Panagrang-ay iti Serbisio iti Tay-ak

Adda tallo a baro a kangatuan a bilang a naireport iti bulan ti Oktubre! Agdagup iti 182,268 nga agibumbunannag ti nagreport, a pakairamanan ti 32,420 a regular pioneer ken 5,121 nga auxiliary pioneer. Nakaikonduktada iti 221,635 a panangyadal iti Biblia. Ad-adu daytoy iti 19,519 no idilig idi Oktubre 2011. Makaparagsak a maammuan a nakaad-adu ti mangipangpangag iti awis nga agpaisuro ken ni Jehova.—Mik. 4:2.