Eskediul ti Gimong ti Serbisio

PALAGIP: Maysa wenno dua a bulan kalpasan ti itatabuno ti kongregasion iti “Panagtulnog iti Dios” a Kombension Distrito, adda mailasin a 15 agingga iti 20 a minuto iti Gimong ti Serbisio (nalabit isandi iti paset a lokal a kasapulan) a mausar iti panangrepaso kadagiti punto ti programa iti kombension.—Kitaenyo ti Oktubre 2005 a Ti Ministeriotayo iti Pagarian, p. 2.

Lawas ti Enero 9

Kanta 10

10 min: Lokal a pakaammo. Usaren dagiti singasing iti panid 8 a mangidemostra no kasano nga itukon ti Enero 15 a Pagwanawanan ken ti Enero nga Agriingkayo!

15 min: “Ti Libro nga Isursuro ti Biblia—Kangrunaan a Katulongantayo iti Panangyadal iti Biblia.”a Iparang ti manangaywan iti serbisio.

20 min: “No Kasano nga Irugi ti Panangyadal iti Libro nga Isursuro ti Biblia.” Pagsasaritaan ti tallaong nga addaan kadagiti demostrasion a naibatay iti panid 3 ti suplemento. Mangyurnos iti tallo a nasayaat ti pannakaisaganana a demostrasion a mangipakita no kasano nga usaren ti (1) panid 4-5, (2) panid 6, ken (3) ti umuna a parapo iti panid 7 a pangirugi iti panagadal iti Biblia no agsarungkar. Iti ngudo ti tunggal demostrasion, iyurnos ti agibumbunannag ti sumaganad a panagsarungkarna.

Kanta 125 ken pangserra a kararag.

Lawas ti Enero 16

Kanta 178

10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Paregtaen ti amin a buyaenda ti video a Transfusion-Alternative Health Care—Meeting Patient Needs and Rights kas panagsagana iti diskusion a maangayto iti las-ud ti dua a lawas iti Gimong ti Serbisio.

15 min: Organisado a Mangaramid iti Pagayatan ni Jehova. Palawag ken pagsasaritaan ti tallaong a naibatay iti libro nga Organisado a Mangaramid iti Pagayatan ni Jehova, panid 4-7. Kalpasan ti awan pay tallo a minuto nga introduksion a naibatay iti panid 4, pagsasaritaan ti tallaong ti panid 5 agingga iti subtitulo iti panid 7. Mausigto dagiti dadduma pay a paset ti libro nga Organisado kadagiti sumaganad a Gimong ti Serbisio.

20 min: “Dagiti Agtutubo nga Agsilsilnag kas Silsilaw.”b Awisen dagiti agtutubo a mangilawlawag no kasano a nabaelanda ti mangasaba idiay eskuelaan.

Kanta 107 ken pangserra a kararag.

Lawas ti Enero 23

Kanta 60

10 min: Lokal a pakaammo. Ibasa ti report ti kuenta ken iyebkas ti panagyaman kadagiti donasion. Usaren dagiti singasing iti panid 8 a mangidemostra no kasano nga itukon ti Pebrero 1 a Pagwanawanan ken ti Pebrero nga Agriingkayo!

15 min: Lokal a kasapulan.

20 min: “Mangipakita iti Personal nga Interes—Babaen ti Panagsaludsod ken Panagimdeng.”c No mausig ti parapo 2, damagen iti tallaong no ania dagiti saludsod a natakuatanda nga epektibo a pangirugi iti saritaan. Idemostra no kasano a maammuan ti adda iti panunot ken puso ti maysa a tao babaen ti nataktika a panagsaludsod ken napasnek a panagimdeng.

Kanta 205 ken pangserra a kararag.

Lawas ti Enero 30

Kanta 197

10 min: Lokal a pakaammo. Dakamaten ti literatura a tukon iti Pebrero, ken paidemostra ti maysa a presentasion.

15 min: Palawag ti maysa a panglakayen iti suheto a “Ti Kadi Konsiensiam Nasayaat ti Pannakasanayna?” Naibatay iti artikulo ti Oktubre 1, 2005 a ruar ti Pagwanawanan, panid 12-15.

20 min: “Ti Video a Mangitampok iti Napateg a Pamay-an ti Panangagas.” Basaen ti Aramid 15:28, 29 ken ipaganetget iti apagbiit a ti kangrunaan a rason no apay nga agkedked dagiti Kristiano a mayalisonan iti dara ket ti panangtungpal iti linteg ti Dios maipapan iti kinasagrado ti dara. Kalpasanna, pagsasaritaan ti video a Patient Needs and Rights, nga usaren dagiti saludsod nga adda iti artikulo. Ingudo babaen ti panangbasa iti maudi a parapo. (Palagip: No awan ti addaan iti kastoy a video iti kongregasion, mangipaay ti maysa a panglakayen iti palawag a naibatay iti Hunio 15, 2004 a Pagwanawanan, panid 29-31.)

Kanta 45 ken pangserra a kararag.

Lawas ti Pebrero 6

Kanta 74

10 min: Lokal a pakaammo.

25 min: Panagbalin a Pamiliar iti Baro a Katulongantayo iti Panangisuro. Palawag ken pagsasaritaan ti tallaong. Pagkomentuen ti tallaong maipapan kadagiti paset ti libro nga Isursuro ti Biblia nga apresiarenda, kas kadagiti pangiruangan a saludsod ken dagiti saludsod iti kahon a pangrepaso a mangitampok kadagiti kangrunaan a punto iti kada kapitulo (p. 106, 114), dagiti ladawan (p. 122-3, 147, 198), ken ti apendise (p. 197, par. 1-2). Nabara ken makaallukoy ti wagas a panangisuro ti libro (p. 12, par. 12). Simple ken nalaka a maawatan ti panangilawlawagna (p. 58, par. 5) ken epektibo dagiti nausar nga ilustrasion (p. 159, par. 12). Nadisenio ti pakauna a tumulong kadatayo a mangirugi iti panangyadal iti Biblia (p. 3-7). Idemostra iti iyad-adalan iti Biblia no kasano nga usaren ti kahon iti panid 7.

10 min: Ti Panagserbi kas Auxiliary Pioneer Mangyeg Kadagiti Bendision. (Prov. 10:22) Paisalaysay kadagidiay nagserbi kas auxiliary pioneer idi kalgaw no kasano nga inyurnosda dayta ken no ania dagiti makaparagsak a kapadasanda kas resultana. Paregtaen ti amin nga usigenda buyogen ti panagkararag no kabaelanda ti ag-auxiliary pioneer iti Marso, Abril, ken Mayo.

Kanta 16 ken pangserra a kararag.

[Dagiti Footnote]