Dagiti Retrato ti Sangalubongan a Hedkuarter ken Dagiti Kangrunaan nga Opisina Dagiti Saksi ni Jehova
SANGALUBONGAN A HEDKUARTER DAGITI SAKSI NI JEHOVA
[Ladawan iti panid 352, 353]
Ti sangalubongan nga aktibidad dagiti Saksi ni Jehova naiwanwan manipud Brooklyn, Nueva York, E.U.A., nanipud 1909. Dagitoy a patakder linaonda dagiti opisina ti hedkuarter nanipud 1980
[Ladawan iti panid 352]
Ti Watchtower Educational Center, sadi Patterson, Nueva York (mabangbangon idi 1992)
[Dagiti ladawan iti panid 353]
Dadduma kadagiti patakder a pagtaengan dagiti rinibo nga agserserbi idiay sangalubongan a hedkuarter
[Dagiti ladawan iti panid 354]
Dagiti dati a hotel ti Brooklyn a naretubar a pagyanan ti 1,476 a kanayonan pay a boluntario a trabahador
[Dagiti ladawan iti panid 354]
Pagtaengan ti pamilia ti Bethel sadi Wallkill, Nueva York
[Dagiti ladawan iti panid 354, 355]
Kadagitoy a pabrika (sadi Brooklyn, Nueva York), mapatpataud dagiti Biblia, libro, ken broshur iti 180 a pagsasao tapno maibunong iti sangalubongan
[Dagiti ladawan iti panid 356]
Minilion nga audiocassette dagiti material manipud Biblia ti mapatpataud ditoy a pabrika ti Brooklyn kada tawen. Manipud ditoy, maurnos met ti panagipaktora (shipping). Nasurok 15,000 a tonelada dagiti literatura ti Biblia ken dadduma pay a material kada tawen ti maipaktora iti isuamin a paset ti lubong
[Dagiti ladawan iti panid 356]
Iti daytoy a pabrika ti Watchtower Farms, asideg sadi Wallkill, Nueva York, ginasut a milion a kopia “Ti Pagwanawanan” ken “Agriingkayo!,” iti 14 a pagsasao, ti maiyim-imprenta kada tawen
Dagiti Saksi ni Jehova ken dagiti legal a korporasion nga us-usarenda addaanda kadagiti opisina ken pagimprentaan iti adu a paset ti lubong. Dagiti ladawan kadagiti sumaganad a panid ipakitada dagiti adu, nupay saan nga isuamin, kadagitoy a pasilidad. Kadagidiay baro a patakder a mabangbangon idi 1992, maipakita dagiti plano dagiti arkitekto. Dagiti estadistika ket agingga laeng iti 1992.
NORTE AMERICA KEN TI WEST INDIES ALASKA
ALASKA
[Dagiti ladawan iti panid 357]
Sibabara a maawat dagiti bisita iti opisina ti Sosiedad. Ditoy Alaska, ken sadinoman, mangaskasaba dagiti Saksi ni Jehova iti binalaybalay, nupay bumaba no dadduma ti temperatura inggat’ -50° C.
[Ladawan iti panid 357]
Eroplano a mangitulod kadagiti mangiwaragawag iti Pagarian kadagiti nasulinek a teritoria
BAHAMAS
[Ladawan iti panid 357]
Dagiti publikasion ti Watch Tower dimmanonda ditoy Bahamas idi 1901. Naangay ditoy ti damo a regular a panangasaba idi 1926. Nanipud idin nasurok 4,600,000 a literatura ti Biblia ti naibunongen kadagiti isla nga ita maimatmatonan manipud iti daytoy a sanga.
BARBADOS
[Dagiti ladawan iti panid 358]
Nasurok 140 a grupo ti relihion ditoy Barbados ti agkuna a Kristianoda. Nanipud 1905, tinulonganen dagiti Saksi ni Jehova dagiti umili ditoy tapno sukimatenda a mismo ti kunaen ti Biblia.
BELIZE
[Dagiti ladawan iti panid 358]
Agarup kagudua ti populasion ti Belize ti adda iti away. Tapno madanon dagiti dadduma a nasulinek a purok, dagiti Saksi ni Jehova tinawen a magmagnada a bumisita sadiay nga awitda dagiti sakupit ken dagiti bagda.
COSTA RICA
[Ladawan iti panid 358]
Ti Sosiedad damo a nangipasdek iti sanga nga opisina ditoy Costa Rica idi 1944. Nanipud 1950’s, rinibon dagiti taga Costa Rica a nakiraman iti pudno a panagdaydayaw.
DOMINICAN REPUBLIC
[Dagiti ladawan iti panid 359]
Naibunongen ditoy dagiti literatura ti Watch Tower idi pay la 1932. Ngem ti personal a pannakaisuro dagiti interesado nangrugi idi 1945, idi simmangpet dagiti misionero a makita iti kattigid. Kadagiti kallabes a tawen, idi a pinullo a ribo a tattao ti sigagagar a makiinnadal iti Biblia kadagiti Saksi, dagitoy a pasilidad ti sanga ket kasapulan.
EL SALVADOR
[Dagiti ladawan iti panid 359]
Adda nangaskasaba ditoy idi 1916. Nupay kasta, damo idi 1945 nga adda maysa a tao a taga El Salvador a sidadaan a paitaneb iti danum kas Kristiano (makita ditoy). Nanipud idin, rinibo pay ti nagbalin nga adipen ni Jehova.
GUADELOUPE
[Dagiti ladawan iti panid 359]
Ti promedio ti agibumbunannag kontra populasion iti teritoria a serserbian daytoy a sanga nga opisina ket maysa kadagiti kasayaatan iti lubong. Adu a tattao ti Guadeloupe ket siyayaman nga awatenda ti naimbag a damag.
CANADA
[Dagiti ladawan iti panid 360, 361]
Ti opisina ti Sosiedad iti Canada imatonanna ti pannakaikasaba ti naimbag a damag iti maikadua a kadaklan a pagilian ditoy lubong. Nasurok a 100,000 dagiti okupado a mangiwarwaragawag iti Pagarian ditoy a daga.
Patakder ti administrasion (naiparabaw iti pingir ti retrato ti agdama a complex ti sanga iti likudan)
[Ladawan iti panid 360]
Northwest Territories
[Ladawan iti panid 360]
Kampo dagiti agturtroso sadi British Columbia
[Ladawan iti panid 360]
Dagiti rantso ti baka sadi Alberta
[Ladawan iti panid 361]
Pranses a Quebec
[Ladawan iti panid 361]
Dagiti Probinsia Maritima
GUATEMALA
[Dagiti ladawan iti panid 360]
Nupay Español ti opisial a pagsasao ti Guatemala, adda nagduduma a komplikado a pagsasao dagiti Indian a maus-usar ditoy. Ikagkagumaan ti opisina ti Sosiedad nga isuda amin magundawayanda a mangngegan ti Pagarian ti Dios.
