panid 131-2, iti babaen ti “Paglinglingayan,” ken panid 135-6, iti babaen ti “Aramidenyo Amin a Maipaay iti Dayaw ti Dios.” Ipaganetget ti paset dagiti nagannak iti panangidaulo ken no apay a masapul nga agtitinnulong dagiti kameng ti pamilia agpaay iti pagimbagan ti sangakabbalayanda.
Kanta 190 ken pangserra a kararag.
[Dagiti Footnote]
a Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.
b Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.