Eskediul ti Gimong ti Serbisio
Lawas ti Hulio 9
8 min: Lokal a pakaammo. Dagiti napili a pakaammo iti Ti Ministeriotayo iti Pagarian.
17 min: Report ti Serbisio iti Abril. Palawag ken interbiu nga imatonan ti manangaywan ti serbisio. Itampokyo ti report maipapan iti naaramidan ti kongregasionyo iti tay-ak ti serbisio idi Abril. Manginterbiu iti nadumaduma nga agibumbunannag a nangpabileg iti ministerioda iti dayta a bulan.—Kitaenyo ti Marso 2001 nga insert Ti Ministeriotayo iti Pagarian, parapo 28-30.
20 min: “Makapagserbikayo Kadi iti Lugar a Dakdakkel ti Pakasapulan?”a—Kitaenyo ti libro a Ti Ministeriotayo, panid 112-13.
Kanta 42 ken pangserra a kararag.
Lawas ti Hulio 16
10 min: Lokal a Pakaammo. Report ti kuenta.
15 min: Agtutubo—Kuentaenyo ti Magastos iti Karerayo. Ti ama ken ti anakna nga agtutubo a lalaki wenno babai asitganda ti maysa a panglakayen nga addaan praktikal a kapadasan iti sekular a panggedan. Kalpasan ti panangusigda iti paset ti Gimong ti Serbisio iti napalabas a dua a lawas maipapan ti panagpili iti karera, sipapasnek a pampanunoten ti agtutubo ti sumrek iti kina-regular pioneer ngem agpangpangadua no pangalaanna iti material a kasapulanna. Ipaganetget ti panglakayen a masapul ti natimbeng a panangmatmat. (Setiembre 1, 1999, Pagwanawanan, panid 11, parapo 13) Nainsiriban ti maaddaan iti sumagmamano a kita ti panagsanay tapno makapagsapulda iti pagbiagda. Nasayaat ti naaramidan ti adu babaen laeng ti panagsursuroda kadagiti pamunganayan a paglaingan nga agkasapulan iti bassit a tiempo ken puonan. (Pebrero 1, 1996, Pagwanawanan, panid 14; Iyimtuod Dagiti Agtutubo, panid 178) Pagsasaritaanda ti Marso 8, 1996, Agriingkayo!, panid 9-11, ken ti sumagmamano a praktikal a singasing no kasano ti agbirok wenno maaddaan iti maikanatad a trabaho.
20 min: Dagiti Saksi ni Jehova—Siasinoda? Ania ti Patpatienda? Diskusion kadagiti agdengdengngeg ken demostrasion. Usigenyo daytoy a broshur, ken pagsasaritaan no kasano a mausar tapno mapakaammuan dagiti sabsabali maipapan kadatayo ken iti trabahotayo. Ibagana no siasinotayo (panid 3-5), itampokna ti sumagmamano a moderno a pakasaritaan ken aktibidadtayo (panid 6-11), ilistana dagiti patpatientayo a mangilasin kadatayo kadagiti dadduma a relihion (panid 12-14), ilawlawagna ti naimbag a damag nga ikaskasabatayo ken no kasano nga ikasabatay dayta (panid 15-21), ipakitana no kasano a magunggonaan ti komunidad gapu iti trabahotayo (panid 22-4), ipaayna ti sangalubongan a saklaw ti organisasiontayo (panid 25-6), ken sungbatanna dagiti saludsod a gagangay a mayimtuod maipapan kadatayo (panid 27-31). Iparangyo ti maysa nga agibumbunannag a mangusar iti broshur a mangsungbat iti maysa kadagiti saludsod iti panid 29 nga inyimtuod ti maysa a bumalay. (Palagip: No awan pay daytoy a broshur iti kongregasionyo, usarenyo ti broshur a Dagiti Saksi ni Jehova—Agkaykaysa a Mangar-aramid ti Pagayatan ti Dios iti Sangalubongan.)
Kanta 50 ken pangserra a kararag.
Lawas ti Hulio 23
10 min: Lokal a pakaammo.
15 min: Lokal a kasapulan.
20 min: “Agsaganakayo a Mangadal iti Padto ni Isaias!”b Komentuanyo iti apagbiit no kasano a mabenepisiarantayto iti panangadal iti libro ni Isaias.—Kitaenyo ti kapitulo 1, parapo 10-12, iti Padto ni Isaias I.
Kanta 53 ken pangserra a kararag.
Lawas ti Hulio 30
10 min: Lokal a pakaammo.
20 min: Agtutubo—Utobenyo a Naimbag ti Panggepyo nga Edukasion. Makisarita ti maysa a panglakayen iti sumagmamano a nagannak ken kadagiti tin-edyer nga annakda maipapan iti kanayonan nga edukasion. Idauluan ti panglakayen ti diskusion iti Setiembre 1, 1999, Pagwanawanan, panid 16-17, parapo 11-13, nga ipaganetgetna dagiti rason no apay a ti amin-tiempo a ministerio ti kangrunaan koma iti listaan dagiti prioridadda. (Disiembre 1, 1996, Pagwanawanan, panid 18-19, parapo 13-15) Kalpasanna, repasuen ti grupo ti balakad ti Marso 8, 1998, Agriingkayo!, panid 20-1, nga igunamgunam ti kasapulan a panangusar iti pannakaawat iti panangtingiting kadagiti gunggona ken pagdaksan ti kanayonan nga edukasion. Umanamong ti amin a rumbeng a paidalanda iti balakad ni Jesus nga iyun-una dagiti interes ti Pagarian.—Mat. 6:33.
15 min: “Maparmekyo ti Pannakaupay!” Palawag ti panglakayen a naibatay iti artikulo ti Pagwanawanan a ruar ti Pebrero 1, 2001, panid 20-3. Iyaplikaryo iti lokal tapno praktikal ti material iti kongregasion.
Kanta 57 ken pangserra a kararag.
Lawas ti Agosto 6
5 min: Lokal a pakaammo.
20 min: “Ti Sao a Naisao iti Umiso a Tiempo.” Palawag nga adda dua wenno tallo a panangidemostra kadagiti naisingasing a presentasion.
20 min: “Dikay Bumdeng!”c No ipalubos ti tiempo, mangisalaysay kadagiti kapadasan manipud Disiembre 15, 1999, Pagwanawanan, panid 25.
Kanta 63 ken pangserra a kararag.
[Dagiti Footnote]
a Limitaranyo dagiti panglukat a komento iti awan pay maysa a minuto, sa isaruno ti saludsod-ken-sungbat a diskusion.
b Limitaranyo dagiti panglukat a komento iti awan pay maysa a minuto, sa isaruno ti saludsod-ken-sungbat a diskusion.
c Limitaranyo dagiti panglukat a komento iti awan pay maysa a minuto, sa isaruno ti saludsod-ken-sungbat a diskusion.