Linaklaksa a Kakabsat

1. Linaklaksa a kakabsat,

Umariwekwekda.

Aminda ket natarnaw,

Kas Saksin’ Jehova.

Tunggal ili ken tribu

Ti nagtaudanda.

Idaydayawda ni Jehova

A sangsangkamaysa.

2. Linaklaksa a kakabsat,

Mangaskasabada.

Ti naimbag a damag

Irakrakurakda.

Uray no masuotda,

Naregtada latta.

Ni Kristo pagin-awaennat’

Nalpay a kararua.

3. Linaklaksa a kakabsat,

Addat’ paraangan

Ti templo ni Jehova

A pagserserbianda.

Ipakpakaammodat’

Damag ti Pagarian.

Ibilang ida ni Jehova

A katrabahuanna.