Repaso iti Teokratiko nga Eskuelaan ti Panagministro

Oral a mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Pebrero 26, 2007. Mangikondukta ti manangaywan iti eskuelaan iti 30-minuto a repaso a naibatay iti material a saklawen dagiti paset para iti lawas ti Enero 1 agingga iti Pebrero 26, 2007. [Palagip: No awan dagiti reperensia kalpasan ti saludsod, dakayo a mismo ti agsukimat a mangbirok kadagiti sungbat.—Kitaenyo ti Eskuelaan ti Panagministro, p. 36-7.]

DAGITI KUALIDAD TI PANAGPALAWAG

1. Kaano a dakamaten ti praktikal nga aplikasion ti materialtayo, ken kasano nga aramiden daytoy? [be p. 158 par. 1-3]

2. Apay a napateg a tulongantayo dagiti sabsabali a mangtarus iti praktikal a pateg ti impormasion nga idatagtayo, ken kasanotayo nga aramiden daytoy? [be p. 159 par. 3-4]

3. Apay a napateg ti panangpilitayo kadagiti sasao? [be p. 160]

4. Ania ti makatulong kadatayo a mangusar a siuumiso iti nagduduma a sasao? [be p. 161 par. 5-6; p. 162 par. 1, 4]

5. Ania ti sumagmamano a pagimbagan ti panangusar iti balabala no agpalawagtayo, adda man dayta iti isip wenno naisurat? [be p. 166 par. 1-3]

PASET NUM. 1

6. Ania ti ramanen ti panangisagana iti paset a panagbasa? [be p. 43 par. 2, 4]

7. Ania ti kasapulan tapno masursurotayo ti panagayat ni Jehova iti umiso ken pananggura iti di umiso? (Heb. 5:14) [w05 1/1 p. 9 par. 11]

8. Ania ti rumbeng a laglagipentayo no adda mabasatayo iti Biblia a mamagduadua kadatayo no nainkalintegan wenno umiso met laeng ti tignay ti Dios? [w05 2/1 p. 24 par. 7]

9. Ania ti aramidentayo no agsupadi ti kalikaguman ti tao ken ti pagayatan ti Dios? [w05 4/15 p. 12 par. 9]

10. Kasano nga impamaysa ni Isaias ti atension iti Pagarian babaen ti Mesias ken ti nangyam-ammo kenkuana, a ni Juan a Mammautisar? [si p. 123 par. 35]

LINAWAS A PANAGBASA ITI BIBLIA

11. Ania ti “pamalkut” ken ti “inabel” a nadakamat iti Isaias 25:7?

12. Kasano a dagiti tattao ‘makita’ ken ‘mangngegda’ ni Jehova? (Isa. 30:20, 21)

13. Umiso wenno Di Umiso: Ti kararag ni Ezekias a nailanad iti Isaias 38:3 ket maigapu laeng iti tarigagayna nga agbiag iti napapaut.

14. Kasano a makapagserbi dagiti Israelita kas saksi ni Jehova, ket kasanotayo a matulad ida? (Isa. 43:10)

15. Maibatay iti naimpadtuan a padron a nailanad iti Isaias 52:11, 12, ania ti kasapulan tapno ‘maawittayo dagiti aruaten ni Jehova’?