Eskediul ti Gimong ti Serbisio

Lawas ti Enero 10

Kanta 223

10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Usaren dagiti singasing iti panid 8 (no maitutop iti teritoriayo) a mangidemostra no kasano nga itukon ti Enero 15 a Pagwanawanan ken ti Enero 22 nga Agriingkayo! Mabalin nga usaren ti dadduma pay a realistiko a presentasion. Iti maysa a presentasion, idemostra no kasano nga itukon dagiti magasin iti saan a Saksi a kabagian.

15 min: “Nataraonan iti Sasao ti Pammati.”a Basaen ken ilawlawag dagiti naisitar a teksto no ipalubos ti oras.

20 min: “Padasenyo ti Maibagaybagay a Pamay-an.” Pagsasaritaan ti tallaong ti suplemento iti panid 6. Mangidemostra iti dua a presentasion no kasano nga aramiden daytoy a maitukon ti literatura a mausar ita a bulan. Iti tunggal demostrasion, mangbasa ti agibumbunannag iti maysa a teksto a maibagay iti pakaseknan ti bumalay.

Kanta 143 ken pangserra a kararag.

Lawas ti Enero 17

Kanta 34

10 min: Lokal a pakaammo.

15 min: Dakayo nga Agtutubo—Rumangrang-aykayo Kadi iti Naespirituan? Palawag ti panglakayen a naibatay iti Abril 1, 2003, a Pagwanawanan, panid 8-10. Mangdakamat iti sumagmamano a realistiko ken maragpat a kalat, ken paregtaen dagiti agtutubo a mangipasdek kadagiti espesipiko a naespirituan a kalat agpaay iti bagbagida.

20 min: “Panangikondukta Kadagiti Progresibo a Panagadal iti Biblia—Paset 5.”b Iraman ti maysa a demostrasion maipapan iti maysa a kabsat nga aduan kapadasan iti panangyadal iti Biblia a mangilawlawag iti kabbaro nga agibumbunannag no kasano a liklikan dagiti parikut a nadakamat iti parapo 4-5.

Kanta 78 ken pangserra a kararag.

Lawas ti Enero 24

Kanta 163

5 min: Lokal a pakaammo. Report ti kuenta.

15 min: “No Kasano a Magunggonaantayo iti Teokratiko nga Eskuelaan ti Panagministro.” Palawag ti manangaywan iti eskuelaan. Iraman dagiti komento manipud iti suplemento ti Oktubre 2004 a Ti Ministeriotayo iti Pagarian. Mangyurnos a nasaksakbay iti maysa wenno dua nga agkomento no kasanoda a nagunggonaan iti eskuelaan.

25 min: “No Kasano nga Usaren Dagiti Pagtuladan a Presentasion.”c Usaren dagiti naipaay a saludsod. Dakamaten a ti panid 3-5 ti suplemento iti daytoy a bulan ket naglaon kadagiti presentasion maipapan kadagiti publikasion nga itukontayo. Idulinyo ti suplemento a mausar iti intero a tawen. Kalpasan a mausig ti artikulo, ilawlawag no kasanotayo nga itukon ti Umadanika ken Jehova iti Pebrero. Paidemostra ti dua a presentasion. Mabalin a maibatay dagita kadagiti pagtuladan a presentasion iti panid 3 wenno iti dadduma pay a presentasion nga epektibo iti teritoriayo.

Kanta 200 ken pangserra a kararag.

Lawas ti Enero 31

Kanta 157

10 min: Lokal a pakaammo. Ipalagip kadagiti agibumbunannag nga iteddan ti reportda iti serbisio iti tay-ak iti Enero. Usaren dagiti singasing iti panid 8 (no maitutop iti teritoriayo) a mangidemostra no kasano nga itukon ti Pebrero 1 a Pagwanawanan wenno ti Pebrero 8 nga Agriingkayo! Mabalin nga usaren ti dadduma pay a realistiko a presentasion.

15 min: Lokal a kasapulan.

20 min: Suksukimatem Kadi ti Kasuratan iti Inaldaw? Palawag ken pagsasaritaan ti tallaong a naibatay iti pakauna ti Panangsukimat Kadagiti Kasuratan iti Inaldaw—2005. Ilawlawag no apay a nasken nga usigen iti sumagmamano a minuto ti teksto ken dagiti komento iti tunggal aldaw. Mangyurnos a nasaksakbay iti maysa wenno dua nga agkomento maipapan iti rutinada a mangusig iti teksto ken no kasano a nagunggonaanda. Ingudo babaen ti ababa a panangilawlawag iti teksto para iti tawen 2005.

Kanta 184 ken pangserra a kararag.

Lawas ti Pebrero 7

Kanta 97

10 min: Lokal a pakaammo.

15 min: Tulonganyo Dagiti Kabbaro nga Agsursuro a Mangayat iti Dios ken iti Kaarruba. Palawag a naibatay iti Hulio 1, 2004, a Pagwanawanan, panid 16, parapo 7-9. Itampok no kasano a ti tunggal kameng ti kongregasion adda pasetna a tumulong kadagiti kabbaro nga agbalin nga adalan ni Kristo.

20 min: Saan nga Ipaidam ni Jehova ti Aniaman a Naimbag. (Sal. 84:11) Manginterbiu iti sumagmamano a kakabsat a nagtalinaed a matalek iti sidong dagiti pannubok. Ania dagiti rigat a nakaipasanguanda? Ania ti nakatulong kadakuada a mangdaer kadagita? Ania dagiti makaparagsak a kapadasan ken bendision a napasaranda?

Kanta 104 ken pangserra a kararag.

[Dagiti Footnote]