Kuellio a Sibibiag a Sorra?

Simmardengak a nagna iti kangrunaan a kalye dagiti paggatangan iti Cheltenham, Inglatera. Pudno kadi ti makitkitak? Ti kadi babai addaan iti kuellio a sorra? Wenno dayta ket pudno a sibibiag a sorra?

Ti di makapapati a riknak ket napaneknekan. Isut’ addaan sadiay, iti sanguanan ti paglakuan ti sabsabong, a nakakalkalma, a nakaukkor iti sibibiag a sorra! Gaput’ nakayawan iti panagusiuso, inimtuodko kenkuana no kasano ti panangpaamona iti dutdotan a parsua a nakaul-ulimek ken nakakalkalma iti nakapuspusek a kalsada nga addaan kadagiti tattao ken trapiko iti sadinoman. Inlawlawag ti babai a maysa nga aldaw ti asona natiliwna daytoy nga urbon a sorra. Innalana ket tinarakenna dayta, ket dayta nagbalin a taraken ti pamilia. Diak malapdan ti mangala iti ladawan.

Ngem pinagpanunotnak met dayta a kaaduan kadagiti tattao ti agtarigagay a maaddaan iti pannakitunos kadagiti an-animal. Ket sigun iti padto ti Biblia, umayto ti aldaw inton “ti lobo makipagnaedton iti kordero, ket ti leopardo makikaiddanton iti urbon a kalding; ket ti urbon ti baka ken ti urbon ti leon agkakaiddadanto, ket ti maysa nga ubing a bassit idalannanto ida.”​—Isaias 11:6, The New English Bible.​—Naipatulod.