Eskediul ti Gimong ti Serbisio

Lawas ti Hunio 12

Kanta 218

10 min: Lokal a pakaammo. Usaren dagiti singasing iti panid 4 wenno ti dadduma pay a presentasion a maitutop iti teritoriayo a mangidemostra no kasano nga itukon ti Hunio 15 a Pagwanawanan ken ti Hunio nga Agriingkayo! Iti maysa kadagiti presentasion, paidemostra ti panangitukon kadagiti magasin iti di pormal a pamay-an.

20 min: “Ti Ministeriotayo—Trabaho nga Ebkas ti Asi.”a No ipalubos ti oras, awisen ti tallaong a mangkomento kadagiti naisitar a teksto.

15 min: Panagtalek iti “Matalek ken Masirib nga Adipen.” Palawag ken pagsasaritaan ti tallaong a naibatay iti kapitulo 3 ti Organisado a Mangaramid iti Pagayatan ni Jehova.

Kanta 47 ken pangserra a kararag.

Lawas ti Hunio 19

Kanta 21

10 min: Lokal a pakaammo. Dagiti napili a Pakaammo iti Ti Ministeriotayo iti Pagarian.

20 min: Ti Sao iti Umiso a Tiempona O Anian a Nagsayaat! Palawag ken pagsasaritaan ti tallaong a naibatay iti Enero 1, 2006 a Pagwanawanan, panid 16-19. Iti panglukat a sasao, itampok dagiti uppat a gunggona ti panangted iti komendasion kadagiti sabsabali a nailawlawag iti sidong ti subtitulo a “Dagiti Nasayaat nga Epekto.” Kalpasanna, awisenyo ti tallaong a mangsungbat kadagiti sumaganad a saludsod: Siasino ti kangrunaan a maikari iti dayaw? Apay a maikari dagiti padatayo nga agdaydayaw iti maitutop a komendasion? Ania dagiti gundawaytayo a mangipaay iti komendasion iti kongregasion? Apay a makagunggona no komendarantayo dagiti kameng ti pamiliatayo, ken kasano a maaramidtayo dayta? Kasano a napabileg wenno naparegtakayo gapu iti komendasion a naawatyo?

15 min: “Mangipakita iti Personal nga Interes—Babaen ti Panangted iti Komendasion.”b Iraman ti ababa a demostrasion a ti agibumbunannag imdenganna a naimbag ti bumalay, mangted iti napasnek a komendasion, sa ilawlawagna ti sinao ti bumalay babaen ti panangiranudna iti maitutop a teksto.

Kanta 96 ken pangserra a kararag.

Lawas ti Hunio 26

Kanta 63

15 min: Lokal a pakaammo. Ibasa ti report ti kuenta ken iyebkas ti panagyaman kadagiti donasion. Usaren dagiti singasing iti panid 4 wenno ti dadduma pay a presentasion a maitutop iti teritoriayo a mangidemostra no kasano nga itukon ti Hulio 1 a Pagwanawanan ken ti Hulio nga Agriingkayo! Iti ngudo ti tunggal presentasion, mangibati ti agibumbunannag iti mamagpanunot a saludsod a masungbatan iti sumaganad nga isasarungkar babaen ti panangusar iti libro nga Isursuro ti Biblia.

15 min: Panagserbi iti Kongregasion nga Agus-usar iti Ganggannaet a Lenguahe. Palawag a naibatay iti Marso 15, 2006 a Pagwanawanan, panid 17-20. Iraman dagiti komento iti libro nga Organisado, panid 112, parapo 2. Mangted iti lokal nga aplikasion ti material. Mabalin nga iraman ti maysa wenno dua nga ababa nga interbiu kadagidiay mangikagkagumaan a mangpalawa iti ministerioda babaen ti panagsursuroda iti sabali a lenguahe.

15 min: Panangidatag iti Naimbag a Damag iti Hulio. Ania dagiti topiko a paginteresan ti kaaduan a tattao iti teritoriayo? Kaumanyo iti apagbiit ti maysa wenno dua nga agibumbunannag a sieepektibo a nangusar iti libro nga Isursuro ti Biblia ken nalabit nakairugi iti panagadal iti Biblia. Kalpasanna, usaren ti presentasion a napaneknekanen nga epektibo iti teritoriayo a mangidemostra no kasano nga itukon ti literatura bayat ti panagbalaybalay.—Kitaenyo ti Enero 2005 a Ti Ministeriotayo iti Pagarian, p. 8, par. 5.

Kanta 208 ken pangserra a kararag.

Lawas ti Hulio 3

Kanta 111

10 min: Lokal a pakaammo. Ipalagip kadagiti agibumbunannag nga iteddan ti reportda iti serbisio iti tay-ak iti Hunio no saanda pay a naaramid dayta.

15 min: Lokal a kasapulan.

20 min: “No Kasano a Ragpaten Dagiti Naespirituan a Kalatyo.”c Pagkomentuen dagiti agtutubo iti kongregasion maipapan kadagiti naespirituan a kalatda ken no ania ti ar-aramidenda tapno maragpatda dagita. Mabalin nga iyurnos a nasaksakbay ti maysa wenno dua nga agkomento.

Kanta 30 ken pangserra a kararag.

[Dagiti Footnote]