HAITI
[Dagiti ladawan iti panid 361]
Ti panagserbi ken Jehova mangted rag-o kadagiti Saksi ni Jehova ti Haiti, nupay masansan a narikut dagiti kasasaad a nanglikmut kadakuada.
HONDURAS
[Dagiti ladawan iti panid 362]
Nanipud 1916, nasurok a 23,000,000 nga oras ti nabusbosen a panangisuro iti Biblia kadagiti agtataeng ditoy a daga. No dadduma, kasapulan pay nga isuro dagiti Saksi ni Jehova no kasanoda nga agbasa ken agsurat (kas makitayo ditoy) tapno mabaelanda nga adalen a mismo ti Sao ti Dios.
JAMAICA
[Dagiti ladawan iti panid 362]
Ginasut ditoy Jamaica ti nagbalin a debotado nga adipen ni Jehova idi tiempo a maur-urnong dagiti agngayangay nga agtawid iti nailangitan a Pagarian. Nanipud 1935, rinibo pay dagiti nakitimpuyog iti pannakaikasaba ti mensahe ti Pagarian. Mabangbangon daytoy a sanga nga opisina tapno tumulong a mangasikaso kadagiti espiritual a kasapulanda.
LEEWARD ISLANDS (ANTIGUA)
[Ladawan iti panid 362]
Idi pay la 1914, naikasaban ti naimbag a damag kadagitoy nga isla a tamtamingen itan daytoy nga opisina. Naulit-uliten nanipud idi, a naawis dagiti umili itoy a paset ti daga tapno “mangala[da] iti danum ti biag nga awan bayadna.”—Apoc. 22:17.
MEXICO
[Ladawan iti panid 363]
Ibangbangon dagiti Saksi ni Jehova ti baro a sentro ti panangisuro iti Biblia ditoy Mexico
[Ladawan iti panid 363]
Dagiti pasilidad ti opisina a maus-usar idi 1992
[Dagiti ladawan iti panid 363]
Dagiti literatura ti Biblia a maipabpablaak ditoy abastuanna ti nasurok 410,000 a nareregta a Saksi ti Mexico ken dagiti kabangibang a daga nga Español ti pagsasaoda
[Ladawan iti panid 363]
Nanipud 1986 inggat’ 1992, nasurok 10 porsiento kadagiti iyad-adalan dagiti Saksi iti Biblia iti intero a lubong ket adda ditoy Mexico, adu kadagitoy ket grupo dagiti pamilia
[Graph iti panid 363]
(Para iti aktual a pannakaurnosna, kitaem ti publikasion)
Panangyadal Biblia idiay Mexico
500,000
250,000
1950 1960 1970 1980 1992
MARTINIQUE
[Dagiti ladawan iti panid 364]
Naimulan dagiti bin-i ti kinapudno ditoy idi pay la 1946. Ngem idi immay da Xavier ken Sara Noll (a makita ditoy) manipud Francia idi 1954, nakapagtalinaedda ket nataripatoda dagiti interesado. Idi 1992, nasurok 3,200 dagiti makiramraman a mangiwaragawag iti mensahe ti Pagarian.
[Dagiti ladawan iti panid 364]
NETHERLANDS ANTILLES (CURAÇAO)
[Dagiti ladawan iti panid 364]
Duapulo ket tallo a misionero ti nagserbin iti teritoria daytoy a sanga nga opisina. Dua iti daydi orihinal a grupo (a makita ditoy) a simmangpet idi 1946 agtartrabahoda pay la ditoy idi 1992.
NICARAGUA
[Ladawan iti panid 364]
Nangrugi idi 1945, idi simmangpet dagiti misionero, dagiti Saksi ni Jehova idiay Nicaragua nangrugida nga immadu. Idi 1992 adda bilangdan a nasurok a 9,700. Dagiti umili nga agtarigagay a paisuro kadagiti Saksi maipapan iti Biblia ad-aduda ngem dagiti lokal a Saksi.
PANAMA
[Dagiti ladawan iti panid 365]
Nanipud nagngudo ti maika-19 a siglo, dagiti taga Panama immawatdan ti tulong tapno maadalda dagiti ipaannurot ti Dios para iti agnanayon a biag.
PUERTO RICO
[Ladawan iti panid 365]
Nanipud 1930, nasurok a 83,000,000 a literatura ti Biblia ti naibunong ditoy Puerto Rico, ket 25,000,000 nga isasarungkar ti naaramid a mangipaay ti kanayonan a tulong kadagiti interesado. Ti trabaho a panagipatarus a maar-aramid ditoy tumulong a mangaramid kadagiti literatura ti Biblia para iti agarup 350,000,000 nga Español ti pagsasaoda iti intero a lubong.
TRINIDAD
[Dagiti ladawan iti panid 365]
Sigaganetgeten a naiwaragawag ti naimbag a damag iti Trinidad idi pay la 1912. Adu a Saksi, agraman dagitoy tallo a nasanay iti Eskuelaan ti Gilead, binusbosda ti amin a tiempoda iti daytoy a trabaho.
SUD AMERICA ARGENTINA
ARGENTINA
[Dagiti ladawan iti panid 366]
Adda manangiwaragawag iti Pagarian a damo a naibaon ditoy a pagilian idi 1924. Adut’ naitulong dagiti nasanay idiay Gilead a misionero idi agangay, agraman ni Charles Eisenhower (makita ditoy), a simmangpet a kaduana ni baketna idi 1948. Idi 1992, ti sapasap a pannakaimaton, agraman dagiti literatura ti Biblia, aggapu kadagitoy a pasilidad para kadagiti nasurok a 96,000 a Saksi ni Jehova ti Argentina. Aggapu met ditoy dagiti literatura a mangabasto iti nasurok nga 44,000 a Saksi idiay Chile.
BOLIVIA
[Dagiti ladawan iti panid 367]
Dagiti taga Bolivia nangngegandan ti mensahe ti Pagarian nanipud 1924. Rinibo dagiti siyayaman nga umaw-awat kadagiti literatura ti Biblia ket mabenbenepisiaranda kadagiti regular a panagadal iti Biblia.
