Panid ti Paulo/Dagiti Nangipablaak

2009 Tinawen a Libro Dagiti Saksi ni Jehova

Naglaon iti Report iti 2008 a Tawen Serbisio

Daytoy a libro ket kukua ni ․․․․․

“Naan-anay a Mangsaksiak iti Naimbag a Damag.”​—ARA. 20:24.

Nairingpas ni apostol Pablo ti tallo a panagdaliasatna kas misionero ket agpadpada a napasaranna dagiti pannubok ken bendision. Adda itan iti dalanna nga agturong idiay Jerusalem, ket dina namnamaen a nabara ti panangpasangbayda kenkuana sadiay, gapu ta agur-uray kenkuana “dagiti pannakaparaut ken rigrigat.” (Ara. 20:23) Kaskasdi, napan latta. Idiay Mileto, kastoy ti kinunana kadagiti panglakayen iti kongregasion ti Efeso: “Diak ilalaen ti kararuak a kas napateg kaniak, maturposko la ketdi ti tarayek ken ti ministerio nga inawatko ken Apo Jesus, tapno naan-anay a mangsaksiak iti naimbag a damag ti di kaikarian a kinamanangngaasi ti Dios.”​—Ara. 20:24.

Ipatpateg ni Pablo ti biagna, ngem ti panangaramid iti pagayatan ti Dios ti kapatgan kenkuana. Kasta met laeng dagiti Saksi ni Jehova iti intero a lubong. Nupay ‘puntiriada ti pananggura ti amin a nasnasion’ kas impakpakauna ni Jesus, dagiti adipen ti Dios indanonda ti naimbag a damag iti intero a lubong ken situtured a nangsaksida iti dandani amin a nasion. (Mat. 24:9) Sapay koma ta maparegtakayo iti teksto para iti tawen 2009 nga agtultuloy a mangsaksi nga awan sarday, tapno maipakitayo ti panangipategyo iti di kaikarian a kinamanangngaasi ti Dios.

[Picture Credit Line iti panid 2]

Gubuayan Dagiti Ladawan: Panid 168: Franc Drozg, surat; Photo Archive-Museum of National Liberation Maribor, Slovenia