Pagtuladan a Presentasion

Panangirugi iti panangyadal iti Biblia iti umuna a Sabado iti Abril

“Iparparegtami kadagiti kaarrubami a basaenda ti Biblia. Ngem ipagarup ti adu a tattao a narigat a matarusan ti Biblia. Kasta kadi met ti ipagarupyo? [Palubosanyo a sumungbat.] Kitaem no ania ti kuna daytoy.” Ipakitayo ti makinlikud nga akkub ti Abril 1 a Pagwanawanan, ken usigenyo ti material iti babaen ti umuna a saludsod ken ti uray maysa laeng kadagiti naisitar a teksto. Itukonyo dagiti magasin, ken ibagayo nga agsublikayto tapno pagsaritaanyo ti sumaruno a saludsod.

Ti Pagwanawanan Abril 1

“Adda problema ti amin a nakasarsaritami. Dayta ti gapuna a pampanunoten ti dadduma no kasano ti maaddaan iti makapnek a biag. Ania ti ammoyo a kangrunaan a makagapu no apay nga adu ita ti saan a naragsak? [Palubosanyo a sumungbat.] Inkari ti Biblia a mabiiten nga ikkaten ti Dios ti amin a problematayo ita. [Basaenyo ti Apocalipsis 21:4.] Ilawlawag daytoy a magasin no anianto ti mapasamak iti masanguanan ken no kasanotayo a maaddaan iti makapnek a biag uray pay itan.”

Agriingkayo! Abril

“Parikut iti intero a lubong ti kinaranggas iti pagtaengan. Kuna ti dadduma a maigapu dayta iti kultura, pamilia a dimmakkelan, ken kadagiti paglinglingayan a mangitantandudo iti kinaranggas. Iti panagkunayo, ania ti kangrunaan a makagapu iti kinaranggas iti pagtaengan? [Palubosanyo a sumungbat.] Ipakita ti Biblia ti umiso a relasion dagiti agassawa. [Basaenyo ti Efeso 5:33.] Ilawlawag daytoy a magasin no kasano a nasalbar ti dadduma a pagassawaan gapu iti panangyaplikarda kadagiti prinsipio iti Biblia.”