Dagiti Pakaammo

◼ Literatura a tukon iti Nobiembre: Maitukon ti libro a Pannakaammo wenno broshur a Kalikaguman. No addaanen ti bumalay kadagitoy, mabalin nga itukon ti Panangsapul ti Sangatauan iti Dios wenno dadduma a daan a publikasion. Disiembre: Ti Katan-okan a Tao a Nagbiag Pay Laeng, Ti Librok Dagiti Estoria ti Biblia, wenno, no adda, Mabalinyo ti Agbiag nga Agnanayon iti Paraiso a Daga. Enero ken Pebrero: Mabalin nga itukon dagiti daan a libro a 192 ti panidna, kas iti Kinaragsak—No Kasano a Biroken Dayta, Ti Kinapudno a Mangiturong iti Biag nga Awan Inggana, wenno Pudno a Talna ken Talged—Kasano a Mabirukanyo Dayta? No awan dagiti daan a libro, mabalin nga itukon kas sandi ti libro a Ti Panangbirok ti Sangatauan iti Dios wenno ti Creation.

◼ Yantangay dua a kombension iti Quezon City ti maangay iti dua a maudi a lawas ti Nobiembre, maisingasing a siguraduen dagiti kongregasion a naikameng kadagita a kombension nga adalenda iti Gimong ti Serbisio ti tallo nga artikulo iti insert daytoy Ti Ministeriotayo iti Pagarian sakbay a tabunuanda ti kombensionda, a mangaramidda iti maitutop a panagbalbaliw iti eskediul. Iti kasta, saan a maikapis kadagita nga impormasion dagiti kongregasion a tumabuno kadagiti nasapa a kombension.

◼ Plano ti Sosiedad a mangyurnos iti programa para kadagiti tuleng kabayatan ti “Mannursuro iti Sao ti Dios” a Kombension Distrito iti Quezon City inton Disiembre 7-9, 2001. Maigiddanto daytoy iti Ingles a kombension iti dayta a petsa. Siasinoman a tuleng a makaawat iti sign language ti tumabuno koma iti daytoy a kombension, yantangay awan ti programa para kadagiti tuleng iti dadduma a kombension.

◼ Ti mamangulo a manangaywan wenno ti dinutokanna masapul a sukimatenna ti kuenta ti kongregasion inton Disiembre 1 wenno iti kabiitan a panawen kalpasan dayta. Inton naaramiden, mayanunsio daytoy iti kongregasion.

◼ Dagiti agibumbunannag ti nasken a mangipadalan iti kongregasion a nakaikamenganda ti amin a baro wenno mapabaro a suskripsion Ti Pagwanawanan ken Agriingkayo!, agraman ti personal a suskripsionda.

◼ Saan a bigbigen ti Sosiedad ti indibidual nga order a literatura. Adda koma anunsio nga iyurnos ti mamangulo a manangaywan iti kada bulan sakbay a maipatulod iti Sosiedad ti binulan a pedido ti kongregasion iti literatura tapno amin nga interesado a mangala kadagiti personal a literatura ket maibagada iti kabsat a mangas-asikaso iti literatura ket mairaman dagitoy iti pedido a literatura iti dayta a bulan. Pangngaasiyo ta laglagipenyo no aniada a publikasion ti special-request items.

◼ Iti listaan iti panid 6, nabaliwan ti eskediul ti kombension distrito idiay Tandag, Surigao Sur. Imbes a Disiembre 21-23, 2001, maangay daytoy iti Disiembre 28-30.

◼ Baro a Magun-od a Tract:

Tract T-26, Kayatyo Kadi a Maammuan ti Ad-adu Pay Maipapan iti Biblia?—Bicol, Cebuano, Hiligaynon, Iloko, Pangasinan, Samar-Leyte, Tagalog. (Nangnangruna a nairanta daytoy a tract a tumulong kadatayo a mangirugi iti panagadal iti Biblia bayat ti trabaho a panangasaba.)