Dagiti Pakaammo

◼ Literatura a tukon iti Marso: Ania a Talaga ti Isursuro ti Biblia? Abril ken Mayo: Dagiti magasin a Pagwanawanan ken Agriingkayo! Hunio: Ania a Talaga ti Isursuro ti Biblia?

◼ Maangay ti Memorial ita a tawen inton Huebes, Abril 5, 2012. No Huebes ti gimong ti kongregasionyo, maangay koma dayta iti sabali nga aldaw iti lawas, no adda bakante nga eskediul iti Kingdom Hall. No awan, dagiti paset ti gimong nga agaplikar iti kongregasionyo ket mabalinyo nga iraman iti sabali nga eskediul ti Gimong ti Serbisio.

◼ Mausig kadagiti sumarsaruno a Gimong ti Serbisio dagiti video a Young People Ask—How Can I Make Real Friends? ken Young People Ask—What Will I Do With My Life? No kasapulan, agkiddawkayo kadagiti kopia iti kabiitan a panawen babaen ti kongregasion.

◼ No planoyo ti agpasiar iti pagilian a saan a nailista iti kaudian a report iti tawen serbisio wenno saan a nailista iti maudi a panid ti kabaruan a Tinawen a Libro, pangngaasiyo ta makiumankayo iti sanga nga opisina tapno maammuanyo no ania a panagannad ti aramidenyo wenno no ania dagiti espesial nga instruksion a surotenyo. Amangan no adda bambanag a maiparit mainaig iti trabaho ti Pagarian iti dayta a lugar. (Mat. 10:16) Iti dadduma a pagilian, saan a nainsiriban a makiuman dagiti bisita kadagiti Saksi wenno kongregasion iti dayta a lugar. Mabalin a maited kadakayo dagiti dadduma nga instruksion maipapan iti panangasaba iti di pormal wenno iti panangawit kadagiti literatura. Ti panangsurotyo kadagitoy nga instruksion ket makatulong tapno awan ti tumaud a parikut para kadakayo wenno iti trabaho mainaig iti Pagarian iti pagilian a papananyo.—1 Cor. 14:33, 40.