Dagiti Pakaammo

◼ Literatura a tukon iti Disiembre: Ti Katan-okan a Tao a Nagbiag Pay Laeng, Ti Librok Dagiti Estoria ti Biblia, wenno, no adda, Mabalinyo ti Agbiag nga Agnanayon iti Paraiso a Daga. Enero ken Pebrero: Mabalin nga itukon dagiti daan a libro a 192 ti panidna, kas iti Kinaragsak—No Kasano a Biroken Dayta, Ti Kinapudno a Mangiturong iti Biag nga Awan Inggana, wenno Pudno a Talna ken Talged—Kasano a Mabirokanyo Dayta? No awan dagiti daan a libro, mabalin nga itukon kas sandi ti libro a Ti Panangbirok ti Sangatauan iti Dios wenno ti Creation. Marso: Maitukon ti libro a Pannakaammo ket ikagumaan a makairugi iti panagadal iti Biblia iti pagtaengan.

◼ No agbakasion wenno tumabunokayo iti kombension iti arinunos ti Disiembre, siguraduenyo nga ited ti reportyo iti sekretario sakbay a pumanawkayo. No sipapanunottayo amin nga agreport iti arinunos ti bulan, kompletonto ti reporttayo iti Disiembre.

◼ Ti insert daytoy a Ti Ministeriotayo iti Pagarian salaysayenna ti baro a tract a nairanta a mangirugi iti panagadal iti Biblia. Yantangay nalabit diyo pay naawat dagiti pinedidoyo a baro a tract inton mapagsasaritaan iti Gimong ti Serbisio, nangipatulodkami iti lima a kopia iti kada kongregasion kadua ti statement para iti Oktubre. Mausar dagitoy a kopia no idemostra ti tract iti Gimong ti Serbisio.

◼ Kontribusion Para iti Kombension Distrito: Amin a paggastuan kadagiti kombension, a pakairamanan ti panangabang kadagiti maitutop a pasilidad, panangisagana iti entablado ken public address system, ken pannakaipablaak ti aniaman a baro a publikasion, ket masupsuportaran babaen ti boluntario a kontribusion para iti sangalubongan a trabaho. Masiguradomi a sipapanunotkayo iti daytoy inton tumabunokayo. Mabalinyo nga ipisok dagiti kontribusion kadagiti kahon ti kontribusion a naisagana iti kada kombension.

◼ Teksto iti Tawen 2002: Ti teksto iti tawen 2002 ket naadaw iti Mateo 11:28: “Umaykayo kaniak . . . ket pagin-awaenkayto.” Ikagumaan koma ti amin a kongregasion a maikabil ti baro a teksto ti tawen iti Kingdom Hall-da inton Enero 1, 2002.

◼ Dagiti Baro a Tract a Magun-odan:

T-71, Does Fate Rule Our Lives?—Or Does God Hold Us Responsible?—Ingles

T-74, Hellfire—Is It Part of Divine Justice?—Ingles

(Palagip: Nairanta dagitoy a tract para kadagiti Muslim. Limitado ti suplay.)