Eskediul ti Gimong ti Serbisio
Lawas ti Hulio 10
10 min: Lokal a pakaammo. Usaren dagiti singasing iti panid 4 wenno dagiti dadduma pay a presentasion a maitutop iti teritoriayo a mangidemostra no kasano nga itukon ti Hulio 15 a Pagwanawanan ken ti Hulio nga Agriingkayo!
15 min: No Kasano a Maorganisar ken Matarawidwidan ti Kongregasion. Palawag ken pagsasaritaan ti tallaong a naibatay iti kapitulo 4 ti libro nga Organisado a Mangaramid iti Pagayatan ni Jehova.
20 min: “Patanorenyo ti Apresasion Kadagiti Awan Kapadpadna a Galad ni Jehova.”a Iraman ti maysa a demostrasion a mangipakita no kasano nga usaren dagiti saludsod tapno matulongan ti estudiante iti Biblia a mangutob kadagiti punto iti kahon a pangrepaso iti ngudo ti kapitulo 1 ti libro nga Isursuro ti Biblia.
Kanta 88 ken pangserra a kararag.
Lawas ti Hulio 17
10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Repasuen iti apagbiit ti Agosto 15, 2000 a Pagwanawanan, panid 32. Itampok dagiti gunggona iti panangtaginayon iti regular a programa ti inaldaw a panagbasa iti Biblia, uray no nakabakasionkayo wenno iti dadduma pay a tiempo nga agal-aliwaksaykayo.
15 min: Ayat ken Kinapakumbaba—Napateg a Kualidad iti Ministerio. Palawag a naibatay iti Agosto 15, 2002 a Pagwanawanan, panid 18-20, parapo 13-20.
20 min: “Tuladenyo ti ‘Naragsak a Diostayo’ a ni Jehova.”b Awisenyo ti tallaong nga agkomento no ania ti nakatulong kadakuada a mangtaginayon iti naragsak ken positibo a kababalin bayat ti panangasabada iti lokal a teritoria.
Kanta 189 ken pangserra a kararag.
Lawas ti Hulio 24
15 min: Lokal a pakaammo. Ibasa ti report ti kuenta ken iyebkas ti panagyaman kadagiti donasion. Usaren dagiti singasing iti panid 4 wenno ti dadduma pay a presentasion a maitutop iti teritoriayo a mangidemostra no kasano nga itukon ti Agosto 1 a Pagwanawanan ken ti Agosto nga Agriingkayo!
10 min: “Nangipaayda iti Ulidan ti Kinamatalek.” Palawag a pakairamanan ti sumagmamano a naipablaak a kapadasan dagiti special pioneer wenno kaumanyo ti siasinoman nga special pioneer nga agserserbi iti kongregasionyo.—Kitaenyo ti Watch Tower Publications Index iti sidong ti paulo nga “Special Pioneers.”
20 min: Agbalinkayo a Natibker, Di Magaraw. (1 Cor. 15:58) Kaumanyo ti dua wenno tallo nga agibumbunannag wenno payunir a simamatalek nga agserserbi iti adun a tawen. Kasano a naammuanda ti kinapudno? Kasano idi ti pamay-anda a mangasaba? Ania dagiti karit a nakaipasanguanda? Ania dagiti gunggona a nasagrapda gapu iti panagtalinaedda a natibker iti pudno a panagdayaw?
Kanta 12 ken pangserra a kararag.
Lawas ti Hulio 31
10 min: Lokal a pakaammo. Ipalagip kadagiti agibumbunannag nga iteddan ti reportda iti serbisio iti tay-ak iti Hulio. Dakamaten ti literatura a tukon iti Agosto.
15 min: Lokal a kasapulan.
20 min: “Patanorenyo Dagiti Naespirituan nga Ugali ket Agapitkayo Kadagiti Nabaknang a Gunggona.”c Pagkomentuenyo ti tallaong no kasano ti panangikagumaanda a mangipasdek ken mangtaginayon iti nasayaat a naespirituan a rutina ken no ania dagiti bendision a nasagrapda.
Kanta 130 ken pangserra a kararag.
Lawas ti Agosto 7
10 min: Lokal a pakaammo. Repasuen iti apagbiit no kasano a dagiti pagtuladan a presentasion iti Ti Ministeriotayo iti Pagarian ket mabalin nga ibagay iti kasapulan ti lokal a teritoria.—Kitaenyo ti Enero 2005 a Ti Ministeriotayo iti Pagarian, p. 8.
15 min: Dagiti Gimong a Mangiparegta iti Ayat ken Nasayaat nga Ar-aramid. Palawag a naibatay iti Marso 15, 2002 a Pagwanawanan, panid 24-5. Iraman ti ababa nga interbiu a mangitampok no ania ti ar-aramiden ti maysa nga agibumbunannag tapno makatabuno a regular kadagiti gimong ken no kasano a nagunggonaan iti panangaramidna iti kasta.
20 min: Agbalin a Progresibo ken Mannakibagay iti Ministeriotayo. Palawag ken pagsasaritaan ti tallaong a naibatay iti Disiembre 1, 2005, a Pagwanawanan, panid 28-30. Iti palawag a naibatay iti parapo 6-11, itampok no kasano a nagbalin nga atentibo, mannakibagay, ken manangipamuspusan ni Pablo iti panangasaba ken panangisurona. Kalpasanna, awisenyo ti tallaong a mangsungbat kadagiti saludsod iti parapo 12-14, sa ipaayda ti lokal nga aplikasionna. Iraman ti maysa a demostrasion a mangipakita no kasano nga ibagay dagiti agibumbunannag ti pamay-an nga iyaasidegda kadagiti tattao iti ministerioda, nga ikabilanganda dagiti kasapulan, kasasaad, ken kultura dagiti tattao iti teritoriada.
Kanta 83 ken pangserra a kararag.
[Dagiti Footnote]
a Limitaran ti introduksion iti awan pay maysa a minuto, sa isaruno ti saludsod-ken-sungbat a panangusig.
b Limitaran ti introduksion iti awan pay maysa a minuto, sa isaruno ti saludsod-ken-sungbat a panangusig.
c Limitaran ti introduksion iti awan pay maysa a minuto, sa isaruno ti saludsod-ken-sungbat a panangusig.