Pagtuladan a Presentasion

Panangirugi iti Panangyadal iti Biblia iti Umuna a Sabado iti Abril

“Adu a Kristiano ti agpabpabautisar. Iti panagkunayo, napateg kadi ti agpabautisar? [Palubosanyo a sumungbat.] Naglaon daytoy nga artikulo iti sumagmamano a makapainteres a punto.” Itedyo iti bumalay ti Abril 1 a ruar ti Pagwanawanan sa usigenyo ti material iti babaen ti umuna a subtitulo iti panid 16 ken ti uray maysa laeng a teksto. Ipaimayo dagiti magasin sa ibagayo nga agsublikayto tapno pagsaritaanyo ti sungbat ti sumaruno a saludsod.

Ti Pagwanawanan Abril 1

“Adu ti opinion dagiti tattao maipapan ken Jesus. Adda dagiti mamati nga isu ti naikari a Mesias. Adda met dagiti agkuna nga isu ket maysa laeng a naimbag a tao. Patien met dagiti dadduma a saan a pudpudno ni Jesus. Ania ti makunayo? [Palubosanyo a sumungbat.] Sigun iti Biblia, napateg a maammuantayo ti kinapudno maipapan kenkuana. [Basaenyo ti Juan 17:3.] Ipakita daytoy a magasin ti sungbat ti Biblia kadagiti sumagmamano a gagangay a saludsod maipapan ken Jesus.”

Agriingkayo! Abril

“Simmarungkarkami ta adda napateg nga impormasion a kayatmi nga iranud kadagiti pamilia. Umanamongkayo kadi nga adu a karit ti pakaipaspasanguan ita dagiti pamilia? [Palubosanyo a sumungbat.] Imutektekanyo no nakasarakan ti adu a pamilia iti praktikal a balakad. [Basaen ti Salmo 119:105.] Ilawlawag daytoy a magasin no kasano a napagballigian dagiti pamilia nga addaan iti siuman dagiti saan a gagangay a karit babaen ti panangsurotda kadagiti prinsipio iti Biblia.”