CHILE
[Dagiti ladawan iti panid 367]
Idi 1919, dimmanunen ditoy Chile dagiti literatura ti Watch Tower. Ti panangasaba nga imatmatonan daytoy nga opisina saklawenna itan dagiti naangin a rantso ti karnero idiay abagatan inggat’ kasusulinekan a pagminasan idiay amianan, manipud Bambantay ti Andes inggat’ taaw.
ECUADOR
[Dagiti ladawan iti panid 367]
Maysa a kangrunaan a nakatulong iti pannakaikasaba ti naimbag a damag ditoy Ecuador isut’ impaay ti nasurok a 870 a Saksi (kas iti dua a makita ditoy) a pinanawanda ti dagada tapno agserbida iti dakdakkel a pakasapulan. Tultulongan daytoy a sanga ti nasurok a 22,000 a naregta a managdaydayaw ni Jehova.
BRAZIL
[Dagiti ladawan iti panid 368, 369]
Idi 1992, a ti sanga nga opisina ti Sosiedad, pagimprentaan, ken Bethel Home ket palpalawaenda iti kastoy a kadakkel, agdagup dagiti Saksi ni Jehova ditoy Brazil iti nasurok a 335,000 ket nasurok a 27,000 nga adalan ti babautisaranda kada tawen. Ti pagimprentaan ditoy patpataudenna met ti literatura a maibunong idiay Bolivia, Paraguay, ken Uruguay.
[Dagiti ladawan iti panid 369]
Dua a dadakkel nga estadium ti nausar iti internasional a kumbension dagiti Saksi ni Jehova sadi Saõ Paulo idi 1990; nasurok a 100 a kanayonan pay a kumbension ti naiyeskediol
[Graph iti panid 369]
(Para iti aktual a pannakaurnosna, kitaem ti publikasion)
Manangiwaragawag ti Pagarian iti Brazil
300,000
200,000
100,000
1950 1960 1970 1980 1992
GUYANA
[Dagiti ladawan iti panid 368]
Ti Sosiedad naaddaan ti sanga nga opisina ditoy Guyana nanipud 1914. Dagiti Saksi nagtengdan dagiti kasulinekan a paset ket inkagumaanda nga ipangngeg ti naimbag a damag kadagiti isuamin. Nupay kurang a maysa a milion ti populasionna, nasurok a 10,000,000 nga oras ti binusbos dagiti Saksi iti panangasaba ken panangisuro iti daytoy a daga.
PARAGUAY
[Dagiti ladawan iti panid 369]
Madaman a maikaskasaba ti naimbag a damag ditoy Paraguay idi ngalay ti 1920’s. Nanipud 1946, 112 a misionero a nasanay sadi Gilead ti timmulong a nangpaneknek. Tapno madanonda dagiti grupo a ti pagsasaoda saan nga Español ken Guarani, dadduma a Saksi dagiti immay nagboluntario manipud nadumaduma a daga.
Manipud Alemania
Manipud Korea
Manipud Japan
[Mapa/Dagiti ladawan iti panid 370, 371]
COLOMBIA
Idi pay la 1915, adda publikasion ti Watch Tower a naikoreo iti interesado a taga Colombia. Idi 1992, dagiti literatura ti Biblia a naiyimprenta kadagitoy a pasilidad naipaktorada a mangtaming iti kasapulan ti nasurok 184,000 nga ebanghelisador ti Colombia, Ecuador, Panama, Peru, ken Venezuela.
[Mapa]
(Para iti aktual a pannakaurnosna, kitaem ti publikasion)
COLOMBIA
PERU
ECUADOR
PANAMA
VENEZUELA
PERU
[Ladawan iti panid 370]
Idi pay la 1924, naibunongen dagiti literatura ti Biblia ditoy Peru babaen iti bimmisita nga Estudiante ti Biblia. Nabuangay ditoy daydi immuna a kongregasion 21 a tawen kalpasanna. Ita, addan nasurok 43,000 nga aktibo a mangiwarwaragawag iti Pagarian ti Dios ditoy Peru.
[Ladawan iti panid 370]
Dagiti payunir a mangaskasaba idiay nagngato nga Andes
SURINAME
[Dagiti ladawan iti panid 371]
Idi agarup 1903 nabuangay ditoy ti damo a grupo ti panagadal. Itatta dagitoy a pasilidad ti sanga ket kasapulan tapno maimatonan dagiti kongregasion iti intero a pagilian—kadagiti nasulinek a lugar, dagiti distrito, ken ti siudad.
URUGUAY
[Dagiti ladawan iti panid 372]
Nanipud 1945, nasurok a 80 a misionero ti timmulong a nangiwaragawag iti Pagarian ditoy Uruguay. Dagiti makitayo ditoy nagserserbidan iti Uruguay nanipud 1950’s. Idi 1992, nasurok a 8,600 a lokal a Saksi dagiti nakipagserserbin kadakuada.
VENEZUELA
[Ladawan iti panid 372]
Adda dagiti literatura ti Watch Tower a naibunong ditoy Venezuela idi ngalay ti 1920’s. Maysa a dekada kalpasanna adda aginá a payunir manipud Estados Unidos a nangirugi ti naregta a periodo ti panangasaba ditoy, a winanasda a naulit-ulit ti kabisera, agraman panagpasiarda kadagiti ili iti intero a pagilian. Itan adda nasurok nga 60,000 nga aktibo a Saksi ditoy Venezuela.
[Ladawan iti panid 372]
Ti plaza de toro sadi Valencia a 74,600 ti umariwekwek para iti espesial nga asamblea idi 1988
EUROPA KEN TI MEDITERANEO
AUSTRIA
[Dagiti ladawan iti panid 373]
Idi pay la 1890’s, dadduma nga umili ditoy Austria adda gundawaydan a mabenepisiaran iti naimbag a damag. Nanipud 1920’s, adda ti kalalainganna ngem progresibo nga irarang-ay ti bilang dagiti agdaydayaw ken Jehova ditoy a daga.
[Ladawan iti panid 373]
Nasurok a 270 a kongregasion ti agtataripnong kadagiti Kingdom Hall iti intero nga Austria
BELGIUM
[Dagiti ladawan iti panid 373]
Ti Belgium nagbalin a pagdadagupan ti tattao ditoy lubong. Tapno maasikaso ti nagduduma a populasion ditoy, daytoy a sanga ibumbunongna dagiti literatura ti Biblia iti nasurok a 100 a pagsasao.
