Repaso iti Teokratiko nga Eskuelaan ti Panagministro
Siseserra ti libro a repaso iti material a nasaklaw dagiti paset ti Teokratiko nga Eskuelaan ti Panagministro bayat dagiti lawas ti Setiembre 3 ingganat’ Disiembre 24, 2001. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
[Tandaanam: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Umiso wenno Di Umiso:
1. Yantangay ti pammati ket maysa a bunga ti espiritu ti Dios, ti tattao nga awanan pammati saanda a birbiroken dayta nga espiritu, wenno birokenda man ngem gapu iti dakes a panggep wenno pagtukiadanda ti panagtignay dayta iti biagda. (Luc. 11:13; Gal. 5:22) [rs-IL p. 279 par. 1]
2. Siuumiso nga ipatuldo ti Salmo 58:4 nga adda ‘lapayag’ ti kobra ngem di makangngeg gapu ta gagangay a tuleng dayta. [Linawas a panagbasa iti Biblia; kitaenyo ti Rbi8 p. 1583.]
3. Ti “dakkel a buyot” ti babbai a nadakamat iti Salmo 68:11 isu ti ganggannaet nga adipen a babbai a winayawayaan ti lallaki ti Israel manipud pannakakautibo idi parparmekenda dagiti kabusorda a nasion. [Linawas a panagbasa iti Biblia; kitaenyo ti w-IL86 10/15 p. 30 par. 6.]
4. No naikeddengen ti kanito ken wagas ti ipapatay ti tunggal tao apaman a maipasngay wenno nasapsapa pay, di ngad koman kasapulan a liklikantay pay dagiti peligroso a kasasaad wenno aywanan pay ti salun-attayo, ken dagiti panagannad dida koma kissayan ti dagup dagiti matmatay. [rs-IL p. 148 par. 1]
5. Ti kinuna ni Pablo nga “awan koma a pulos ti asinoman a tao a mangumsi iti kinaagtutubom” ipasimudaagna a tin-edyer wenno nasurok la bassit a 20 idi ti tawen ni Timoteo. (1 Tim. 4:12) [w-IL99 9/15 p. 29 par. 1-3; p. 31 par. 2]
6. Kas nailanad iti Salmo 110:1, ti “Apok” tuktukoyenna ni Jesus. [Linawas a panagbasa iti Biblia; kitaenyo ti w-IL94 6/1 p. 28 par. 5.]
7. Iti libro a Salmo, ag-700 a daras a naisurat ti nagan a Jehova, ket 43 a daras a naisurat ti napaababa a porma a “Jah,” isu a no dagupen, nadakamat ti nasantuan a nagan iti promedio nga agarup 5 a daras iti tunggal Salmo. [si-IL p. 104 par. 23]
8. Nupay nadakamat ni Jesus kadagiti Kasuratan kas “maysa a dios,” ken kas “Mannakabalin a Dios” pay ketdi, awan a pulos ti nakadakamatanna kas ti mannakabalin amin. (Juan 1:1; Isa. 9:6; Gen. 17:1) [rs-IL p. 117 par. 8]
9. No adalentayo ti libro a Proverbio, kinapudnona, ad-adalentayo ti kinasirib a mismo ni Solomon. [si-IL p. 106 par. 1]
10. Ti pammagbaga ti Biblia a masarakan iti Proverbio 21:17, a liklikantayo ti ‘panagayat iti panagragragsak’ ipasimudaagna a dakes ti agragragsak ta ibusenna ti panawen kadagiti napatpateg a bambanag. [Linawas a panagbasa iti Biblia; kitaenyo ti w-IL97 10/1 p. 27 par. 7.]
Sungbatanyo dagiti sumaganad a saludsod:
11. Ania ti impatuldo ti naalumamay a pannubngar ni Jesus ken Marta? (Luc. 10:40, 41) [w-IL99 9/1 p. 30 par. 7]
12. Iti ania a “kinadayag” ti nangipanan ni Jehova iti salmista? (Sal. 73:24) [Linawas a panagbasa iti Biblia; kitaenyo ti w-IL86 12/15 p. 28 par. 3.]
