No Kasanom a Malagip Dagiti Teksto

Marigatanka kadi a manglagip kadagiti paboritom a teksto? Baka masansan a malipatam dagiti teksto a mangliwliwa kenka, dagiti mangtultulong kenka a manglaban kadagiti negatibo a mapampanunotmo, wenno dagiti kayatmo nga iranud iti dadduma. (Sal. 119:​11, 111) Kitaem dagitoy a suhestion a makatulong kenka a manglagip kadagiti teksto.

• Usarem ti feature a tag iti JW Library^® app. Mangaramidka iti tag a “Dagiti Paboritok a Teksto,” ken i-save-mo dita dagiti teksto a kayatmo a malagip.

• Ikabilmo ti teksto iti lugar a kanayonmo a makita. Isuratmo iti papel ti teksto a kayatmo a malagip ken ipigketmo dayta iti lugar a kanayonmo a makita a kas iti sarming, wenno iti refrigerator. Piktiuran met ti dadduma ti teksto sa pagbalinenda nga screen saver ti kompiuter wenno ti selponda.

• Agusarkarka iti flash card. Iti sango ti flash card wenno bassit a papel, isuratmo ti teksto. Iti likudanna, isuratmo met ti linaon ti teksto. Kalpasanna, no kitaem ti teksto, padasem a lagipen ti linaonna. Ket no kitaem met ti linaonna, padasem a lagipen no ania a teksto dayta.