Sumardengka Kadi?

Iti panangasaba iti tay-ak, nakairuaman ti dadduma nga agibumbunannag ti sumardeng a mangasaba iti partikular nga oras, nalabit iti tengnga ti aldaw. Siempre, mabalin a rumbeng nga aginanadan gapu ta dayta ti sapulen ti kasasaadda. Ngem rumbeng kadi nga isardengmon ti mangasaba iti partikular nga oras gapu ta simmardengen dagiti kaduam iti grupo wenno gapu ta dayta ti nakairuaman iti lugaryo? Kabaelam kadi ti makiraman iti ministerio iti sumagmamano pay a minuto wenno makiraman iti dadduma a kita ti panangasaba iti publiko, kas iti panangasaba iti lansangan? Kabaelam kadi ti sumarungkar iti maysa wenno dua nga interesado sakbay nga agawidka? Panunotem no kasano kasayaat ti maaramidam no madanonmo ti uray maysa laeng nga interesado iti pagtaenganda wenno no makaipaimaka iti Pagwanawanan ken Agriingkayo! iti masabatmo iti dalan! No saantayo a sumardeng ken makiramantayo iti ministerio iti sumagmamano pay a minuto, simple a pamay-an daytoy tapno manayonan ti ‘sakripisio ti panagdaydayawtayo.’—Heb. 13:15.