BRITANIA
[Dagiti ladawan iti panid 374]
Ti aktibidad ti nasurok a 125,000 a Saksi ni Jehova ti Britania ket imatmatonan daytoy a sanga nga opisina. Dagiti Saksi a taga Britania napanda met timmulong a nangisaknap iti mensahe ti Pagarian kadagiti dadduma a pagilian ti Europa agraman Africa, Sud America, Australia, ti Oriente, ken dagiti isla ti baybay.
IBSA House
Watch Tower House
[Dagiti ladawan iti panid 374]
Maiyimprenta ditoy dagiti literatura ti Biblia nga Ingles, Maltese, Gujarati, ken Swahili
[Ladawan iti panid 374]
Ti Departamento ti Serbisio aywananna ti nasurok 1,300 a kongregasion ti Britania
[Dagiti ladawan iti panid 374]
Dagiti abasto a literatura maipatulod kadagiti amin a paset ti Inglaterra, Scotland, Wales, Ireland, ken Malta, agraman kadagiti lugar idiay Africa ken ti Caribbean
FRANCIA
[Dagiti ladawan iti panid 375]
Ti pannakaipatarus ken ti photocomposition dagiti amin a publikasion ti Watch Tower a maiyimprenta iti intero a lubong para kadagiti Pranses ti pagsasaoda isut’ maar-aramid iti sanga ditoy Francia. (Nasurok a 120,000,000 dagiti Pranses ti pagsasaoda.) Dagiti literatura regular a maiyim-imprenta ditoy iti nagduduma a pagsasao sa maipaktora iti dagdaga idiay Europa, Africa, ti Makintengnga a Daya, ti Taaw Indiano, ken ti Taaw Pacifico.
Pagimprentaan/opisina sadi Louviers
Panagipatarus
Photocomposition
[Ladawan iti panid 375]
Opisina/pagtaengan sadi Boulogne-Billancourt
[Ladawan iti panid 375]
Pagtaengan sadi Incarville para iti pamilia ti Bethel
ALEMANIA
[Dagiti ladawan iti panid 376, 377]
Nupay nakadangdangkok ti pamuspusanda a mangikisap kadakuada ditoy Alemania idi tiempo dagiti Nazi, saan a tinallikudan dagiti Saksi ni Jehova ti pammatida. Nanipud 1946, binusbosda ti nasurok nga 646,000,000 nga oras a nangisaknap iti kinapudno ti Biblia iti intero a pagilian.
Dagiti napalawa a pasilidad sadi Selters/Taunus
[Ladawan iti panid 376]
Malaksid iti panangipatarus kadagiti literatura ti Biblia iti Aleman, daytoy a sanga sadi Selters/Taunus agimprenta pay iti nasurok nga 40 a pagsasao
[Ladawan iti panid 377]
Dagiti adu a literatura a mapatpataud ditoy ket regular a maipaktorada iti nasurok a 20 a daga; dagiti magasin maiyimprentada iti adu a pagsasao sada ipatulod iti nasurok a 30 a pagilian
[Ladawan iti panid 377]
Dagiti mismo a trak ti Sosiedad ti mausar a mangipaktora kadagiti literatura iti intero nga Alemania
CYPRUS
[Ladawan iti panid 376]
Di nagbayag kalpasan ti ipapatay ni Jesu-Kristo, ti naimbag a damag naikasaba kadagiti taga Cyprus. (Ara. 4:32-37; 11:19; 13:1-12) Kadagitoy moderno a panawen, napabaro dayta a panangasaba, ket maipapaay ti naan-anay a pammaneknek iti sidong ti panangiwanwan daytoy a sanga nga opisina.
DENMARK
[Dagiti ladawan iti panid 377]
Nanipud 1890’s, naangay ti naganetget a panangaskasaba ditoy Denmark. Maiyim-imprenta dagiti literatura ti Biblia ditoy saan la nga iti Danes no di pay iti Faeroese, Greenlandic, ken Icelandic.
Buya ti sanga manipud ngato (naisingit ti buya ti pagserkan)
ITALIA
[Dagiti ladawan iti panid 378, 379]
Dagiti Italiano a literatura ti Biblia agpada a maipatarus ken maiyimprenta ditoy. Daytoy a sanga iyimprenta ken daitenna dagiti libro a nairanta a mausar idiay Italia ken dagiti dadduma a kabangibang a pagilian.
Nadumaduma a buya dagiti pasilidad ti sanga nga asideg sadi Roma
[Ladawan iti panid 379]
Dagiti pinullo a ribo, idi nakitada ti talaga nga ibagbaga ti Biblia, nangrugidan a nakitimpuyog kadagiti Saksi ni Jehova
[Ladawan iti panid 379]
Nupay sarangtenda ti di agressat nga ibubusor ti Iglesia Katolika Romana, dagiti Saksi ni Jehova ditoy Italia binusbosdan ti nasurok a 550,000,000 nga oras nanipud 1946 iti personal nga ibibisitada kadagiti kaarruba a mangsalaysay iti Biblia kadakuada. Kas resultana, 194,000 nga umili ti Italia ti aktibo itan nga agdaydayaw ken Jehova
FINLAND
[Ladawan iti panid 378]
Ti kinapudno ti Biblia dimmanon ditoy Finland manipud Sweden idi 1906. Nanipud idin, naidanon daytan iti tunggal suli ti pagilian, uray idiay labes ti Arctic Circle. Pinullo ti naggapu ditoy a nagraduar iti Eskuelaan ti Gilead a nasanay nga agserbi idiay pakasapulan kadakuada iti sangalubongan a tay-ak. Dagiti dadduma nagboluntarioda met a bukod tapno agserbida kadagiti daga a dakdakkel ti pakasapulan.
ICELAND
[Ladawan iti panid 379]
Ditoy Iceland, nga addaan agarup 260,000 a tattao, nasurok a 1,620,000 dagiti literatura ti Biblia a naibunong a tumulong kadagiti umili nga agpili iti biag. Nasurok itan a 260 a tattao ti agserserbi ditoy ken Jehova, ti pudno a Dios.
[Ladawan iti panid 379]
Ni Georg Lindal, a nagpayunir ditoy nanipud 1929 inggat’ 1953; bayat dagidi a tiempo ket kaaduanna, maymaysana laeng a Saksi ditoy a pagilian
GRECIA
[Ladawan iti panid 380]
Ni apostol Pablo ket maysa kadagiti damo a nangiwaragawag iti naimbag a damag idiay Grecia. (Ara. 16:9-14; 17:15; 18:1; 20:2) Nupay sikakas-ang nga indadanes ti Greek Orthodox Church dagiti Saksi ni Jehova iti adu a tawen, adda itan ti nasurok a 24,000 a matalek nga adipen ni Jehova ditoy a daga. Ti sanga a makita ditoy ket agarup 60 a kilometro iti amianan ti Atenas.
