Umad-adu ti Makarikrikna iti Kinaliday—Ania ti Mabalinmo nga Aramiden?

• “Dandani kagudua iti bilang dagiti adulto iti U.S. ti nangibaga a marikriknada ti kinaliday, ket kaaduan kadakuada ti agtawen iti 18 agingga iti 25.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “Impakaammo ti [World Health Organization] a nangbukelda iti maysa a grupo a tumulong a mangsolusion iti kumarkaro a kinaliday a mangap-apektar ita iti salun-at ti adu a tattao. Panggep met dayta a grupo a paregtaen dagiti tattao a mangpasayaat iti relasionda iti sabsabali ken mangbirok kadagiti nasaysayaat pay a pamay-an tapno masolusionan ti kinaliday iti intero a lubong, uray kadagiti marigrigat a pagilian.”—World Health Organization, Nobiembre 15, 2023.

Mangted ti Biblia kadagiti makatulong a pammagbaga tapno mapasayaattayo ti relasiontayo iti sabsabali ket saantayo a malidayan.

Dagiti makatulong a prinsipio ti Biblia

Kissayam dagiti aktibidad a mangisina kenka iti dadduma. Karaman kadagita ti sobra a panagusar iti social media. Mangbirokka ketdi kadagiti gundaway tapno makaduam dagiti tattao iti personal. Makatulong dayta tapno maaddaanka iti pudno a gagayyem.

• Prinsipio ti Biblia: “Ti pudno a gayyem agayat iti amin a tiempo ken maysa a kabsat a mapangnamnamaan no adda rigat.”—Proverbio 17:17.

Mangbirokka kadagiti oportunidad a tumulong. No agaramidtayo iti naimbag para iti sabsabali, saan laeng a sumayaat ti relasiontayo kadakuada, no di ket agbalintayo pay a naragragsak.

• Prinsipio ti Biblia: “Naragragsak ti mangted ngem ti umawat.”—Aramid 20:35.

Luktam ti website-mi tapno makabirokka kadagiti makatulong nga impormasion manipud iti Biblia no kasano ti maaddaan iti pudno a gagayyem.