Eskediul iti Gimong ti Serbisio
Lawas ti Disiembre 9
12 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Babaen ti panangusar kadagiti singasing iti panid 8, paidemostra no kasano nga itukon ti Disiembre 15 a Pagwanawanan ken ti Disiembre 22 nga Agriingkayo!
15 min: “Iwaragawagyo ti Mensahe ti Pagarian.”a No usigen ti parapo 3, iraman dagiti singasing no kasano a basaen a direkta ti Biblia no ikasaba ti naimbag a damag.—km 12/01 p. 1 par. 3.
18 min: Agbunga iti Tunggal Naimbag nga Aramid. Maysa a palawag, a pakipasetan dagiti agdengdengngeg. Idauluan ti maysa a panglakayen. Repasuen ti pakasaritaan ken panagrang-ay ti kongregasion, agraman dagiti panagregget a nangiturong iti pannakabukel ti kongregasion. Paisalaysay kadagiti kakabsat nga addan kadagidi a tiempo dagiti makapabileg a kapadasan. Usigen dagiti mabalin nga aramiden tapno agtultuloy ti panagrang-ay, ken paregtaen ti amin a suportaranda a sireregta dagiti aktibidad ti kongregasion.
Kanta 119 ken pangserra a kararag.
Lawas ti Disiembre 16
10 min: Dagiti lokal a pakaammo. Report ti kuenta.
10 min: Maawatanto Dagidiay Addaan iti Pannakatarus. (Dan. 12:3, 10) Maysa a demostrasion. Iyimtuod ti interesado a tao: “Kasano a masiguradok nga umiso ti pannakaawatyo kadagiti isursuro ti Biblia?” Ilawlawag ti agibumbunannag no kasano a sukimaten ti Biblia babaen ti metodo ti panagadal maibatay iti tema (topical method). (w96 5/15 p. 19-20) Usarenna ti maysa wenno dua a pagarigan manipud iti libro a Panakirinnason, panid 97-102, tapno ipakitana no kasano a rimmang-ay ti pannakaawattayo iti panggep ti Dios agpaay iti daga babaen ti naannad a panangusigtayo kadagiti teksto ti Kasuratan. Ilawlawag ti agibumbunannag no kasano a mausar dayta a metodo tapno siuumiso a matarusan dagiti dadduma a sursuro ti Biblia ket itukonna ti panagadal iti Biblia.
25 min: “Dakayo nga Ulo ti Pamilia—Taginayonenyo ti Nasayaat a Naespirituan a Rutina.” Kalpasan ti ababa nga introduksion maibatay iti parapo 1-2, pagsasaritaan ti tallaong ti parapo 4-13. No ipalubos ti tiempo, basaen dagiti parapo 7, 8, 11, ken 12. Manginterbiu iti maysa wenno dua a nagannak. Ania ti nakatulong iti pamiliada a maaddaan iti nasayaat a rutina kadagiti naespirituan nga aktibidad? Aniada a panagregget ti nairaman iti dayta? Kasanoda a nagunggonaan? Ingudo babaen ti ababa a komento iti parapo 14.
Kanta 154 ken pangserra a kararag.
Lawas ti Disiembre 23
10 min: Lokal a pakaammo. Babaen ti panangusar kadagiti singasing iti panid 8, idemostra no kasano nga itukon ti Enero 1 a Pagwanawanan ken ti Enero 8 nga Agriingkayo! Paregtaen ti amin a buyaenda ti video a No Blood—Medicine Meets the Challenge kas panagsagana iti panangusig iti Gimong ti Serbisio iti lawas ti Enero 6.
15 min: Lokal a kasapulan.
20 min: “Ar-aramidenyo Kadi ti Pasetyo Tapno Magupgop ti Umiso a Report?”b No mausig ti parapo 2, iraman dagiti komento iti libro a Ti Ministeriotayo, panid 106-8.
Kanta 165 ken pangserra a kararag.
Lawas ti Disiembre 30
10 min: Lokal a pakaammo. Dakamaten ti literatura a tukon iti Enero, nga itampok dagiti libro nga adda iti kongregasion.
15 min: “Baro a Programa ti Asamblea Sirkito.” Maysa a palawag. Paregtaen ti amin a tabunuanda ti sumaruno nga asamblea sirkito ket imdenganda a naimbag ti programa.
20 min: “Dagiti Agtutubo a Mangipatpateg iti Kinapudno.” Maysa a palawag a pakiramanan dagiti agdengdengngeg maibatay iti artikulo iti Ti Pagwanawanan nga Oktubre 1, 2002, panid 9-11. Kitaenyo dagiti kapadasan a maitutop kadagiti kasasaad dagiti agtutubo iti kongregasionyo.
Kanta 147 ken pangserra a kararag.
Lawas ti Enero 6
5 min: Lokal a Pakaammo.
23 min: Tulong Agpaay iti Panangsalimetmet iti Linteg ti Dios Maipapan iti Dara. Palawag ti maysa a kualipikado a panglakayen, a naibatay iti balabala nga impatulod ti sanga nga opisina a kadua ti account statement para iti Oktubre. Masapul nga addaan ti sekretario iti umdas a bilang ti card nga Advance Medical Directive/Release ken Identity Card. Maikkan kadagitoy a dokumento dagiti bautisado nga agibumbunannag kalpasan daytoy a gimong, ngem SAAN pay a masuratan. Ti panangpirma, panangsaksi, ken panangpetsa ket maaramid iti sumaganad a Panagadal iti Libro ti Kongregasion, a tumulong dagiti manangaywan iti panagadal ti libro no kasapulan. Dagidiay agpirma kas saksi rumbeng a makitada a mismo ti panangpirma ti indibidual iti dokumento. Dagiti di bautisado nga agibumbunannag mabalinda ti mangisurat iti bukodda a direktiba para iti bagida ken kadagiti annakda. Mabalinda a tuladen dagiti sasao iti daytoy a card sigun iti mismo a kasasaad ken pammatida.
17 min: “Buyaenyo Koma ti Video a No Blood—Medicine Meets the Challenge.” Idauluan ti maysa a kualipikado a panglakayen. Pagsasaritaan a dagus ti video a No Blood, nga usarenyo dagiti saludsod iti kahon iti panid 7. Kalpasanna, basaen ti maudi a parapo iti kahon. (Palagip: Kadagiti kongregasion nga awanan iti daytoy a video, mabalin a maipalawag ti tema a “Panangarkos iti Bagi—Nasken ti Kinanainkalintegan,” naibatay iti Agosto 8, 2000 nga Agriingkayo!, panid 18-19.)
Kanta 79 ken pangserra a kararag.
[Dagiti Footnote]
a Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.
b Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.