[Ladawan iti panid 380]
Panangasaba sadi Atenas
[Ladawan iti panid 380]
Retrato a naala idi 1990 idi madama ti demostrasion nga insungsong dagiti klero a maibusor kadagiti Saksi
IRELAND
[Dagiti ladawan iti panid 380]
Ti panangipangagda iti mensahe ti Biblia nabannayat iti adu a tawtawen ditoy Ireland. Adut’ nasabetda nga ibubusor dagiti klero. Ngem kalpasan ti 100 a tawen a naynay a panangasaba, addan ti nawadwad a naespirituan nga ani.
Sanga nga opisina sadi Dublin
[Ladawan iti panid 380]
Dua a nabayagen a payunir iti serbisio idiay tay-ak
POLAND
[Ladawan iti panid 381]
Dagitoy a pasilidad maus-usarda a mangtulong iti nasurok a 100,000 a Saksi ditoy Poland. Nanipud 1939 inggat’ 1945, napawilan ti panagdaydayawda, ngem immaduda manipud 1,039 idi 1939 inggat’ 6,994 idi 1946. Idi napawilanda manen idi 1950, nagdagupda ti 18,116; ngem di nagbayag kalpasan a naikkat ti pannakaipawilda idi 1989, impakita ti report a nasurokda a 91,000.
[Dagiti ladawan iti panid 381]
Iti adu a tawtawen inangayda dagiti babassit nga asamblea idiay kabakiran; itan dagiti kumbensionda punuenda dagiti kadadaklan nga estadium ti pagilian—ken nasursurok ngem maysa nga estadium ti aggiddan
Poznan (1985)
LUXEMBOURG
[Ladawan iti panid 382]
Ti Luxembourg ket maysa kadagiti kabassitan a nasion ti Europa. Ngem agarup 70 a tawenen, ti mensahe ti Pagarian naikaskasaba met ditoy. Nangruna sakbay ti Gubat Sangalubongan II, timmulong dagiti Saksi a naggaput’ Alemania, Francia, ken Switzerland.
NETHERLANDS
[Dagiti ladawan iti panid 382]
Manipud ditoy a sanga ti Emmen, maimatmatonan ti aktibidad ti nasurok a 32,000 a naregta a Saksi ti Netherlands. Ti pannakaipatarus amin a publikasion nga Olandes isut’ maar-aramid kadagitoy a pasilidad. Makopia met ditoy dagiti adu a videocassette a naibasar iti Biblia kadagiti pagsasao ti Europa.
NORWAY
[Dagiti ladawan iti panid 383]
Sangagasut a tawenen ti napalabas, adda Norwego a naggian idiay America a nakaadal iti kinapudno ti Biblia sadiay ket isut’ nangisangpet iti naimbag a damag iti ili a nakaiyanakanna. Nanipud idin, dagiti Saksi ni Jehova naulit-uliten a binisitada amin a paset ti Norway tapno ipakaammoda kadagiti tattao ti Pagarian ti Dios.
PORTUGAL
[Dagiti ladawan iti panid 383]
Iti adu a dekada kalpasan a ti gobierno ket nakipinnirma iti concordat iti Vatican, dagiti polis inarestoda dagiti Saksi sada pinapanaw dagiti misionero. Ngem dagiti nabati a Saksi intultuloyda ti naggigimong iti panagdaydayaw, ti nangasaba kadagiti sabali, ken ti panagaduda. Idi agangay, idi 1974 legalen ti pannakabigbig kadakuada.
Daytoy nga opisina imatonanna ti aktibidad ti nasurok nga 40,000 a Saksi ditoy Portugal. Timmulong met unay kadagiti daga ti Africa nga addaan napigsa a singgalut iti Portugal
[Ladawan iti panid 383]
Internasional a kumbension sadi Lisbon idi 1978
SWEDEN
[Ladawan iti panid 383]
Iti nasurok a 100 a tawenen, nangaskasaba dagiti Saksi ni Jehova ditoy Sweden. Iti naglabas a sangapulo a tawen, nabusbosda ti nasurok a 38,000,000 nga oras iti daytoy a trabaho. Adu itan a kongregasion ditoy Sweden ti makapagsao ti maysa kadagiti sangadosena a pagsasao malaksid iti Sueko.
[Ladawan iti panid 383]
Tapno matulongan dagiti amin a klase a tattao ditoy Sweden, nakasagana dagiti publikasion ditoy iti 70 a pagsasao
ESPAÑA
[Ladawan iti panid 384]
Daytoy a sanga asikasuenna ti nasurok a 92,000 a Saksi ditoy España. Iyimprentana “Ti Pagwanawanan” ken “Agriingkayo!” nga agpada para España ken Portugal. Nupay di agressat ti pamuspusan dagiti klero a Katoliko a nangusar iti Estado tapno pasardengenda dagiti Saksi ni Jehova, dagiti Saksi inranudda dagiti kinapudno ti Biblia kadagiti umili nga Español nanipud 1916. Kamaudiananna, idi 1970, idi a dagiti Saksi ni Jehova idiay España nasurokdan a 11,000, legalen a binigbigda ida. Nanipud idin, naminwalo a daras ti immaduan ti bilangdan.
[Ladawan iti panid 384]
Nasurok 1,100 a kongregasion itan ti siwayawaya nga aggigimong kadagiti Kingdom Hall iti intero a pagilian
SWITZERLAND
[Ladawan iti panid 384]
Nanipud pay 1903 addan opisina ti Watch Tower Society ditoy Switzerland. Maysa kadagiti kauunaan a pagimprentaan ti Sosiedad iti Europa nasarakan ditoy a pagilian. Iti adu a tawen ti sanga ditoy Thun inyimprentana dagiti magasin a mausar kadagiti pinulpullo a sabali a daga.
AFRICA
BENIN
[Ladawan iti panid 385]
Ti Benin buklen ti agarup 60 nga etniko a grupo a 50 ti dialektoda. Idi a rinibo kadagitoy a tattao ti limmapsut kadagiti dati a relihionda, nakapungtot nga agpada dagiti padi ti an-anito ken dagiti klero ti Kakristianuan. Ngem ti naulit-ulit a dalluyon ti panangidadanes dina pinasardeng ti irarang-ay ti pudno a panagdaydayaw ditoy a daga.