13. Ania a panangmatmat kadagiti pribilehio iti panagserbi ti inyebkas ti salmista idiay Salmo 84:1-3? [Linawas a panagbasa iti Biblia; kitaenyo ti w-IL97 3/15 p. 8 par. 5-7.]
14. Kasano nga ipakita ti Apocalipsis 22:17 ken Roma 2:4, 5 a saan nga ikeddeng ken ituding ni Jehova ti isuamin nga aramiden ti tattao? [rs-IL p. 150 par. 2, 3]
15. Yantangay pinati dagiti nagkauna a Kristiano ti Milenio a Panagturay ni Jesus kas nadakamat iti libro nga Apocalipsis, ania dagiti makagapu nga inwaksi idi agangay dagiti apostata a Kristiano daytoy nadiosan a panangisuro? [w-IL99 12/1 p. 6 par. 3–p. 7 par. 5]
16. Ania dagiti limitasion iti panangipakita ti “personal a panaginteres” iti dadduma a tattao ti rumbeng nga annuroten dagiti Kristiano? (Fil. 2:4) [w-IL99 12/1 p. 29 par. 1]
17. Ania ti ipasimudaag ti panangdakamat ti Salmo 128:3 kadagiti annak a “kasladanto kadagiti saringit ti kaykayo nga olibo” iti aglikmut ti lamisaan ti maysa a tao? [Linawas a panagbasa iti Biblia; kitaenyo ti w-IL00 8/15 p. 30 par. 4.]
18. No mautobtayo a nakaskasdaaw ti maysa nga aramid ti Dios, kasanonatay a maapektaran? (Sal. 139:14) [Linawas a panagbasa iti Biblia; kitaenyo ti w-IL93 10/1 p. 15 par. 18.]
19. Apay a dakamaten ti Proverbio 5:3, 4 a “napait a kas iti ajenjo” ken “kas iti kampilan a dua ti tademna” dagiti epekto ti imoralidad? [Linawas a panagbasa iti Biblia; kitaenyo ti w-IL00 7/15 p. 29 par. 2.]
20. Maitunos iti Proverbio 14:29, kasano a makatulong kadatayo ti pannakaawat tapno maliklikantayo dagiti pagbanagan ti di panagteppel ken di mamedmedan a pungtot? [Linawas a panagbasa iti Biblia; kitaenyo ti w-IL97 3/15 p. 13 par. 7-8.]
Ipaayyo ti sao wenno sasao a kasapulan a mangkompleto iti tunggal maysa kadagiti sumaganad a sasao:
21. Dagiti pudno a mammadto nagsaoda ․․․․․․․․ ken impakaammoda ․․․․․․․․. (Deut. 18:18-20; 1 Juan 4:1-3) [rs-IL p. 434 par. 1, 3]
22. Dua ti panggep ti Proverbio—mangted iti ․․․․․․․․ ken mangipaay iti ․․․․․․․․. (Prov. 1:1-4) [w-IL99 9/15 p. 13 par. 1]
23. Ti “nalimed a lugar ti Kangatuan” ket maysa a lugar ti ․․․․․․․․ para kadagidiay dumasig iti Dios maipapan iti isyu a ․․․․․․․․ ; “nalimed” dayta, wenno di maammuan, dagiti tattao nga ․․․․․․․․ . (Sal. 91:1) [Linawas a panagbasa iti Biblia; kitaenyo ti w-IL86 12/15 p. 29 par. 6.]
24. ‘Ti di pananglipat iti amin nga aramid ni Jehova’ ket nabatad a nainaig iti ․․․․․․․․ kadagiti “aramidna,” dagiti aramid ti naayat a kinamanangngaasina kas nadeskribir iti maika-103 ti Salmo. (Salmo 103:2) [Linawas a panagbasa iti Biblia; kitaenyo ti w-IL99 5/15 p. 21 par. 5-6.]
