“Inispal ti Agriingkayo! ti Biagko!”

Dagiti agipabpablaak iti Agriingkayo! nakaawatda ti manangapresiar a surat manipud Italia. Kastoy ti mabasa a paset ti suratna:

“Uppat a pulo a tawenen nga agbasbasaak iti Agriingkayo!, ket magustuak ti panangipablaakna iti adu a praktikal a topiko. Itay nabiit, addaak iti panggedak idi nariknak ti nakaro a panagut-ot ti tian ken barukongko. Agawidak koman, ngem idi nagkedar manen ti ut-ot, dagus a nailasinko ti mapaspasamak. Nakalawlawag a nalagipko ti maysa nga artikulo ti Agriingkayo! a nangdeskribir kadagiti sintoma ti atake ti puso.a Inkeddengko ti mapan iti ospital. Addaak pay laeng iti kuarto a pagurayan idi naglusdoyak ken naawananak iti puot. Naibaga daytoy kaniak iti intensive care iti kabigatanna.

“Sibibiagak ita gapu iti napartak a panagtignay dagiti nalalaing a doktor. Ngem padayawak met ti magasinyo, a nangipaay iti impormasion a nakatulong kaniak tapno makaaramidak iti nainsiriban a pangngeddeng a mapanak iti ospital. Inispal ti Agriingkayo! ti biagko!”

[Footnote]