[Ladawan iti panid 385]
Kumbension a naangay idi 1990
CENTRAL AFRICAN REPUBLIC
[Ladawan iti panid 385]
Idi pay la 1947, ti mensahe ti Pagarian nangrugin a dimmanon kadagiti tattao ditoy. Adda tao a nakatabuno kadagiti gimong dagiti Saksi a nangiranud kadagiti dadduma iti naadalna. Di nagbayag, addan grupo nga agad-adal, ket dagidi timmabuno sidadaras nga inrugidat’ nangasaba, ket dagidi agdaydayaw ken Jehova immaduda.
CÔTE D’IVOIRE
[Dagiti ladawan iti panid 386]
Dagiti misionero a nasanay sadi Gilead timmulongda a nangiyam-ammo iti pudno a panagdaydayaw iti daytoy daga ti Makinlaud nga Africa idi 1949. Nasurok a sangagasut a kakasta a misionero ti nagserbin ditoy. Kada tawen, nasurok a maysa a milion nga oras ti mabusbusbos a mangbiruk kadagiti tattao nga agbisbisin iti kinapudno iti lugar nga ay-aywanan daytoy a sanga nga opisina.
GHANA
[Ladawan iti panid 386, 387]
Ti pannakaikasaba ti naimbag a damag ditoy Ghana nangrugi idi 1924. Itan daytoy nga opisina sadi Accra imatonanna ti nasurok nga 640 a kongregasion ti Ghana. Tinamingna pay ti pannakaipatarus dagiti literatura ti Biblia iti Ewe, Ga, ken Twi ken pannakaiyimprenta dagita kadagitoy a pagsasao.
[Ladawan iti panid 387]
Panaggigimong idiay Kingdom Hall a kasilpo ti sanga nga opisina
KENYA
[Mapa/Ladawan iti panid 387]
Idi 1931, dua a Saksi ni Jehova ti naggaput’ Sud Africa tapno mangasabada ditoy Kenya. Nanipud 1963 ti opisina ti Sosiedad ditoy Kenya, iti nagduduma a tiempo, immatonanna ti panagebanghelio kadagiti adu a sabsabali a pagilian iti Makindaya nga Africa (kas makita iti baba). Dagiti internasional kumbension a naangay ditoy Kenya idi 1973, 1978, ken 1985 timmulongda a nangted pammaneknek.
[Mapa]
(Para iti aktual a pannakaurnosna, kitaem ti publikasion)
KENYA
UGANDA
SUDAN
ETHIOPIA
DJIBOUTI
SOMALIA
YEMEN
SEYCHELLES
TANZANIA
BURUNDI
RWANDA
[Dagiti ladawan iti panid 387]
Kumbension sadi Nairobi (1978)
NIGERIA
[Dagiti ladawan iti panid 388, 389]
Ti naimbag a damag naikasaban ditoy a pagilian idi pay la rugrugi ti 1920’s. Naibaon payen dagiti ebanghelisador manipud Nigeria kadagiti dadduma a paset ti Makinlaud nga Africa ket dagiti literatura ti Biblia a naiyimprenta ditoy itultuloyna a punnuan ti kasapulan dagiti kaparanget a daga. Ditoy Nigeria a mismo, dagiti Saksi ni Jehova impaimadan kadagiti umili ti nasurok a 28,000,000 a literatura a tumulong kadakuada a mangtarus iti Sao ti Dios.
[Dagiti ladawan iti panid 388]
Manipud iti Departamento ti Serbisio, maimatmatonan ti nasurok a 160,000 a manangiwaragawag ti Pagarian ditoy Nigeria
[Dagiti ladawan iti panid 389]
Ti kumbension idiay Calabar, Nigeria (1990)
LIBERIA
[Ladawan iti panid 388]
Dagidiay nagbalin a Saksi ni Jehova ditoy sinarangetda ti nadumaduma a suot ti pammatida—idi limmapsutda manipud lokal nga an-anito, idi nagpanawanda ti poligamia, idi indadanes ida dagiti opisial gapu ta pinadpadakesda ida, ken idi linikmut ida dagiti napolitikaan ken etniko a grupo a naggugubat. Kaskasdi, ti pudpudno a panagdaydayaw agtultuloy a mamagkaykaysa kadagiti nadumaduma a kita dagiti tattao ditoy a daga.
MAURITIUS
[Dagiti ladawan iti panid 389]
Idi pay la 1933, dagiti naregta a Saksi a naggaput’ Sud Africa binisitada daytoy nga isla iti Taaw Indiano. Adda itan nasurok a sangaribo a Saksi ditoy Mauritius a mangidagdagadag kadagiti kaarrubada a birukenda ni Jehova tapno matmatanna ida a sipaparabur inton dadaelenna ti agdama a nadangkes a sistema.—Sof. 2:3.
SUD AFRICA
[Ladawan iti panid 390]
Nasuroken a 80 a tawen, a ti Watch Tower Society addaan iti sanga nga opisina ditoy Sud Africa. Dagiti naregta nga ebanghelisador manipud ditoy adut’ naitulongda a nangisaknap iti mensahe ti Pagarian kadagiti dadduma a pagilian ti umabagatan ken dumaya nga Africa. Iti teritoria a dati a sakup daytoy a sanga (nga adda 14,674 a manangiwaragawag iti Pagarian idi 1945), addan nasurok a 300,000 nga aktibo a Saksi ni Jehova.
[Dagiti ladawan iti panid 391]
Nasurok a 110 nga agipatpatarus ti agtartrabaho iti sidong ti panangiwanwan daytoy a sanga tapno isaganada dagiti literatura ti Biblia iti 16 nga Africano a pagsasao
[Ladawan iti panid 391]
Maiyim-imprenta ditoy ti nasurok nga 40 a pagsasao
SENEGAL
[Dagiti ladawan iti panid 390]
Nupay bassit ti bilang dagiti Saksi ditoy, inkagumaan ti sanga nga opisina a siertuen a kada siudad, kada etniko a grupo, ken dagiti miembro ti kada relihion, saan la a ditoy Senegal no di pay ket kadagiti kabangibang a pagilian, magundawayanda koma a denggen ti makaparagsak-puso a mensahe ti Biblia.
SIERRA LEONE
[Ladawan iti panid 391]
Nangrugi a naikasaba ti naimbag a damag ditoy Sierra Leone idi 1915. Nabannayat idi ti irarang-ay. Ngem idi napaksiat dagidiay madi a mangsalimetmet kadagiti nangato a pagalagadan ni Jehova sa immikay dagidi agserserbi a di umisot’ motiboda, dagidiay nasungdo ken Jehova rimmang-ayda iti naespirituan.
