Tip iti Panagadal

Matultulongannaka kadi dagiti pannakailawlawag ti bersikulo ti Biblia a masarakan iti Giya iti Panagsukimat Para Kadagiti Saksi ni Jehova?

Makatulong kenka dagita a pannakailawlawag tapno maammuam ti ad-adu pay maipapan iti Sao ti Dios. Mabalin a karaman kadagiti detalye ti maipapan iti situasion idi napasamak ti nadakamat iti bersikulo, no apay a naisurat dayta, asino ti pagaplikaranna, wenno no ania ti kaipapanan dagiti espesipiko a sasao wenno grupo ti sasao.

Iti Watchtower ONLINE A LIBRARIA ken JW Library^®, dagiti reperensia iti Giya iti Panagsukimat ket direkta a ma-access-mo manipud iti maysa a bersikulo ti Biblia. Makitam dagita a reperensia iti study pane ti aniaman a bersion ti Biblia nga available sadiay.

Bayat nga us-usarem dagita a reperensia, siputam ti petsa. Iti ngato ti ayan dagiti kabaruan nga artikulo. Iti baba ti ayan dagiti daanen nga artikulo a mabalin a naglaon iti pannakaawat a nalawlawaganen.

• Dagiti reperensia iti Giya iti Panagsukimat para iti maysa a bersikulo ket automatikon nga available iti Watchtower ONLINE A LIBRARIA.

• Tapno makitam dagiti reperensia para iti maysa a bersikulo iti JW Library, i-install-mo ti Giya iti Panagsukimat ken i-download-mo dagiti update no available. Maaramidmo dayta no i-click-mo ti button iti ngato ti study pane iti aniaman a kapitulo iti Biblia.