Eskediul iti Lawas ti Mayo 12

Kanta 49 ken Kararag

Panagadal ti Kongregasion iti Biblia:

cl kap. 7 ¶1-8 (30 min.)

Teokratiko nga Eskuelaan ti Panagministro:

Panagbasa iti Biblia: Exodo 27-29 (10 min.)

Num. 1: Exodo 29:19-30 (4 min. wenno awan pay)

Num. 2: Saan a Biningay ni Jesus ti Linteg Mosaiko Kadagiti Paset a “Seremonial” ken “Moral”—rs p. 32 ¶1-2 (5 min.)

Num. 3: Abraham—Ti Kinatulnog, Di Managimbubukodan, ken Kinatured ket Kualidad a Makaay-ayo ken Jehova—it-1 p. 38 ¶3-6 (5 min.)

Gimong ti Serbisio:

Kanta 75

15 min: Amin Dagiti Nasion Agayusdanto nga Agturong iti Dayta. (Isa. 2:2) Kaumanyo ti dua nga agibumbunannag, maysa a nabayagen iti kinapudno ken maysa a kabbaro. Ania ti naginteresanda iti kinapudno? Ania dagiti karit a napagballigianda? Ania ti naapresiarda idi damoda ti nakigimong iti kongregasion? Ania ti saanda a maliplipatan iti damo a pannakiramanda iti ministerio? Kasano a nakatulong dagiti dadduma iti kongregasion iti panagrang-ayda iti naespirituan?

15 min: “Panangparang-ay iti Abilidadtayo iti Ministerio—Panangisagana iti Introduksion.” Palawag nga adda pannakipartisipar ti tallaong. Paidemostra iti apagbiit ti dua ti pasetna a presentasion. Umuna, paidemostra ti introduksion a saan a naisagana a naimbag. Maikadua, ti introduksion a naisagana a naimbag. Iraman dagiti napateg a punto manipud iti panid 215-219 ti libro nga Eskuelaan ti Panagministro no ipalubos ti oras.

Kanta 117 ken Kararag