Eskediul iti Lawas ti Hunio 28
LAWAS TI HUNIO 28
□ Panagadal ti Kongregasion iti Biblia:
cf kap. 6 ¶19-25, kahon iti p. 65
□ Teokratiko nga Eskuelaan ti Panagministro:
Panagbasa iti Biblia: 1 Ar-ari 3-6
Repaso iti Teokratiko nga Eskuelaan ti Panagministro
□ Gimong ti Serbisio:
5 min: Dagiti Pakaammo.
15 min: Agsaganakayo a Mangitukon Kadagiti Magasin iti Hulio. Pagsasaritaan ti tallaong. Repasuenyo iti maysa agingga iti dua a minuto ti linaon dagiti magasin. Kalpasanna, mangpilikayo iti dua wenno tallo nga artikulo sa awisenyo ti tallaong a mangisingasing kadagiti saludsod ken teksto a mabalin nga usaren iti presentasion. Paidemostra no kasano nga itukon ti tunggal ruar. Ingudoyo babaen ti maysa pay a demostrasion a mangipakita no kasano a mairugi ti panangyadal iti Biblia bayat ti panagsarungkar.—Kitaen ti km 4/07 p. 4.
15 min: Nasanay Manipud Kinamaladaga. Pagsasaritaan ti tallaong. Pagaammotayo ni Timoteo kas naregta ken nasigo nga ebanghelisador. (Fil. 2:20-22) Nakatulong kenkuana ti panangisuro ni nanangna ken ti apongna a baket kadagiti naespirituan a bambanag manipud iti kinamaladagana. (2 Tim. 1:5; 3:15) Dagiti sumaganad a Nainkasuratan a singasing tulonganna dagiti nagannak a mangsanay kadagiti annakda nga agbalin a nasayaat nga ebanghelisador. (1) Itugotyo ti anakyo iti pangasabaan uray ubing pay; sanayenyo a makiraman depende iti edad ken abilidadna. (Prov. 22:6) (2) Agbalinkayo a nasayaat nga ulidan iti panangipangpangruna iti ministerio. (Fil. 1:9, 10) (3) Iyukuokyo iti puso ti anakyo ti panangipateg ken panangapresiar iti trabaho a panangasaba bayat ti panagdaydayaw ti pamiliayo ken iti dadduma a gundaway. (Deut. 6:6, 7) (4) Ipakitayo iti kababalin ken sasaoyo a positibo ti panangmatmatyo iti ministerio. (Fil. 3:8; 4:8; 1 Tim. 1:12) (5) Iyugaliyo ti regular a makiraman iti ministerio. (Ara. 5:41, 42) (6) Makitimpuyogkayo kadagiti naregta a ministro. (Prov. 13:20) Pagkomentuenyo ti tallaong maipapan kadagiti espesipiko a banag nga inaramid dagiti dadakkelda tapno matagiragsakda ti ministerio ken epektibo ti pannakiramanda iti dayta.