25. Ti proverbio ket nabagas a sasao nga ․․․․․․․․ ken nadisenio a ․․․․․․․․ . [si-IL p. 107 par. 6]
Pilienyo ti umiso a sungbat ti tunggal maysa kadagiti sumaganad a sasao:
26. Nupay adda panggapuanna nga agpungtot gaput’ panangtrato ni Saul kenkuana, nagteppel ni David agsipud ta (naamirisna nga imperpekto ni Saul ket masapul a mangpakawan dagiti adipen ti Dios; silalagip iti relasionna ken Jehova; ammona a dakes ti manangukom). (1 Sam. 24:6, 15) [w-IL99 8/15 p. 8 par. 7]
27. Ti (sirib; disiplina; kinalinteg) ket resulta ti panagtitipon ti adu a banag, agraman pannakaawat, nauneg a pannakaawat, kinamanakem, ken abilidad nga agpanunot; ti (kinaimbag; pannakaawat; naimbag a panagdesision) isut’ abilidad a mangsukimat iti maysa a banag sa amirisen ti pakabuklanna babaen ti panangtarus ti panagnanaig dagiti bennegna ken ti mismo a pakabuklanna, tapno maawatan ti kababagasna. (Prov. 1:1-4) [w-IL99 9/15 p. 13 par. 2]
28. Ti kinatibker ni Jose a nagkedked kadagiti imoral a pananggargari ti asawa ni Potifar ket gapu iti (pannakaammona iti Linteg ni Moises, a nangkondenar iti pannakiabig; nasalun-at a panagbutengna iti nangato a saad ni Potifar; panangipategna iti relasionna ken Jehova). (Gen. 39:7-9) [w-IL99 10/1 p. 29 par. 3]
29. Ti nangputar iti Salmo 119 ket nabatad nga adda nauneg a panangipategna iti (sao, wenno linteg, ti Dios; sagut ti biag; namnama a pannakaisalakan), a nadakamat iti dandani amin a bersikulo ti salmo. [Linawas a panagbasa iti Biblia; kitaenyo ti w-IL99 11/1 p. 10 par. 5; w-IL87 3/15 p. 24 par. 2.]
30. Iti immuna a dua a kapitulo ti surat ni Pablo kadagiti (taga Roma; taga Galacia; Hebreo), makakitatayo iti adu a naadaw iti Salmo maipapan iti (natan-ok a saad; bautismo; naindagaan a ministerio) ni Jesu-Kristo. [si-IL p. 105 par. 28]
Itupagyo dagiti sumaganad a kasuratan kadagiti sasao a nailista iti baba:
Prov. 2:19; 14:15; 18:17; Roma 10:17; Heb. 13:18
31. Tapno maaddaan iti pammati, masapul nga ammuen nga umuna ti maysa a tao ti ibagbaga ti Biblia sana sukimaten a naimbag dayta. [rs-IL p. 280 par. 3]
32. Saan a mabalin a tuladen dagiti Kristiano ti kinukusit nga ar-aramid iti negosio wenno di mangikabkabilangan kadagiti nainkalintegan nga interes ti sabsabali. [w-IL99 9/15 p. 10 par. 2]
33. Dagidiay agar-aramid iti seksual nga imoralidad mabalin a madanonda ti napeggad a kasasaad a didan makasubli, kayatna a sawen ti ipapatay, sakbay a mabalinda pay ti agbalbaliw. [w-IL99 11/15 p. 27 par. 4-5]
34. Ti masirib ken mannakaawat a tao tingitingenna dagiti pagtungpalan ti ar-aramidna ken dina suroten lattan ti baro nga uso gapu laeng ta nalatak dayta. [Linawas a panagbasa iti Biblia; kitaenyo ti g-IL94 12/8 p. 16 par. 1.]
35. Uray no mabalin a nainkalintegan ken umiso ti argumento ti maysa a tao, nainsiriban no mangngeg ti agsumbangir a dasig sakbay a maaramid ti maysa a konklusion. [si-IL p. 111 par. 36]