Pannakawayawaya iti Masanguanan—Gapu iti Dios ken ni Kristo

Ania dagiti pakarigrigatam iti inaldaw? Maysaka kadi nga ulo ti pamilia a mangas-asikaso iti adu a responsabilidad? Agsolsoloka kadi a nagannak a mangikarkarigatan a mangsuporta iti pamiliam? Maysaka kadi nga estudiante a mabul-bully iti eskuelaan? Adda kadi ib-ibturam a sakit wenno mapadpadasamon dagiti epekto ti panaglakay ken panagbaket? Adda amin problematayo. Aggigiddan ti problema ti adu a Kristiano. Ngem ammotayo a dandanitayon mawayawayaan kadagita a problema.—2Co 4:16-18.

Agingga nga awan pay, maliwliwatayo ta ammotayo a maawatan ni Jehova dagiti rigattayo, apresiarenna ti kinamatalek ken panagibturtayo, ken isagsaganaannatayo iti aglaplapusanan a bendision. (Jer 29:11, 12) Interesado met ni Jesus kadatayo. Bayat nga ar-aramidentayo dagiti obligasiontayo kas Kristiano, impasiguradona kadatayo: “Addaak kadakayo.” (Mt 28:20) No utobentayo ti wayawayatayo iti masanguanan iti panagturay ti Pagarian ti Dios, ad-adda a nalawag ti namnamatayo ken ad-adda a bumileg ti determinasiontayo a mangibtur kadagiti problematayo ita.—Ro 8:19-21.

BUYAEN TI VIDEO A BAYAT NGA UMAS-ASIDEG TI BAGYO, IPAMAYSAYO TI ATENSIONYO KEN JESUS!—BENDISION TI PAGARIAN ITI MASANGUANAN, SA SUNGBATAN DAGITOY:

• Kasano a naisina dagiti tattao iti Dios, ken ania ti resultana?

• Ania ti agur-uray a masakbayan dagiti matalek ken Jehova?

• Kasano a posible daytoy a nagsayaat a masakbayan?

• Ania dagiti bendision a padpadaanam iti baro a lubong nga inkari ti Dios?