ZAMBIA
[Ladawan iti panid 392]
Daytoy a sanga nga opisina imatonanna ti aktibidad ti nasurok a 110,000 a Saksi iti abagatan a sentral Africa. Ti immuna nga opisina ti Sosiedad ditoy ket naipasdek idi 1936. Nanipud idin, dagiti Saksi ni Jehova ditoy Zambia nakaaramiddan ti nasurok a 186,000,000 a panagsarungkar tapno makatulongda kadagidiay interesado. Insuroda pay dagiti adu nga agbasa tapno maadalda a personal ti Biblia ket mairanudda dayta kadagiti sabali.
[Ladawan iti panid 392]
Ti serye dagiti kumbension ditoy Zambia idi 1992 isut’ tinabunuan ti 289,643
ZIMBABWE
[Dagiti ladawan iti panid 392]
Dagiti Saksi ni Jehova aktibodan ditoy Zimbabwe nanipud idi 1920’s. Kadagidi simmuno a tawen, sinarangetda ti pannakaipawil dagiti literaturada, pannakaiparit dagiti panagasamblea, ken ti pannakaiparit dagiti misionero a mangasaba kadagiti umili nga Africano. Nagin-inut a naparmek dagiti tuben, ket itan daytoy nga opisina asikasuenna ti nasurok a 20,000 a Saksi.
TI ORIENTE
HONG KONG
[Dagiti ladawan iti panid 393]
Dagiti publikasion ti Watch Tower maipatarusda ditoy iti Insik, nga, iti adu a dialektona, us-usaren ti nasurok a maysa a bilion a tattao. Ditoy mismo a Hong Kong, nangrugi a naikasaba ti naimbag a damag idi nagdiskurso ni C. T. Russell idiay city hall idi 1912.
INDIA
[Ladawan iti panid 393]
Daytoy a sanga imatonanna ti pannakaiwaragawag ti mensahe ti Pagarian iti nasurok nga apag-kanem ti populasion toy daga. Iti agdama, daytoy nga opisina iwanwanna ti panagipatarus iti 18 a pagsasao ken panagimprenta iti 19. Maysa kadagitoy isut’ Hindi (nga us-usaren ti 367 milion a tattao) agraman Assamese, Bengali, Gujarati, Kannada, Malayalam, Marathi, Nepali, Oriya, Punjabi, Tamil, Telugu, ken Urdu (a kada pagsasao us-usaren ti pinullo a milion).
[Dagiti ladawan iti page 393]
Dagiti Saksi a mangaskasaba iti Malayalam
. . . iti Nepali
. . . iti Gujarati
JAPAN
[Dagiti ladawan iti panid 394]
Dagiti Saksi ni Jehova ditoy Japan, kas iti adinoman, naregtada a mangiwarwaragawag iti Pagarian ti Dios. Idi laeng 1992, binusbosda ti nasurok a 85,000,000 nga oras a nangikasaba iti naimbag a damag. No iti promedio, agarup 45 porsiento a Hapones a Saksi ti agserserbi kas payunir iti kada bulan.
[Ladawan iti panid 394]
Maipabpablaak ditoy dagiti literatura ti Biblia iti adu a pagsasao, agraman Hapones, Insik, ken dagiti pagsasao ti Filipinas
[Ladawan iti panid 394]
Ti Regional Engineering Office asistiranna ti trabaho dagiti pasilidad ti sanga kadagiti nagduduma a daga
[Graph iti panid 394]
(Para iti aktual a pannakaurnosna, kitaem ti publikasion)
Dagiti payunir idiay Japan
75,000
50,000
25,000
1975 1980 1985 1992
REPUBLIKA TI KOREA
[Dagiti ladawan iti panid 395]
Agarup 16 a milion a literatura ti Biblia, malaksid kadagiti tract, ti tinawen a mapatpataud ditoy tapno maabastuan ti nasurok a 70,000 a Saksi ditoy Republika ti Korea. Agarup 40 porsiento dagiti Koreano a Saksi ti agserserbi kas payunir.
MYANMAR
[Dagiti ladawan iti panid 395]
Idi impasdek ti Watch Tower Society ti sanga nga opisina ditoy idi 1947, adda laeng 24 a Saksi ni Jehova ditoy a pagilian. Ti nasurok a 2,000 nga aktibo a Saksi ditoy Myanmar ikagumaanda a danonen saan laeng a dagiti agnanaed kadagiti siudad no di pay ket dagiti ad-adu nga umili iti away.
FILIPINAS
[Ladawan iti panid 396]
Idi 1912, nagdiskurso ni C. T. Russell idiay Grand Opera House ti Manila iti tema a “Sadino ti Ayan Dagiti Natay?” Nanipud idin binusbosen dagiti Saksi ni Jehova ti nasurok nga 483,000,000 nga oras a nangaskasaba kadagiti tattao a masarakan iti agarup 900 a mapagnaedan nga isla ti Filipinas. Ti kaaduan a panangimaton iti nasurok a 110,000 a Saksi iti 3,200 a kongregasion isut’ aggapu iti daytoy a sanga. Maiyim-imprenta ditoy ti walo a pagsasao a mangpunno iti lokal a kasapulan.
[Dagiti ladawan iti panid 396]
Dagiti Saksi a naggapu kadagiti kadadaklan a pagsasao a grupo ditoy Filipinas
SRI LANKA
[Dagiti ladawan iti panid 397]
Sakbay ti Gubat Sangalubongan I, ti naimbag a damag naikaskasaban ditoy Ceylon (Sri Lanka itan), abagatanen ti India. Naorganisa a dagus ti grupo a panagadal. Nanipud 1953 ti Sosiedad naaddaanen iti sanga nga opisina ditoy kabisera a siudad, tapno magundawayan dagiti Sinhalese, Tamil, ken dadduma pay nga etniko a grupo a denggen ti mensahe ti Pagarian.
TAIWAN
[Ladawan iti panid 397]
Adda nangaskasaba ditoy idi 1920’s. Ngem sa la nagbalin a regular daytoy idi 1950’s. Itan dagitoy baro a pasilidad ti sanga mabangbangonda tapno adda sentro ti narang-ay nga aktibidad ditoy a paset ti daga.
[Ladawan iti panid 397]
Kongregasion sadi Taipei
THAILAND
[Ladawan iti panid 397]
Idi 1930’s, immay dagiti payunir a Saksi manipud Britania, Alemania, Australia, ken New Zealand tapno iranudda ti kinapudno ti Biblia kadagiti taga Thailand (Siam idi). Dagiti delegado kadagiti adu a daga tinabunuanda dagiti internasional a kumbension ditoy idi 1963, 1978, 1985, ken 1991 tapno paregtaenda dagiti lokal a Saksi ken tapno maparegtada ti pannakaisaknap ti mensahe ti Pagarian.
