“Intero nga Uniberso iti Uneg ti Bangabanga”

“Ti utek ti tao ket maysa nga uniberso iti uneg ti bangabanga. Dayta ti kakaisuna nga organo ti tao nga addaan iti ngangngani awan patpatinggana a kabaelan,” kuna ti sientista a Soviet ken espesialista iti utek a ni Natalya Bekhtereva.

Tapno masukimat dagitoy a kabaelan, masapul nga usaren ken maehersisio ti utek. Ket ti kapapatgan a panagadal a pangusaran ti tao iti panunotna isut’ maipapan iti Nangdisenio iti utek, ni Jehova a Dios.

Gapuna ti nasirib a mannurat iti proverbio kinunana: “No birukem [ti sirib] a kas pirak, ken tontonem a kas nalmeng a gamgameng, iti kasta maawatamto ti panagbuteng ken ni Jehova, ken masarakamto ti pannakaammo iti Dios.”​—Proverbio 2:1-5.

Us-usarenyo kadi ti utekyo a mangsapul iti napateg a “pannakaammo iti Dios”?