Maysa a Bato a Nangsolbar iti Misterio
Iti British Museum idiay Londres, masansanen a makakitakayo kadagiti tattao iti Egyptian Gallery, mangrugi iti black basalt slab. Apay a dayta ti mangawis kadagiti adu? Bayat dagiti adun a siglo, dagiti eksperto masmasdaawda babaen kadagiti nakarikrikut a sursurat a ladawan (hieroglyphics) a nasarakanda kadagiti tanem iti Egipto ken kadagiti monumento. Dayta a pedaso wenno slab ti sekreto wenno tulbek iti panangawat kadagidiay a sursurat ken dagiti naikitikit iti dayta. Dayta ti naammuan a kas ti Rosetta Stone (manipud ken Rashid iti Egipto, a naipatarus a Rosetta).
Ti bato addaan ti isu met laeng a teksto iti tallo a nagduduma a sursurat. Maysa kadakuada ket Griego ket mabalin a maipatarus dayta. Ti sabali ket hieroglyphics iti kadaanan nga Egipto, ket ti maikatlo, ti narikrikut pay a porma dayta. Innalana ti 23 a tawtawen sakbay a mabasa ti Pranses a ni Jean François Champollion ti naisurat. Ket ania ti kunaen ti bato?
Napetsaan idi maika-siam a tawen ni Ptolemy V (agarup 196 K.K.P.), dayta ket sabali pay a surat a mangidaydayaw iti maysa nga agturay. Mairaman kadagiti dadduma pay a bambanag, dayta iwaragawagna ti kinadebosionado ni Ptolemy V kadagiti didios, nangidaydayaw kenkuana iti panangisublina “kadagiti templo ti Apis ken Mnevis Bulls, ken dagiti dadduma a sagrado nga an-animal,” ken nangdeskribir kenkuana kas ti “Ptolemy, ti agnanayon a sibibiag a dios.”—The Rosetta Stone, Trustees of the British Museum.
Ti panangtarus iti kadaanan a hieroglyphs, “ti surat iti sao ti dios,” ti nakatulong a mangibutaktak a naan-anay iti panagdayaw iti animal a nasaknap idiay Egipto. Kas kunaen ti katalogo iti British Museum: “Ngangngani amin nga eskultura ti napataud a maipaay kadagiti narelihiusuan a panggep, a mangitandudo iti panagdayaw kadagiti didios, a mangidayaw iti pannakabalin ti espesipiko nga ar-ari,” agraman dagiti pay maipaay iti panggep a panangipompon. Ket kaaduan kadagiti eskultura ken dagiti monumento iramanna dagiti hieroglyphs, isu a, pagyamanantay iti Rosetta Stone, ta mabalintayon a maawatan.
[Dagiti ladawan iti panid 31]
Ngato: Pangarigan iti surat a hieroglyphic
[Credit Line]
Pammalubos iti Superintendence of the Museo Egizio, Turin
Kannawan: Horus, ti dios ti lawag iti Egipto
[Credit Line]
Pammalubos iti British Museum
[Picture Credit Line iti panid 31]
Pammalubos iti Brilish Museum