[Ladawan iti panid 397]
Kumbension idi 1963
[Ladawan iti panid 397]
Dagiti delegado a baniaga idi 1991
DAGITI ISLA TI PACIFICO
FIJI
[Ladawan iti panid 398]
Ti opisina ditoy Fiji naipasdek idi 1958. Adda idi tiempo nga immatonanna ti trabaho dagiti agiwarwaragawag ti Pagarian iti 12 a pagilian ken 13 a pagsasao. Itan ti sanga ti Fiji as-asikasuenna laengen ti agarup sangagasut a mapagnaedan nga isla iti Fijian a grupo.
[Ladawan iti panid 398]
Dagiti internasional a kumbension ditoy idi 1963, 1969, 1973, ken 1978 timmulong a nangpasinged kadagiti Saksi kadagidiay taga sabali a daga
GUAM
[Ladawan iti panid 398]
Ti opisina ditoy Guam iwanwanna ti pannakaikasaba ti naimbag a damag kadagiti isla a naiwaras iti agarup 7,770,000 kilometro kuadrado ti Taaw Pacifico. Imatmatonanna pay ti pannakaipatarus dagiti literatura ti Biblia iti siam a pagsasao.
[Ladawan iti panid 398]
Ti manangaywan ti sirkito masansan nga ageroplano no mapan kadagiti isla
[Ladawan iti panid 398]
Dagiti lokal a Saksi (a makita ditoy Micronesia) agbilogda tapno madanonda ti teritoriada
HAWAII
[Ladawan iti panid 399]
Ti Watch Tower Society naaddaanen iti sanga nga opisina ditoy Honolulu idi pay 1934. Adda dagiti taga Hawaii a nagebanghelio saan laeng a kadagiti isla ti Hawaii no di aginggat’ Japan, Taiwan, Guam, ken dagiti isla ti Micronesia.
NEW CALEDONIA
[Ladawan iti panid 399]
Nupay linapdan dagiti relihiuso a bumusbusor, dagiti Saksi ni Jehova inyegda ti mensahe ti Pagarian ti Dios ditoy New Caledonia. Adu a tattao ti immimdeng a siyayaman. Idi 1956 nabuangay ti damo a kongregasion. Itan adda nasurok a 1,300 nga agdaydayaw ken Jehova ditoy.
NEW ZEALAND
[Ladawan iti panid 399]
Idi 1947 nangipasdek ti Watch Tower Society iti sanga nga opisina sadi New Zealand tapno sisisinged nga imatonanna ti pannakaikasaba ti naimbag a damag ditoy.
[Ladawan iti panid 399]
Ti panagipatarus a maar-aramid ditoy a sanga isut’ tumulong kadagiti taga Samoa, Rarotonga, ken Niue nga umawat ti regular a naespirituan a pannakapabileg.
[Ladawan iti panid 399]
Dagiti agipatpatarus ken proofreader agbibinnadangda a mangipaay kadagiti de kalidad a publikasion
AUSTRALIA
[Dagiti ladawan iti panid 400]
Naaddaanen ti Watch Tower Society iti sanga nga opisina ditoy Australia idi pay 1904. Kadagiti napalabas immatonan daytoy ti trabaho a panangiwaragawag iti Pagarian iti gistay kakapat ti lubong, agraman China, Abagatan a Daya nga Asia, ken dagiti isla ti Sud Pacifico.
[Ladawan iti panid 400]
Ti Regional Engineering Office asistiranna ti konstruksion ti sanga iti Sud Pacifico ken ti Abagatan a Daya nga Asia
[Ladawan iti panid 400]
Iti agdama, daytoy a sanga iyim-imprentana dagiti literatura ti Biblia iti nasurok a 25 a pagsasao. Ti pagimprentaan ditoy abastuanna ti kasapulan a literatura ti agarup 78,000 a Saksi nga adda kadagiti lugar nga imatmatonan ti walo a sanga ditoy Sud Pacifico.
[Mapa/Ladawan iti panid 400]
Dagiti daga nga abastuan ti sanga ti Australia kadagiti literatura
[Mapa]
(Para iti aktual a pannakaurnosna, kitaem ti publikasion)
AUSTRALIA
PAPUA NEW GUINEA
NEW CALEDONIA
SOLOMON ISLANDS
FIJI
WESTERN SAMOA
TAHITI
NEW ZEALAND
PAPUA NEW GUINEA
[Dagiti ladawan iti panid 400]
Naisangayan a karit ti sarsarangten dagiti Saksi ni Jehova ditoy a daga—agarup 700 a nagduduma a pagsasao ti us-usaren dagiti umili. Dagiti Saksi a naggaput’ di kumurang sangapulo a sabali a daga ti immay ditoy a makiraman iti trabaho. Nagbannogda a nangadal kadagiti lokal a pagsasao. Dagiti interesado agipatarusda para kadagidiay sabali ti pagsasaoda. Sieepektibo met a mausar dagiti ladawan kas katulongan ti panangisuro.
SOLOMON ISLANDS
[Dagiti ladawan iti panid 401]
Adda panagadal iti Biblia nga internasional ti pannakaikonduktana babaen iti koreo nga isut’ nangyeg iti mensahe ti Pagarian ditoy Solomon Islands idi rugrugi ti 1950’s. Nupay nakaro ti tuben, nagsaknap ti kinapudno iti Biblia. Daytoy a sanga nga opisina ken ti nalawa nga Assembly Hall ket resulta ti lokal a kinasigo, internasional a panagbibinnadang, ken nawadwad nga espiritu ni Jehova.
TAHITI
[Dagiti ladawan iti panid 401]
Idi rugrugi ti 1930’s, indanon dagiti Saksi ni Jehova ti mensahe ti Pagarian ditoy Tahiti. Uray iti tengnga ti Taaw Pacifico, naan-anay a panangasaba ti maipapaay. Kadagiti kallabes la nga uppat a tawen, ti nagapuananda a panangasaba agdagup iti nasurok a lima nga oras a panagsao, no iti promedio, iti kada lalaki, babai, ken ubing ditoy nga isla.
WESTERN SAMOA
[Ladawan iti panid 401]
Ti Western Samoa ket maysa kadagiti kabassitan a nasion ditoy lubong, ngem dagiti Saksi ni Jehova addaanda iti opisina ditoy. Nabangon idi 1992 ti pasilidad tapno asikasuenna ti trabaho kadagitoy nga isla ken iti kabangibang, agraman ti American Samoa.