Eskediul ti Gimong ti Serbisio

Lawas ti Mayo 9

Kanta 217

10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Usaren dagiti singasing iti panid 8 a mangidemostra no kasano nga itukon ti Mayo 15 a Pagwanawanan ken ti Mayo 22 nga Agriingkayo! Iti maysa kadagiti presentasion, idemostra ti di pormal a panangitukon kadagiti magasin iti maysa a pasahero.

15 min: Usarenyo ti Sao ti Dios a Mangdanon iti Puso. Palawag a naibatay iti Pebrero 1, 2005 a Pagwanawanan, panid 28-31. Usigen no kasano a tinulongan ni Jesus ni Pedro babaen ti panangusarna iti Kasuratan. Ilawlawag no kasano a matuladtayo ti ulidan ni Jesus no kasapulan nga aturen ti panagpampanunot ken kababalin dagiti annaktayo, iyad-adalantayo iti Biblia, ken uray datayo a mismo.

20 min: “Mangaramidkayo iti Praktikal nga Eskediul ti Pamilia.” Iti introduksion nga awan pay dua a minuto, ipaganetget ti kinapateg ti naisurat nga eskediul ken ilawlawag no kasano a suratan ti blangko nga eskediul iti panid 6. Isaruno ti saludsod-ken-sungbat a panangusig iti artikulo nga “Eskediul ti Pamilia—Dagiti Gimong ti Kongregasion.” Awisen ti tallaong nga agkomento no ania ti ar-aramidenda tapno saan ida a lapdan dagiti sabali nga aktibidad a tumabuno kadagiti gimong ti kongregasion. Mapagsasaritaan kadagiti sumarsaruno a lawas dagiti kanayonan nga aspeto ti eskediul ti pamilia.

Kanta 176 ken pangserra a kararag.

Lawas ti Mayo 16

Kanta 201

10 min: Lokal a pakaammo.

15 min: “Eskediul ti Pamilia—Panagserbi iti Tay-ak kas Pamilia.”a Awisen ti tallaong nga agkomento no ania dagiti pagsayaatan ti regular a panangasaba kas pamilia.

20 min: “Panangikondukta Kadagiti Progresibo a Panagadal iti Biblia—Paset 8.”b Iraman ti ababa a demostrasion a ti agibumbunannag ikkanna ti kabbaro nga iyad-adalanna iti Biblia agraman iti kopia ti broshur a Dagiti Saksi ni Jehova—Siasinoda? Ania ti Patpatienda? Ti agibumbunannag iturongna ti atension iti ladawan iti panid 20 ti broshur ken ilawlawagna iti apagbiit ti maipapan iti Palawag Publiko. Dakamatenna ti paulo ti sumaganad a palawag publiko ken awisenna ti iyad-adalanna a tumabuno.

Kanta 134 ken pangserra a kararag.

Lawas ti Mayo 23

Kanta 194

12 min: Lokal a pakaammo. Ibasa ti report ti kuenta ken iyebkas ti panagyaman kadagiti donasion. Usaren dagiti singasing iti panid 8 a mangidemostra no kasano nga itukon ti Hunio 1 a Pagwanawanan ken ti Hunio 8 nga Agriingkayo!

18 min: “Asidegen ti Aldaw ni Jehova.”c Iti panangisagana iti daytoy a paset, kitaenyo ti libro a Padto ni Daniel, panid 59, parapo 28.

15 min: “Eskediul ti Pamilia—Ti Panagadal ti Pamilia.”d Ipasakbay iti maysa wenno dua nga agibumbunannag nga agkomentoda no kasano ti panangyeskediulda iti panagadal ti pamiliada ken no ania ti kasapulan tapno regular a maaramidda dayta.

Kanta 152 ken pangserra a kararag.

Lawas ti Mayo 30

Kanta 190

10 min: Lokal a pakaammo. Ipalagip kadagiti agibumbunannag nga iteddan ti reportda iti serbisio iti tay-ak iti Mayo. Dakamaten ti literatura a tukon iti Hunio. Idemostra no kasano nga itukon ti literatura babaen ti panangusar iti maysa wenno dua kadagiti naisingasing a presentasion iti suplemento ti Enero 2005 a Ti Ministeriotayo iti Pagarian.

20 min: “Eskediul ti Pamilia—Ti Inaldaw a Teksto.”e Awisen ti tallaong nga agkomento no kasano a mabembenepisiaran ti pamiliada iti panangusigda iti inaldaw a teksto kas pamilia ken no kaano nga ar-aramidenda dayta.

15 min: Isalaysay wenno idemostra dagiti kapadasan iti serbisio iti tay-ak iti Marso, Abril, ken Mayo. Ipasakbay iti maysa wenno dua a kakabsat nga agkomentoda no ania ti inaramidda tapno ad-adu ti magapuananda iti ministerio iti panawen ti Memorial ken no ania dagiti bendision a sinagrapda.

Kanta 115 ken pangserra a kararag.

Lawas ti Hunio 6

Kanta 155

10 min: Lokal a pakaammo.

15 min: Lokal a kasapulan.

20 min: “Panangparayray iti Interes Babaen ti Regular a Panangitulod iti Magasin.”f No mapagsasaritaan ti parapo 3, iturong ti atension iti libro a Pannakirinnason, panid 268-73. Mabalin nga usaren daytoy a material iti panangisagana iti saritaan kada sumarungkar, a maysa laeng a teksto ti mausar maipapan iti no ania ti aramiden ti Pagarian ti Dios. Iraman ti maysa a demostrasion no kasano nga usaren ti agibumbunannag ti maysa a teksto iti pannakisaritana iti tao a regular nga itultulodanna iti magasin. Ti agibumbunannag ilawlawag ken iyilustrarna iti apagbiit ti kaipapanan ti teksto tapno maawatan ti bumalay ken makitana ti pateg daytoy iti biagna.

Kanta 107 ken pangserra a kararag.

[Dagiti Footnote]